30-07-2018, 12:05 AM
|
رقم المشاركة : ( 120 )
|
أمنيتي جنه
|
من فترة قررت أطلع وي خريجات المدرسة اللي تخرجوا سنة 2014
عاد حاولت أحصلهم وأدورهم وكلمت عدد منهم
وفي النهاية صارات الطلعة حسب الأتفاق في مكان عام كان في (اسبوع اجازة نص الفصل ل جامعة البحرين )
اللي كلمتهم يمكن فوق ال 15 بس اللي جوا منهم بس 5
وخلال إجازة العيد بعد قلنا بنطلع وبعد كلمت بنات و كنا نفس القروب وزدنا ثنتين وصرنا سبع
للحين إجازة وخاطري في طلعة أو جمعه وي بنات المدرسة
وبعد بقول سالفه قديمة بما انه خلاص تخرجنا ف عادي الحين اتكلم
الصوره من 7-11-2013
هذي وحده من الزميلات سوتها ل الصف وعلقنها والجهة المقابله صايره بدون تلوين (سوده )
عاد مره في الفسحة مجموعة من البنات قعدوا في الصف و ما طلعوا واني بعد ما طلعت وكانوا شياطين عاد قاموا وكسروها وعن لا تصير ليهم سالفه أو يتهاوشون وي البنية اللي سوتها قاموا وهربوها وفلتوها في الزيلة اللي برى عن لا أحد يدري ويسأل من اللي كسرها
خساره تعبت البنية راحت في الزيله
وطبعا أني كنت الشاهد قالوا لي ما أخبر أحد
جوا البنات الصف بعد الفسحه وصاروا يتسألون وينه الرسمه ما ادري الجنية عباره في جهة صايره سوده
عاد اني وعن المشاكل وعن لا يكرهوني أو يحقدون علي التزمت الصمت وما قلت لا خير ولا شر
ومضت السالفة وصار ليها سنوات وتخرجنا وعلى ما يبدوا للحين ما يعرفون من الفاعل
الكيكة هس خذيناه يوم طلعت وياهم لأول مره
والمكان هذا اللي فيه أعلام البحرين هذي صورة قديمه من المدرسة
|
التعديل الأخير تم بواسطة ستايش ; 30-07-2018 الساعة 12:18 AM
|
|
|