الملتقى الطلابي

الملتقى الطلابي (https://students-bh.com/vb/index.php)
-   بوليتكنك البحرين (https://students-bh.com/vb/forumdisplay.php?f=103)
-   -   [ نبذه عن تخصص إدارة اللوجستيات العالمية ] (https://students-bh.com/vb/showthread.php?t=64199)

Ha. 01-06-2014 09:50 AM

[ نبذه عن تخصص إدارة اللوجستيات العالمية ]
 
بسم الله الرحمن الرحيم
السلام عليكم و رحمة الله وبركاته
حبيت أعرفكم بتخصصي لأنه تخصص جديد و إلي يسمع عنه أول مرة أكيد بيسأل روحه , شنهو لوجستيات؟
اللوجستيات هو العلم المعني بنقل و تدفق الطاقة، البضائع، المعلومات، البشر (السفر و الإنتقال)، و الموارد الاخرى من النقطة الأولى إلى النقطة الثانية بواسطة وضعيات النقل المختلفة (بر،بحر،جو،قطارات). من المستحيل إنجاز أي تجارة عالمية او استيراد او تصدير اي منتج بدون لوجستيات.

اللوجستيات ينقسم لقسمين رئيسيين:
النقل: نقل الأشياء الي ذكرتها - بالاضافة إلى علم سلاسل الإمداد يعني المراحل الي بيمر بها المنتج او الشي على ما يصل للنقطة الثانية. و يوجد نقل بري بحري و جوي.
التخزين: تخزين البضائع في مخازن ضخمة و متخصصة و تجهيزها لحين موعد نقلها.

هذي نبذة مختصرة عن اللوجستيات ، الحين بتكلم عن التخصص:
التخصص موجود في بوليتكنك البحرين و جامعة طلال أبو غزالة ، في بوليتكنك البحرين أفضل لأنه معتمد من أعلى معهد للجوستيات في العالم (CILT) و إذا درسته في البوليتكنك بتتخرج بـ:
1- شهادة إحترافية في اللوجستيات من معهد CILT العالمي.
2- دبلوم في الللوجسات من معهد CILT العالمي.
3- باكلريوس في إدارة اللوجستيات العالمية من بوليتكنك البحرين.
و كل هالشهادات في أربع سنين!

في أول سنتين بتدرس مواد التخصص بشكل عام ، في مادة جغرافيا النقل ، الإهتمام بالعملاء ، التخزين ، و مواد أخرى.. و طبعا كل المواد الي بتدرسها في التخصص لها داعي و يراوونك ليش هالمواد متعلقة باللوجستيات (حتى مادة الايتي).
بإختصار البرنامج مافيه مادة مالها داعي.
عقب هالسنتين بتتخصص في شي معين ، عندك الطيران ، التخزين ، إدارة سلاسل الإمداد ، النقل البحري.

التخصص صعب؟
كل تخصص فالدنيا فيه صعوبة، لكن بتتدرج في الصعوبة كل سنة اصعب من الي قبلها، لكن اذا حطيت بالك و سويت شغلك صح بترتاح من درجاتك.. إذا اهملت بتنصدم و بتكره حياتك.

الشغل عقب التخرج:
البحرين تجوف اللوجستيات من اهم القطاعات في رؤية 2030 ، بعد نضوب النفط.
و هو القطاع القادم لان البحرين جزيرة و لها موقع استراتيجي و سهولة المعاملات فيها و المرور السريع.
في شركات لوجستية كثيرة و عالمية في البحرين حاليا مثل DHL Agility Maersk ، و كلها تطلب موظفين عندهم شهادة في التخصص (مافي الا عدد قليل في البحرين، الا يدرسون التخصص في البوليتكنك حاليا عددهم تقريبا 250).
المعاشات بتعتمد على القطاع، حط فبالك انك اول ما تتوظف معاشك بيكون كمثل اي شخص حامل لشهادة البكلريوس ، لكن هالشهادة بتساعدك للتقدم في المسمى الوظيفي بسرعة.
معاشات القطاع البحري اسطورية! إذا وصلت لرتبة قائد سفينة معاشك بيصك 4000+ و تشتغل شهر و إجازة شهر :ongue: >> كلام مدير البرنامج في البوليتكنك.

رأيي عقب سنة من دراسة اللوجستيات في بوليتكنك البحرين:
التخصص ممتع ، ممتع بشكل مو طبيعي.. دراستنا بنظام PBL ، يعني الاسايمنتات شغلها اغلبها عليك و على بحثك.. بس الدراسة ممتعة و المواد حلوة و تجذبك حقها.. >> رأيي طبعا، أنا كنت اجوف ان اللوجستيات بيكون شي ممل لما ادخله بس تفاجئت بالعكس.. في اسايمنتات تعتمد على رحلات ، يودونكم رحلة لشركة او مخزن و عقب تكتب عنها، تجربة حلوة.
الدراسة في بوليتكنك نعمة بصراحة ، برامج موجودة على مدار الاسبوع، الكل يهتم فيك و يقدرك و يحترمك.. مافي اي قصور من هالناحية >> أحب أقعد فيها أكثر من البيت.

المهم مادري وش بعد ما كتبت ، الي عنده سؤال حياه يرد و بجاوب عليه ان شاء الله..
بالتوفيق للجميع في الامتحانات
أخوكم..

ستايش 15-06-2014 10:46 AM

اممم
انزين التخصص برايك أنسب لمين طلاب تجاري لو علمي لو أدبي ؟؟؟

فيه بنات يدخلون هالتخصص لو أنسب للصبيان

Ha. 15-06-2014 03:36 PM

اقتباس:

المشاركة الأصلية كتبت بواسطة زينب الستراوي (المشاركة 1127913)
اممم
انزين التخصص برايك أنسب لمين طلاب تجاري لو علمي لو أدبي ؟؟؟

فيه بنات يدخلون هالتخصص لو أنسب للصبيان

التخصص يناسب طلبة التجاري بشكل اكبر من الباقين ، بس الاختلاف مو بعيد لان كل المواد تقريبا الا بتدرسونها مادرستون مثلها قبل بس متعلقة بالتجاري اكثر ، لان في النهاية التخصص تخصص إدارة ( Management )..
بالنسبة للبنات ، التخصص يناسب الكل .. التخصص في البوليتكنك فيه بنات واجد .. يمكن اكثر من الصبيان بعد
الشغل فالنهاية ممكن يكون فمكنب ، و في شغلات ميدانية تناسب البنات..

ستايش 17-06-2014 01:03 PM

التخصص يعتمد على اللغة الأنجليزيه؟ لو انه عادي ومع الوقت الوحد بيتعود ويتعلم ويمشي روحه

محمود محمد 17-06-2014 02:53 PM

طرح مميز للموضوع :ongue:

NoOony.A 17-06-2014 03:05 PM

زينب
يعني بالله عليج شفتي تخصص مايعتمد ع اللغة الانجليزية!!!!!!!!!
كل التخصصصات ب الانج و الشاطر الي يجد ع روحه و بيتعلم و بيعرف شوي شوي
يعني حلوووة تبين تدخلين تخصص ب الجامعة و تسألين عن الانج
حتي الشركات و الشغل كله انج
و انتي الحين خلاص قررتي وش بتدخلين "سس

مشكور اخوي ع الطرح
موفقين

Ha. 27-06-2014 01:35 AM

اقتباس:

المشاركة الأصلية كتبت بواسطة زينب الستراوي (المشاركة 1129120)
التخصص يعتمد على اللغة الأنجليزيه؟ لو انه عادي ومع الوقت الوحد بيتعود ويتعلم ويمشي روحه

التخصص بالانج 100% ، لكن البوليتكنك بتهيئش باللغة و بتطورها لش مع الوقت من الفاونديشن و حتى في اول سنتين في التخصص، هالموضوع بيفيدش عن الفاونديشن و طريقته:
http://www.polytechnic.us/showthread.php?tid=5

اقتباس:

المشاركة الأصلية كتبت بواسطة محمود محمد (المشاركة 1129177)
طرح مميز للموضوع :ongue:

شكرا اخي.

اقتباس:

المشاركة الأصلية كتبت بواسطة NoOony.A (المشاركة 1129178)
زينب
يعني بالله عليج شفتي تخصص مايعتمد ع اللغة الانجليزية!!!!!!!!!
كل التخصصصات ب الانج و الشاطر الي يجد ع روحه و بيتعلم و بيعرف شوي شوي
يعني حلوووة تبين تدخلين تخصص ب الجامعة و تسألين عن الانج
حتي الشركات و الشغل كله انج
و انتي الحين خلاص قررتي وش بتدخلين "سس

مشكور اخوي ع الطرح
موفقين

العفو و ربي يوفقش اختي.

maroon 5 27-06-2014 05:39 AM

السلام عليكم .. شرح اكثر من رائع اخوي

بس من ناحية العمل .. مثلا انت قلت قائد سفينة هل سيكون تواجده وعمله في السفينة بالمعنى الحقيقي ؟ او سيكون في مكتب يدير السفينة ؟

قصدي هل العمل سيكون ميداني او مكتبي ؟

واسف ع الاطالة اخوي :)

Abu_Ali 30-06-2014 04:09 AM

تسلم ع الشرح اخوي واتمنى تجاوب على أسئلتي .. :-)

هل هو يعتمد على الرياضيات او الحفظ او الفهم ؟

هل هو صعب بالنسبة لك ؟ وهل هو تخصص متعب ؟

وتحياتي الحارة لك طبعاً ..

Ha. 01-07-2014 07:06 PM

اقتباس:

المشاركة الأصلية كتبت بواسطة maroon 5 (المشاركة 1133085)
السلام عليكم .. شرح اكثر من رائع اخوي

بس من ناحية العمل .. مثلا انت قلت قائد سفينة هل سيكون تواجده وعمله في السفينة بالمعنى الحقيقي ؟ او سيكون في مكتب يدير السفينة ؟

قصدي هل العمل سيكون ميداني او مكتبي ؟

واسف ع الاطالة اخوي :)

بيكون في السفينة .. ميداني..
بس اغلب الاشغال بتكون مكتبية ، امس كنت قاعد ويا واحد بيتخرج من التخصص السنة الجاية ، قالي ان 67% من الشركات بتعطي خريج هالشهادة معاش 900 دينار في بداية توظيفه >> معلومة اضافية

اقتباس:

المشاركة الأصلية كتبت بواسطة abu_ali (المشاركة 1134939)
تسلم ع الشرح اخوي واتمنى تجاوب على أسئلتي .. :-)

هل هو يعتمد على الرياضيات او الحفظ او الفهم ؟

هل هو صعب بالنسبة لك ؟ وهل هو تخصص متعب ؟

وتحياتي الحارة لك طبعاً ..

يسلمك اخويي ، التخصص مافيه رياضيات ، طول فترة التخصص ما بتدرس ريض.
يعتمد عالحفظ و الفهم في نفس الوقت ، اذا فهمت المضمون بيكون الحفظ اسهل و العكس صحيح، بس انا اجوف جانب الفهم اكثر لان اذا فهمت خلاص تقدر تكتب باسلوبك الخاص و اهم شي توصل الفكرة اذا كان في امتحان او اسايمنت.

صفر سبعه 07-07-2014 03:05 AM

بالتوفيق أخوووي ومشكور على الطرح ...

الوالد كآن مصر آني ادرس هالتخـصص ..
مطلوووب في السووق و ممتاز ..

Ha. 07-07-2014 04:01 AM

اقتباس:

المشاركة الأصلية كتبت بواسطة صفر سبعه (المشاركة 1140211)
بالتوفيق أخوووي ومشكور على الطرح ...

الوالد كآن مصر آني ادرس هالتخـصص ..
مطلوووب في السووق و ممتاز ..

الله يوفقك اخويي ، نورت الموضوع

NoOony.A 07-07-2014 05:17 PM

ماشالله اول مايتوظفون الي محصلين هالشهادة ع طول 900:1211:

ممكن الخطة الدراسية! ابي اشوفها

NoOony.A 07-07-2014 05:28 PM

اقتباس:

المشاركة الأصلية كتبت بواسطة صفر سبعه (المشاركة 1140211)
بالتوفيق أخوووي ومشكور على الطرح ...

الوالد كآن مصر آني ادرس هالتخـصص ..
مطلوووب في السووق و ممتاز ..

سمعت انه تخصص قوي عدل بس ماحطيت له بال لانه يعتمد ع الحفظ و اني الحفظ بالنسبة ليي جحيم :sweatdrop:

شلون طريقة عمله يعني ! :sweatdrop:

صفر سبعه 07-07-2014 09:09 PM

اقتباس:

المشاركة الأصلية كتبت بواسطة nooony.a (المشاركة 1140410)
سمعت انه تخصص قوي عدل بس ماحطيت له بال لانه يعتمد ع الحفظ و اني الحفظ بالنسبة ليي جحيم :sweatdrop:

شلون طريقة عمله يعني ! :sweatdrop:


هاي بعض من مواده : ادارة بيئة الامداد والنقل , عمليات الشحن والتخزين , السفن والتوكيل , الشحن الجوي العالمي , ادارة المطارات ..

يعني كله شحن وشلون تديرين هالشحن " قطاع الصناعه " , بعضه حفظ واغلبه عملي ..


الساعة الآن 05:54 PM.

Powered by vBulletin® © 2024