[Sawi]

وطبعًا من Sara ! لكل اللي يفكرون يدرسون ف كندا :

- كندا دولة لطيفة، شعبها الأصلي مسالم و ينحب بسرعة،

- مابتضيع هناك أبدًا، كلّ الناس اللي ف الطريق - بدون مبالغة - تقدر توقّفها و تسألها مثلاً عن المكان الفلاني و بيدلونك واحتمال حتّى يوصلونك و يرجعون يكملون طريقهم

- سالفة الفيزا تطوّل شوي فلازم من عقب التخرج -عقب مايعطونك الشهادة مالت آخر كورس- دايركت تشتغل على الجامعة و القبول تبعها " من ناحيتي أنا القبول من الجامعة طلع في أقل من شهر ومتطلباتهم جدًّا سهلة " و بعد نقطة مهمّة : في البحرين ماعندنا سفارة كنديّة ف سالفة الفيزا تسوونها في السفارة الكندية في أبوظبي وتاخذ تقريبًا 8 أسابيع
* في هالنقطة القبول و متطلبات الفيزا تقدرون تسوونها بروحكم أو عن طريق مكاتب طبعًا أنا سويتهم في education zone وكان ليهم فضل كبير جدًّا جدًّا *

- و سالفة الأكل كل شيء موجود في أكل حلال في أسواقهم وفي مناطق ف كندا فيها حتّى مطاعم حلال لان فيها عرب ومسلمين فمايتورّط الواحد

- فارق التّوقيت حاليًا لأن شتا - 8 ساعات البحرين أكثر مننا - التوقيت الصيفي كأنّ 7 ساعات بس !
وطبعًا فارق الوقت ف بداية الأيّام بتحس نفسك ضايع ومافي أحد تسولف ووياه من البحرين بس تالي لما تنغفص ف الجامعة بتحس إنّ أوكي خلاص تعوّدت

- آخر نقطة اللي كنت جدًّا خايفة منها من السوالف اللي اسمعها سالفة التّعصّب الديني طبعًا كلش ماعندهم هالشيء و تجوف الكل يحترم الثاني - سالفة الحجاب وهالامور كلها هم خلاص مثل مايقولون تعوّدوا على هالأشياء لأن عندهم ثقافات و شعوب متعددة فما يواجه الواحد نظرات او ضرر منهم أبدًا وأصلاً بالعكس يعني يحبّون يسألون يعني عن الإسلام والحجاب وهالأمور.


وآخر دعوانا أن الحمدُلله ربّ العالمين

إذا صارت فرصة بنزل لكم تقرير مفصّل عن جامعتنا والقبول و السكن و الدراسة والتكاليف ف هالموضوع!

وإن شاء الله نجوف عدد من الطلبة البحرينيين ف كندا السنوات القادمة