بيكون في امتحان خاص بالجامعة (لكل التخصصاتفي الجامعة) وهوه اللي ينأخذ ابه للقبول، بيكون الامتحان بالعربي ودوائر
أما امتحان الكلية الخاص بها، فهوه بيكون طبعاً بعد ما يقبلونش في أحد تخصصات الكلية (بعد ما يقبلونش في الكلية)، وهذا الامتحان فقط لمعرفة مستوى الانجليزي، فاذا جبتين فيه فوق 70%، فبيعفونش من تمهيدي الانجليزي، اما اذا أقل، فبتاخذين كورس انجليزي اسمه Eng001، ولكن ما بتزيد مدة الدراسة، وأنا استفدت واجد من هالكورس
التسجيل متأكد منها، وتقدرين اتشوفين التقويم من هالرابط:
http://www.uob.edu.bh/index.php/admi...01-16-12-04-21
التخصص اللي عليه اقبال واجد هوه اللي يقبلون فيه عدد أشخاص الأكبر وهو تخصص التمريض
بالنسبة للتوظيف، فمافي على تخصص الأشعة حجي، التوظيف مضمون بإذن الله
تخصصي أنا هوه الدبلوم المشارك في صحة الفم والأسنان، تخصصي ما عليه اغبار، ولكن الناس يعايرونه بأنه دبلوم
، هوه اسم الشهادة دبلوم مشارك، يعني وسط بين الدبلوم والبكالريوس، والتخصص أقدر أكمله بكالريوس في الخليج لمدة سنة ازيادة فقط، التخصص بشهادة الدبلوم المشارك ياخذ 3 سنوات، هالتخصص كان مقفل أول اللعام، وكانو يقبلون فقط 10 أشخاص فيه، فتحوه اللعام وقبلو حوالي 50 شخص. التخصص يمكن من أقوى التخصصات في الكلية اللي التوظيف فيه عالي لأن من موقع الوزارة يقول ان عدد فنيي الأسنان في البحرين سنة 2010 هم 64 فقط. التخصص أساتذته كامل تمام في الشرح، والتخصص احليو، من ثاني فصل يبتدي عملي. في مشكلة بعد، ان الناس يحسبون الشغلة هيه مساعد دكتور، وهذا غلط كبير
، فنيو الأسنان ليهم قسم ابروحهم في المستشفيات