[TanTan]

المشاركة الأصلية كتبت بواسطة manal00

السلام عليكم
أنا طالبة في ثالث إعدادي , وقبل كم يوم عطونا موقع نختار المسار الي بنختاره , أنا عن نفسي أفكر بالتلمذة بس الكل يقنعني بالعكس وأن ما أروح تلمذة باعتقادهم ماله مستقبل .
وبعد سؤال : التلمذة لازم تكونين قويه في الأنج

كشخص متخرج من مسار التلمذة المهنية السّنة الماضية أقدر أقول لش إنّ مافي فرق بينا المتخرجين من "تلمذة" واللي متخرج من "علمي/تجاري/أدبي".
تقدر تدخل الجامعة؟ اي.
تقدر تشتغل؟ اي.
تحصل بعثة من الوزارة إذا كنت متفوق؟ اي.
فـ وين "ماله مستقبل" بالموضوع؟
-
سابقًا، النظام كان اللي يدخل متقدم في السنة الثالثة يقدر يدخل كل الجامعات بالإضافة لجامعة البحرين، واللي يدخل متخصص، أيضًا يقدر يدخل كل الجامعات باستثناء جامعة البحرين.
لكن اعتقد الوضع تغير الحين "مو أكيد" سالفة المتقدم والمتخصص انحذفت وصار الكل يدخل متقدم في السنة الثالثة.
-
بالنسبة للّغة الانجليزية، أبداً ماراح تكون عائق إذا الطالب جد على روحه وتابع أول بأول
-
في النهاية، أي تخصص تحسينه الأنسب ليش اخذيه، مستقبلش في ايدش وانتين اللي بتعيشين نتيجة اختيارش موأحد غيرش
-

+معلومة: الدفعة اللي تخرجت من مدرستنا السنة اللي طافت، تقريبًا كل اللي أعرفهم راحو الجامعة "داخل وخارج البحرين" قليلين اللي اشتغلو او اختارو انهم مايقدمون على الجامعة