الملتقى الطلابي

الملتقى الطلابي (https://students-bh.com/vb/index.php)
-   أرشيف المنتدى الترفيهي (https://students-bh.com/vb/forumdisplay.php?f=236)
-   -   مدرسة سترة يا يمة (https://students-bh.com/vb/showthread.php?t=6644)

نوار 25-03-2010 06:26 PM

مدرسة سترة يا يمة
 

يا الله على هالإبداع البحراني .. :laugh:
مواهب مدفونة ..
وكاتبها فضيع ..


http://www.mediafire.com/?dnoirmdyzwj


\
/


وتيبتها ليكم ..
بس لحد يجي يبوقها وينقلها لمنتديات ثانية بدون ذكر المصدر .. عيب لأنه .. "سس

مدرسة سترة يا يمة .. يعلم الله ويش أقاسي
ما تمر ساعة خلية .. من المصايب والمآسي
مرة في الفسحة لعبنا .. بالكرة لعب حماسي
حسبي الله على المراقب .. هالغبي ضيّع حواسي
خربط التشكيلة كلها .. والإحتياط خلاه أساسي
وأنهزمنا عشرة واحد .. وعيسى للحين ما هو ناسي
والربع بعد الهزيمة .. اتهاوشوا بضرب الكراسي
جيت اليهم بالتفاهم .. بالغلط شقوا لباسي
على غفلة جاني كرسي .. كسر سويج الأياسي
والربع طلعوا براءة .. طبت البلوة على راسي
سجلوا ضدي تعهد .. بأول العام الدراسي
والذي يوقع تعهد .. يعتبر ناشط سياسي


ومن ذاك الوقت صارت حياتي مهددة
عشا بالفرحة ما ذوقه .. ولا أذوق الغدا
عسى ما تنكسر حاجة أنا كبش الفدا
كأني بمدرسة سترة زعيم القاعدة

ولو فلتوا حجر .. ولو كرسي انكسر
ولو كسروا الشجر ..
يتهموني انا .. بلا علم وخبر

نـَبضْ الأمَـلْ 25-03-2010 06:49 PM

يسلموو خيو ..

حدها فن عجبتني وعجبت اخواني :)

مسكين يكسر الخاطر لكن هههه

MJA 25-03-2010 07:10 PM

القصيدة إبداع،،

صدق شاعر من كتبها ..... :laugh:

أعجبتني جداً ..... :laugh:

حيدرية الهوى 25-03-2010 07:16 PM

بلاوي

اقتباس:

والذي يوقع تعهد .. يعتبر ناشط سياسي
اهم شئ في السالفة انه ناشط سياسي

حماااس ستراوي

العذراء 25-03-2010 11:31 PM

عجييبة
طالعة من صميم القل
معآآآنآآآة
الله يعين
يسلمووو

صدى الذكرى 26-03-2010 01:05 AM

اقتباس:

صدق شاعر من كتبها ..... :laugh:
أظن اللي كاتبنها استاذ حسن حبيل
وبالمناسبة هوه شاعر .
لأن نفس اسلوبه .. ومعظم قصائده تكون بطابع فكاهي عفوي :laugh:
وغالبا عن الدراسة والمدرسة


صدى الذكرى 26-03-2010 01:07 AM

من ضمن قصائده أيضا :

قلت له يا حجي احمد ليش طول الوقت عابس***أرد اسألك بالصراحه منهو من الاجيال خالس
جيلكم لو جيل ابنكم جاوب بليا وساوس***قال تبيني اجاوب بينه ماكو تجانس
فرق شاسع بينا وبين الاولاد الابالس***الدراسة اسم شايع سترة لدراز السنابس
طالب بهازمن راهي ويكشخ بافضل ملابس***اتشوفه معزز مكرم وجيبه من لفلوس تارس
وفوق هذا من تنصحه يعاند زيادة ويناحس***ليته يدري بزمن اول ويش ناكل وش نمارس
وشنهو في الفسحة أكلنا غير تمر وخبز يابس***ذاك من ذاك اللي يفتر وبيده حامل خبز لحمر
يبوس ايده اللي يحصل روتي معطن صاير اخضر***في زمنا العيشة ?شرة وكلها تسكر يبن عسكر

جوتي ما امتلك جوتي من جدي يلعبوني حارس***الأول الي يغيب حصه بالخطى تصيده عفايس
يجيه الأستاذ بقساوة وصبعته ?نها بلايس***واللي ينسى هناك دفتر من الرحمة يصير آيس
اذكر اني انسيت دفتر يوم كنت انا بسادس***جرجروني للأدارة ?أني خيل بلا فارس
تلايمو كلهم عليا هذا يفلص وذاك ينابس***وهذا يضربني ب?وعه وذاك بالجوتي يرافس
صحت يا ناس ارحموني ما تشوفوني افاطس***انا ما هو توني اطلس لا وبدرو مورالس
انا ذنبي انسيت دفتر لا اقل ولا هو اكثر***فلصني المشرف بأيده وأيده خشنة ?نها بكر
مدرسه تدخلها انته وشلك ابداً ما تعمر***قلت مو بس انا وربعي كلها تسكر يبن عسكر

مو كفو بأيام اول واحد يربي أضافر***واللي يربي له كشه هذا عند الناس كافر
وهالزمن روح المدارس تعجز تعد المناكر****حتى طالب الابتدائي تشوف إله عرفوف طافر
ومن يشوف هنود تمشي قام يتعلف ويصافر***الدراسه الأول اضبط غصب طيب تكون حاضر
المدرس في زمنا ?أنه عزرائيل طاير***يشحن السبورة كلها أسألة وينهي ويآمر
أكتبوا كلشي كتبته والجواب ابيه باجر***واللي ما يكمل الواجب حتى لو عذره مسافر
يحصل اطراقات عدله لما تطلع له خنافر***حتى لو تبي تتعذر العصى ما تقول ماقدر
الويل ويلك ان منعته لو قلت له انسيت دفتر***ما هو شغلي افتح ايدك كلها تسكر يبن عسكر

لول اذا تغيب حصه يصير تسطيره ابيزه***وبالعناقيش القوية راسه يصبح ?أنها حيزة
ومن يشد اطراق منهم والأيادي ?نها ريزة***بس رغم كل هالقساوة الدراسة فيها ميزة
تشوفنا كلنا حبايب المدرسة عند عزيزة***مو مثل طلاب زمنكم ?ئنهم هنود فرويزة
هذا طول اليوم يفتر وذاك مايفارق الدختر***ذاك يظل شهرين غايب حجته في خشمه سكلر
وش اعدد من بلاوي كلها تسكر يبن عسكر

في زمنه دلع ماكو وكل قرار يصير ساري***ماكو تسريحه جميلة الأول القرعه اجباري
والذي ما يسوي قرعه بكشته يربطون باري***روسنا من كثرة الطق معلنة حالة طواري
مهمببة ?نها شوارع حفروا فيها مجاري***بعد فوق هذا ولا مرة شفنا رحلة للبلاج لو لعذاري
والذي منا يصير لوفر قرعته تتحول اجفر***ومن كثر تسميت اذونه تصير ?نها قلم سكر
في زمنا ماكو رحمة وكلها تسكر يبن عسكر

الله يعين المدرس على هالشغله الكديشة***مااظن يرضى يدرس لو يحصل له معيشة
هذا مثل القط ايعاوي وذاك يطل من الدريشه***وهذا فوق الكرسي نايم شكله دايخ من الشيشة
وذاك ما عنده وعاية اظن متعاطي حشيشة***وهذا طول اليوم يمزح مخه صاير مثل ريشة
وذاك يترقب الفسحه فكره بس في السندويشة***وين يستبشر ويستر وين عنه يبعد الشر
اشلون يرتاح المدرس والتلاميذ كلها بن?ر***مو بس في مدرسة وحده كلها تسكر يبن عسكر

عشنا عمر الحافظ الله مافي طالب عنده ساعة***وياما ايام عصيبه بتنا في الفسحه جواعة
واذا واحد لبس كشمه قلنا له بسك مياعة***لا تقيسونه بزمنكم فرق واسع يا جماعة
الطالب بهازمن لغبر غصب تتغير اطباعه***كل شي متوفر اقباله حتى افلام الخلاعه
تلفون نقال بيده السلسلة موصلة لذراعه***منهو وفر هالبلاوي و وصله حق الفضاعه
لو تشوفه بتلفونه يتصل بالربع ساعه***تقول حاشة هذا تاجر ينتظر جيت بضاعة
الطالب اذا حصل معبر ودغدغوه بفلوس اكثر***غصب تتغير اطباعه وغصب يتفرعن ويغتر
الشره مو على الطالب اشره على اصحاب لغتر***الذنب مو ذنبه وحده وكلها تسكر يبن عسكر

الأول محايات ماكو واللي بيمحي يتفل***والذي يلاسن مدرس شوت وضرب جموع يحصل
واذا كان مسوي قرعه والأذاين مثل اريل***وقرعته مضروبه فودر هذا امره يصير مشكل
راسه ذاك اليوم ينبط وما اظن بيته يوصل***ويل ويله الي يشاغب واللي يتحجى حجي سفل
من رجايله يحبسونه مثل ما يحبسون لعجل***مو كفو اتغني غنايه لوعلى الكرسي تطبل
مو كفو بحصة رياضه يمسكونك قوم بدل***وحتى لو جسمك توصخ بالكرة وناوي تغسل
تسمع المشرف ينادي ها وين رايح يالمطبل***ارجع الصف بسلامة لا تخلين احول
المدرسة ?نها معسكر كل شخص من خبلة طمبر***انا بعيني شفت واحد امه جت تقسم اعذر
ما هو بس في مدرستنا كلها تسكر يبن عسكر

من اذكر زمن اول انتعش واشعر ابفرحة***كلشي عدنا بزمن اول ليه طعم وفيه صحه
الخلاله الوحدة هالقد نغلط نفكرها جحة***واجمل اوقات الدراسة جرس الهدة والفسحة
ومن يدق الجرس نركض نترك الاستاذ وشرحه***اذكر بأيام لشتا في الدرج حصلت زلحة
وخلفي واحد ?نه تيلر ش?ح فوق دماغي ش?حه***وانعوج بوزي وحالي من المرض مقدرت اشرحه
حتى ظهري صار مايل من الشطفة وش يصلحه***صار اليا اسبوع كامل مبتلي بسعلة وكحه
والدخاتر عني قالوا ما هقينا انت بتصحى***بالصراحه احنا اخير واجد الطالب تغير
ما يلحق الاستاذ يلمسه ينتفخ ويصير عنتر***واذا حصل لطمة وحده جاب ابوه وسوى محضر
لول الحق للمدرس حتى لو جسمك تكسر***بس الحين الحكم ضده وكلها تسكر يبن عسكر
اذكر بأول اعدادي قصتي صارة اح?ايه***وفي امتحان الدين مرة قمت انا وغشيت آية
لمحني الاستاذ وراقب حركاتي من البداية***تركني اكتب لحالي ويوم قربت النهاية
حزم اذراعه بسرعة وجاني مهتد بالعصاية***وقام يسحبني من اذوني قلت له خلني على هواية
خل اذوني لا تسمتها شقالوا لك هذي عرواية***اذا عندك شي تقوله بالتفاهم وبعناية
وطرشو حق ولي امري وكبرت اشوية الحجايه***وبالعصر عمي استخبر واختلق له ?م دعاية
وطاح في عمري اتسطر وانا اقول وش هالبلاية***موتره ما ارضيت اغسله قال هاي فرصة وغاية
وظل ايصف اشلخ وابوي مصدق يسجل قضاية***تدري عن ابنك حرامي باق رضاعة وسهاية
ابنك يدخن جكاير صايدنه في البناية***صوبك الجيران واسال عن ولدك عندهم دراية
ودلدلوني من رجايلي يوم ونص ?أني حلاية***وانا متألم اصارخ الحقيني يا اماية
ولا واحد فيه رحمة ايغيثني ويوقف معاية***وتالي فك لحبال عني وقام يوصيني بوصايا
وانا من كثر المآسي ابد ما عندي اوعاية***صرت أأن اسبوع كامل مرمي ?ني مرة حاية
وقام يهدد هذي اخر لك مرة عنك تجيني شكاية***واذا عدتها وخبروني غاش سورة ولا آية
بالبحر برميك عساك تموت في سقية الماية***لا تغش في الدين ابداً الدين يا مخبل هداية
في العلوم غش في الرياضة في الرسم سو كل سوايا***غش في مادة الانجليزي هذي غشها مو جناية
مادة صعبة واجنبية فيها اوجاع وبلايا***غشها بس عاد بشطارة مو تغشها على عماية
وما كفاه انه شدخني سوى له محضر اشطوله***اه يا حظي غاش آية علبالك هي رجولة
?ان عندك نية بتغش الانجليزي غشها اولى***احنا يوم كنا كبرك نكتب الغش في الصرولة
نغتنم كل فرصة عندنا ومسرع الله تصير غولة***تشوفنا ننقش بسرعه مثل من يصبغ برولة
ابوك ايام الدراسة حزت الغش له صولة***مو كفو يكشفني واحد ماهو من طخت هذولا
من يغش له نص دقيقة التمت الطلاب حوله***واذا بيغش من الدفتر يحوس ?نه يبيع سنطر
يرتبك في اقل لحظة ووجهه من الخوف يحمر***حتى في الغش ما فلحتوا وكلها تسكر يبن عسكر

ضرغام 26-03-2010 11:04 AM

عجيبه حدها نشيده

طاهرة 26-03-2010 11:33 AM

أستاذ حسن حبيل أخو الإبداع الفكاهي

كان مدرس أخوي اللعام وكان ينشد ليهم بعض قصايده

نوار 26-03-2010 12:45 PM

ما شاء الله عليه .. يعني أستاذ ..
أني أملته طالب
لأن هذي سوالف طلاب طافشين .. :laugh:

حياكم الله جميعاً ..

A.Hussain 9 26-03-2010 04:51 PM

عجيب الصراحة


القصيدة الثانية سمعتها في تلفون واحد من الشباب تقتل من الضحك ..


تحياتي

نوار 27-03-2010 01:32 PM

حطوها لينا اهني إذا أحد عنده علشان نسمعها ..

حلم الفَراش 27-03-2010 02:11 PM

هه مساكين
عندهم و عدنا خير
عسى ما وحدة صرخت .. قالوا تعهد
و اذا لبسنا محالف عطونا فصل
الله يعقل هالوزارة
علشان نعقل وراها

عيون الملاك 27-03-2010 06:31 PM

وااااااااااااااااااااااااااو

فــــــن

حدهااا عجيبـة

سمعتهاا بيتناا كلهـــم،،

كشخــة

يعطيكـم الف الف عافيـة

وووووووو بالتوفيــق شعـب

roo7 27-03-2010 08:09 PM

عن جد عجااااايب

ثنكس نوار


الساعة الآن 05:25 AM.

Powered by vBulletin® © 2024