استفسار بخصوص سنة التمهيدي
 

سلام عليكم و رحمة الله و بركاته

عندي اسئلة اتمنى تفيدوني وتفيدون الي يقرا الموضوع:sweatdrop:

1-فالانج يايبه 95 بس معدلي تراكمي 86،4 وانشالله يرتفع بس سؤالي هل يمكن اني اجتاز سنة التمهيدي بسهولة ولا بصعوبة؟؟؟

2-شنو اسم الاختبار الي بقدمه عشان يطوفوني سنة التمهيدي هل هو الايتلس او التوفل او اختبار القدرات؟

3-و هل استفتدوا شخصيا يالي تدرسون سنة التمهيدي من ناحية طريقة الدراسة في الجامعه والانج بشكل عام؟؟

4-و في احصل نماذج للاختبار الي قدمتوه حق تجتازون سنة التمهيدي عشان اراجع منه وجذي للعلم باني طالبة ثانوي توجيهي واخر سنة لي يعني

5-شنو الاشياء الي لازم اسويها او نصائح اذا عندكم حق اتخطى هالاختبار واطوف سنة التمهيدي واصير دايركت سنة اولى بالكلية

6-واذا نجحت بالاختبار وقدرت اطوف سنة التمهيدي ، بالسنه الاولى بتوهق ان انا بحكم توني متخرجة من الثنوي والجامعة يديده علي وبيئة يديده ومو عارفه اشلون ادرس واشلون ابتدي وشاسوي بوقت المحاضرة هل الشي بيأثر علي يعني او على معدلي لان طوفت سنة التمهيدي!!

وبس سلامتكم وشكرا مقدما للي بتجاوبون على اسئلتي❤❤❤

السنة التمهيدية حق كلية المعلمين
ما يصير تجتازينها الا اذا عندج شهادات في الانج مثل ايلتس و توفل
و يشترطون في الايلتس ان الدرجه تكون 6 و فوق

اغلب الي اخذوا السنه التمهيدية قالوا انهم استفادوا منها واجد و طورتهم
و الكل ينصح ان الافضل تاخذين السنة التمهيدية لانها بتسهل الدراسة للسنوات الي عقب
هذا كلام احد اطلاب

أنا أشوف شخصياً السنة التمهيدية مضيعة وقت بالنسبة للطلبة اللي مستواهم في اللغة الانجليزية و الرياضيات ممتاز.

بالنسبة للطلبة اللي مستواهم ضعيف واجد فالإنجليزي و الرياضيات فالأفضل ياخذ التمهيدي، و كل ما يجنهد أكثر بيستفيد.

التمهيدي بكون سنة أو فصل.

طبيعة المواد بتكون مقررات انجليزي مقسمة "ريدتنق-رايتنق-لسننيق"، ورياضيات بكون مو ثقيل يعني أساسيات، و برامج الأوفيس "بوربوينت-وورد-اكسل".

أول شي اذا كان التراكمي فوق ال 90 أو الافرج مال الانج فوق 90 تتخطين السنة التمهيدية دايركت.

إذا عندش توفل أو ايلتس بالنسب المحددة قي موقع الجامعة تجتازين التمهيدي.

فرضًا كل هالأشياء مو موجودة عندش راح تقدمون كلكم اختبار القدرات، اختبار القدرات خليط من كل شي و فيه أسئلة تقيس مستوى اللغة الإنجليزية.

- رفعت في المرفقات نموذج من امتحان القدرات.

نصيحتي لا تحاتين الاختبار واجد، فالامتحان مثل ما تجوفين أشياء عامة بس و لا تحتاج أن تعطينها أهمية كبيرة.

بعد في محاولة للتخلص من التمهيدي، في اختبار يسمونه الإعفاء من التمهيدي بيعلنون عنه وي بداية الفصل و على حسب النسبة اللي تجيبينها في الاختبار بيحددون التمهيدي يكون فصل أو سنة كاملة.

و في فرصة بعد ما تلخصين فصل يكون في امتحان إعفاء ثاني و اذا اجتزتينه تدشين للتخصص دايركت.

ساعات يحذفون فصل حسب تقدير الدرجات اللي تحصلينها.

بالنسبة للتوتر من عدم التأقلم وي نظام الجامعة هذا شي طبيعي و الكل مر فيه في بداية المشوار، لكن راح تتعودين بسرعة وي نظام الجامعة.

نظام الجامعة بكون في اختلاف كبير عن نظام الثنوي، خصوصاً من ناحية مستوى الامتحانات و كمية المقررات.

طبعاً الشي المهم أن هالمرحلة بكون فيها الاعتماد على النفس في الدراسة أكثر، لا تخلون أي شي يطوف بدون ما تكونون متأكدين أن فاهمينه، راح يصادفكم دكاترة مختلفين، و كل واحد وليه طريقة تعامل تختلف عن البافي.

طرق المراجعة بتكون مفتوحة حسب احتياج كل شخص.

موجود نماذج للامتحانات و جدي راح تعرفين طريقة الامتحانات لكل مادة.

وبالتوفيق للجميع إن شاء الله..

مشكورين للي جاوبوا الله يعطيكم العافية♥

بس عندي سؤال سنة التمهيدي بينزلون لي المكافآه الشهرية او لا؟ وانا بتخصص في نظام فصل انشالله :sweatdrop:

و بعد عندي سؤال اخير انا جفت امتحان الي مال امتحان القدرات انصدممممت من سهولته والحمدلله انا علمي واغلب اسئلة الريض الي في الامتحان اعرف احلها بس جم سؤال يمكن ماعرفت احله بس وقت الامتحان وين اقدر اراجع او اراجع الروس او وين ادرس بالضبظ؟؟وانا طالبة علمي توجيهي هل يفضل اني اقط دفاتري وجي ولا اخليهم عشان استفيد منهم بامتحان القدرات حق الكلية؟؟ صيثصيثصيث

حدي متحمسة للكلية من الحين احس ان لازم اسوي اي شي بس عشان يقبلونيcry982cry982 و وايييد احاتي اذا مابيقبلوني بمووت من جي وايد مهتمه و اسأل :sweatdrop::sweatdrop::sweatdrop::sweatdrop::sweat drop::1211:

لا أعلم بخصوص المكافآة الشهرية في السنة التمهيدية..
أعتقدت أنها تصرف عند الإلتحاق بالكلية باعتبارش للحين ما يحسبونش على الكلية...

ولكن المؤكد أنها تصرف مع أول سنة في الكلية.

مثل ما قلت لش..
لا تحاتين الاختبار واجد، فالامتحان مثل ما تجوفين أشياء عامة بس و لا تحتاج أن تعطينها أهمية كبيرة..

بخصوص الدفاتر أنا للحين أحتفظ ببعض الدفاتر للذكرى فقط صيث.

بس على حد علمي كلية المعلمين ليها نظام خاص..
اللي اقصده انهم عدهم تقديم على الكلية و مقابلات خاصة منفصلة عن الجامعة.

و بعد اللي أعرفه أن فترة التقديم و المقابلت و نتائج القبول قبل باقي الكليات.

الأفضل تتأكدين من الكلية نفسها من خلال أرقام التواصل في الرابط

http://www.uob.edu.bh/index.php/colleges/btc