[Zahraa]

المشاركة الأصلية كتبت بواسطة rooh2007

انزين في احد يعرف شنو نوعية الاكتحانات اللي تقدمها جامعة الخليج العربي،؟ يعني شلون امتحان القبول سهل ولا صعب؟

امتحان القبول كان فيه امتحانين أساسيين
امتحان المواد العلمية (أحياء وكيمياء وفيزياء ورياضيات) ، وامتحان اللغة الانجليزية
الانجلش كان سهل وأغلب البحرينيين سووا فيه زين، بس العلمية دسم وفيه واجد أشياء يعني في منها أشياء درسناها في المدرسة وأشياء لا... يعني يبيله حل بضمير، وجا أصعب بواجد من النماذج اللي في موقعهم... ف يبي ليه دراسة وتحضير قبل الامتحان.... وكان في مقابلة بعد مو بهذيك الأهمية،
بالنسبة لأصحاب البعثات، وبالنسبة للي صار هالسنة، كل اللي من الأساس قدروا انهم يقدمون للجامعة انقبلوا, امتحان القبول حدد بس هل على طول تدشين طب لو سنة تحضيرية (بس لدراسة اللغة ونهايتها تقدمين آيلتز ولازم تجتازين درجة معينة حق يدخلونش يير ون، وترى في ناس عندهم آيلتز من قبل وبدرجة مرتفعة ودخلوا تحضيري.... لأن في عدد مقاعد محدود لسنة أولى وأكثر من نصهم اوردي مأخوذ من الطلبة اللي اجتازوا فاونديشن العام اللي قبله )
وفي ناس واجد ما قدروا يسجلون من الأساس!!