عرض مشاركة واحدة
قديم 08-02-2021, 01:56 PM   رقم المشاركة : ( 3 )
Alzain Aldoseri
طالب مشارك

الصورة الرمزية Alzain Aldoseri

الملف الشخصي

رقــم العضويـــة : 193851
تاريخ التسجيل : 10-01-2021
المشاركـــــــات : 134 [+]
الـــــــــــتخصص : توجيهي - تجاري
الـــــــــــمدرسة : ليش؟؟

 اخر مواضيع العضو

Alzain Aldoseri غير متواجد حالياً

افتراضي

انا بقولكم موقف صار معاي مرعب
كنه تونه ناقلين لبيت يديد ما بادخل في التفاصيل وايد المهم خل اكمل ففي يوم قررنه ان نجوف فلم رعب و الصدمه الكبيره ان البيت كان مسكون و ولا احد عارف حتى انا م كنت ادري يوم عرفنه اساسا و لا تمينه سيده نقلنه لبيت غير . المهم فرحنه حق المجلس الي تحت انا و الي يصيرون لي و قعدنه و جهزنه الخرابيط و حطينه الفلم.

ملاحظه ترا انا كنت صف الثالث و كنت مو مرتاحه وايد حق البيت بس كان وضعي عادي .

فقعدنه و بدأ الفلم م اعرف شنو اسمه بس اذكر ان كان في هيكل عظمي انثى و شعرها قصير اشقر واقفه تحت ليت ازرق في مستشفى كأنه ذي طبعا صوره السي دي .

انا كنت اصغر وحده و اكثر وحده تخاف بس سويت روحي الشجاعه و قعدت كان في مقطع ان ذي الهيكل العظمي الينيه تروح تحت التلفزيون و عقب دقيقه تطلع و تصارخ هلون مثل ذي الايموجي تقريبا ففي ذي المقطع كنت صاكه عيوني و لكن الي يصيرون لي يحبون يخرعوني فكانوا يعيدون المقطع علشان اجوفه و لكن كل مره اغمض لين ما سووها و خلوني اجوف المقطع قالو لي:ترا مافي شي خلاص خلص المقطع و طبعا طلعوا يجذبون فخلوني اجوف المقطع و انا فيني طبع اذا اخاف يا اصارخ او اضحك ؟؟؟ شنو ذي م ادري
عقب قلت باروح الحمام عزكم الله بغسل اليدي لاني كنت اكل
و انا قاعده اركب الدري حسيت كأنه في شي بيصير كنت واييد خايفه لدرجه يدي بدأت ترجف و كأني عارفه شبيصير دشيت الحمام عزكم الله و بووم طلعت لي ينيه مثل الي في الفلم و لكنها سوده طقت الدريشه و نزلت سريع يعني صج سريعه بطريقه م تتخيلونها من الخوف خذت الصابونه و نزلت تحت عند يدتي قعدت اصيح اقولهم في شي و كالعاده كلام الكبار لا ما في شي يمكن كوره انا قاعده افكر شلون كوره و محد يلعب برع؟ م كنت مصدقتهم و لكن كنت خايفه و طلعت برع علشان اتأكد م جفت احد فقلت يمكن اتخيل و صار الليل طبعا فيعني وقت النوم احلى شي ان انا و الي تصيرلي ننام في نفس الحجره و لكن بعد في نفس اليوم و الكل نايم مافي غيري انا مو قادره انام الستاره كانت تتحرك مو من الايسي لان الايسي يحركه خفيف مو بطريق كان احد منخش و قاعد يتنفس فقمت بالعدال خذت الخمام مال الحجره و لصقته في الستاره علشان م تتحرك و اندعست عند الي تصيرلي والحمدلله ان بعد م اهل البيت تمو يجوفون اشياء قرروا ان ينقلون و في اليوم الي طلعنه من البيت يدتي و يدي جافوا اهل البيت في الطابق الثالث في المجلس العود قاعدين يطالعونه .
خلصت القصه اذا تبون قصص صارت لي خبروني بقولكم لان وايد جفت ينانوه مو وايد وايد اوفر ولكن جفت اكثر من مرتين و كله و انا صغيره.

شكرا لكل الي قرأ قصتي و اتمنى انها عجبتكم
توقيع » Alzain Aldoseri
(لا تكسر قلبا يراك اجمل مايملك)
  رد مع اقتباس
الأعضاء الذين أرسلوا إعجاب لـ Alzain Aldoseri على المشاركة المفيدة:
Silent Night (09-02-2021)