[ستايش]

بسم الله الرحمن الرحيم
اللهم صلِّ على محمد وآل محمد

جت على بالي فكرة هالموضوع بحيث أنه جايتنا إجازة الصيف وفي ناس يسافرون وناس ما يحصلون إجازة أو مثلا شعب ال uob يسجلون صيفي واللي وضعه المادي ما يسمح وبالنسبة للصغار والبنات يمكن أهلهم ما يسمحون ليهم يسافرون بروحهم.........الخ يرجعون الدومات أو وي الأهل كل واحد يقول سافرت ورحت وجيت

أحب أقول ليكم عادي ولا يهمكم ترى عادي مو لازم تسافرون عشان تستانسون احنا بعد في وطنا العزيز (البحرين ) أماكن ومحلات ومعالم سياحية حليوه
فحياكم إذا رحتون مكان (مجمعات , حدائق , مدارس , قلعة البحرين , محمية العرين , جامعات , أو مثلا مكان شغلكم . بحر . مناطق , قرى ,سوق المزارعين ,فنادق, برك سباحة ...........الخ ) صوروا ورونا

بحيث نشوف ابدعات بعض في التصوير
ويمكن نكتشف أماكن حليوه في البحرين بس ما شفناه ولا ندري عنها

بشرط كل شخص يذكر اسم المكان ويكون وإذا تحبون تتكلمون شوي عن مميزاته وعيوبه أو معلومات عنه

ويالله ببدي أني




وهي صورة لطفلة جميلة في المحمية الصورة شهر ديسمبر 2017

محمية العرين
المكان حليو وكبير ومناسب لممارسة رياضة المشي وفي سيارات صغيرة مفتوحه و إذا تحبون تركبون تلف المحمية كامل ب 5 دينار بس ولا مرة جربت لأني أفضل المشي
اعتقد رحتها مره وكان إجازة العيد الوطني وكان واجد زحمة لدرجة ما حصلنا بارك قريب وقفنا بعيد ورحنا نتمشى
عكس الأيام العادية آخر مره رحت كان يوم اربعاء والمكان شبه هادئ واللي هناك ينعدون على الأصابع في طاولات وكراسي إذا تبون تقعدون وبلأمكان تقعدون على الأرض

أتمنى أشوف تفاعلكم ومشاركاتكم وابدعاتكم في التصوير وما تخيبون طني