التسجيل التعليمـــات التقويم البحث مشاركات اليوم اجعل كافة الأقسام مقروءة

  

 


العودة   الملتقى الطلابي > ~~ الملتقيات العامة و الترفيهية ~~ > ملتقى التصميم

ملتقى التصميم كل ما يتعلق بتصاميم الأعضاء ، الفوتوشوب ، البرامج الأخرى المتعلقة بالصور

إضافة رد
 
أدوات الموضوع إبحث في الموضوع انواع عرض الموضوع
قديم 04-08-2015, 04:35 PM   رقم المشاركة : ( 1 )
beno's
بياننَ ،

الصورة الرمزية beno's

الملف الشخصي

رقــم العضويـــة : 42634
تاريخ التسجيل : 01-05-2012
المشاركـــــــات : 1,512 [+]
الـــــــــــتخصص : طالب جامعي
الـــــــــــجـامعة : SEU - Architecture

 اخر مواضيع العضو

beno's غير متواجد حالياً

افتراضي 2 | الطبقات ! Layers



بسم الله الرحمن الرحيم !


طبعا بعد ماتعرفنا في الدرس الاول , على الاساسيات
اخترت هذا الموضوع يكون الثاني ( الطبقات ! Layers )
نظرا لكونه اهم عنصر في كل تصميم !



في اي تصميم نجوفه مكوناته الاساسية هي ( الطبقات ! Layers )
شنو هم الـ Layers و شنو فايدتهم ؟


كبداية بس احب اوضح مكان الـ Layer
يصيرون في يسار صفحة الفوتوشوب


- الفائدة من الطبقات " Layers " :
الفايدة هي ان احنا نقدر نعدل على اي جزء فالتصميم او الاضافة عليه بكل سهولة
بوضح ليكم الشي بمثال بسيط



جوفو هذا , في هالمثال البسيط رسمت ليكم شكلين في طبقة وحدة !
حطيت ليكم شكل الطبقات - جوفو لمن تطالعون تجوفون اثنينهم في Layer 1

انزين الحين فرضا فرضا - ابي اعدل التصميم
ابي الدائرة على اليسار ! و المربع على اليمين

مابقدر !
ليشش ؟!

ببساطة الجواب : لانهم في نفس الطبقة - و لو حركنا الدائرة بيتحرك وياها المربع

* هذا غلط يرتكبونه المصممين احيانا *

ويش هو الصح ؟

* الصح ان احنا نسوي كل شكل في طبعا بروحه ! *



^ نفس هالشكل


ف الحين لين بنصمم نخلي لازم كل عنصر في " طبقة بروحه " سواء صورة او شكل او الخ
و راويتكم فائدة وحدة توضح المجمل عن باقي الفوائد
مو بس سالفة التحريك , حتى التكبير و غيرها من الامور

( هذا كان مجرد عرض تصويري لشغلة الطبقات , بشرح الحين بالتفصيل )


- شرح نافذة " Layers "



هذي هي نافذة الطبقات - نحصلها ف اقاصي يسار الصفحة

ونجوف اسفلها في خيارات بشرحهم الحين :

اضافة طبقة جديدة ( ) :

لمن تضغطون على هالخيار بصير حقكم جدي :



بتندرج طبقة جديدة مثل ماتجوفون

ومثل ماذكرت سابقا : لما نقوم برسم او اضافة عنصر للتصميم نسوي في طبقة جديدة ! و كل عنصر في طبقة بروحه

حذف طبقة ( ) :

لما نبي نحذف طبقة , نحدد اول شي الطبقة - يعني نضغط عليها بالماوس -



اذا تحددت بطلع عليها الازرق ^
وبعدها بنضغط على الزر ( ) و بعدين بتطلع ليكم هالنافذة :



و بتختارون " Yes " و بتنحذف !

انشاء ملف للطبقات ( ) :

الهدف من انشاء ملف للطبقات هو " التنظيم " !

فبعض التصاميم تحتاج الى عدد كبير من الطبقات ! ف نحتاج احيانا نسوي ليهم ملف حق لين بنعدل نقدر نرجع ليه بسهولة ..

بضرب ليكم مثال :

مثلا بنسوي تصميم و فالتصميم بنسوي خلفية + صورة مصممة
انزين الخلفية بروحها يبي ليها اكثر من طبقة اذا كانت منوعة
و الصورة المصممة بعد يبي ليها !
ف نقدر نسوي ملف خاص بالخلفية و نحط فيهم طبقات الخلفية
و ملف خاص بالصورة المصممة



اذا كانت الطبقة خارج الملف و نبي ندخلها نضغط عليها و نسحبها الى الملف
شلون نعرف انها دشت داخل ؟
الي داخل الملف يكونون نازحين الى اليمين مثل ماتجوفون

الربط بين الطبقات ( ) :

الفائدة من الربط بين الطبقات هو التسهيل و الدقة !
ف لو بغينا نحرك عنصرين وية بعض في اتجاه واحد ونبي نحافظ على المسافة بينهم ف نقوم نربطهم ببعض و بعدها لو حركناهم بيتحركون وية بعض وكأنما هم موحودين في طبقة وحدة
و الربط يصير بين طبقتين أو اكثر !

طريقة الربط:
طبعا قلت ان الربط بين طبقتين او اكثر
ف اني سويت طبقتين وحددتهم و بعدها ضغطت على زر الربط



اذا تم ربط الطبقتين - بيطلع لينا زر الربط عليهم

شلون نحدد طبقتين وية بعض ؟
اول شي نضغط على الطبقة الاولى و عقب نضغط على ctrl و نستمر بالضغط عليها و احنا مستمرين نضغط على الطبقة الثانية و نختاز زر الربط

و حق الغاء الربط , بعد نحدد الطبقات الي بينهم ربط و نضغط على زر الربط و بنجوف ان الربط انلغى


نمط الطبقة ( ) :

هذا لو بنضغط عليها بتطلع لينا قائمة ! و هم مجموعة من الانماط نضيفها الى الطبقة حق تعطي تاثيرات
نمط الطبقة = Layer Style


هالموضوع مايحتاج لشرح ! وانما تعريف بالعناصر - وانتون عليكم التجربة !
لان كثرة التجربة في الانماط هي الي تعطيكم الخبرة

بسوي ليكم مثال واحد و البقية عليكم



بختار Drop Shadow

و قبل مااسوي المثال - هذي الانماط ماليها قواعد محددة , هي مجرد قيم و نسب يحطها المصمم حسب مايجوف التصميم !

طبعا لمن نختار Drop Shadow بتطلع هالنافذة :



يمكن تطلع مغطية التصميم بس تقدرون تحركونها بالماوس مثل ماسويت
خليت النافذة على صوب - عشان اجوف النتيجة على التصميم !

المربع الازرق - هو عبارة عن كل الانماط - يعني نقدر نسوي نمط و عقب مانخلص و بعد نمبي نمط ثاني ماليه داعي نطلع و نرد ندش ! نروح للثاني مباشرة

و لازم نضغط عليه عشان يصير , يعني جوفو اذا مو مختارين النمط المربع ماله بكون ( ) لكن اذا اخترناه و تطبق ع العنصر بصير ( )

المربع الاحمر - يطلع لك شلون يصير التاثير يطلع على العنصر - بس يعني لو تطالعونه من التصميم الاصلي افضل !

و هذي الانماط قابلة للتعديل و الاخفاء و النسخ و اللصق !

كيفية التعديل على على النمط و اخفاؤه :

عقب ماسوينا النمط نضغط على OK ف بنلاحظ ان الطبقة صار فيها :



اذا نبي نعدل ! نضغط على كلمة Drop Shadow , ^ الي طالعة فالطبقة مرتين و بتنفتح النافذة مرة ثانية
و نعدل على كيفنا

لمن نبي نخفي النمط ! نضغط على رمز العين و بنلاحظ ان العيون اختفت و التاثير اختفى بعد ! و اذا نبي نرجعه مرة ثانية نرد نضغط على مكان العين و بترد تطلع العين وية التاثير !

كيفية نسخ النمط من طبقة ولصقه في طبقة اخرى :

ساعات نبي اكثر من عنصر فالتصميم ليهم نفس التاثير ! لكن مو من الطبيعي ان احنا نروح لعنصر عنصر نكرر فيه نفس الخطوات :/ الشي ممل ! ف الي نحتاج نسويه ننسخ التاثير من العنصر الاول الي سوينا عليه و نلصقه في العنصر الثاني , و اذا كان عندنا اكثر من عنصر نحددهم كلهم و نلصق فيهم



اني سويت التاثير على المربع !
انزين بعد ابي تاثير الظل على الدائرة بعد :/
ويش اسوي ؟



اول شي احدد الطبقة الي سويت عليه التصميم !
و اضغط رايت كلك - و حاسبو انكم تضغطون على المكان الي بالازرق ! مو تضغطون على المربع الصغير الي طالع فيه التصميم
بتطلع لينا قائمة شطولها بنختار منها Copy Layer Style

بعدين نروح للطبقة الي نبي نلصق فيها ! و بعد نضغط رايت كلك و نختار Paste Layer Style



بعدين بنلاحظ ان النمط صار بعد في الطبقة الثانية و ان التاثير نفسه صار على العنصر الثاني :) !

نقطة بعد احب اشير ليها !
وهي ان اذا نبي نشيل النمط نحذفه يعني مو نخفيه
بعد نحدد الطبقة و نختار رايك كلك و Clear Layer Style


نقاط اخيرة في الطبقات :


1:



المستطيل الاحمر ! هو عبارة عن قائمة - فيها مجموعة من الانظمة تؤثر على الطبقة , و كل طبقة نقدر نغير نظامها !

اما العنصرين الي محددين باللون الازرق ! ف هم خاصين بشفافية الطبقة - ف لو نبي ان الطبقة تصير شفافة نقلل من النسب , و طبعا ببين في التصميم شلون صارت



2:



المربع الاحمر ! الي فيه العيون - وظيفة العيون هني نفس الوظيفة القبلية
فلو ضغطنا عليها بتختفي العين و بيختفي العنصر من التصميم !
و اذا نبي نرجعه نرد نضغط على مكان العيون و بيرجع

اما الي بالمربع الازرق ! الا هي طبقة Background
خاصة بخلفية التصميم و يفضل نخليها فالبداية و نكمل التصميم و عقب نرجع ليها !
يعني نبدي من Layer 1



3:



تسمية الطبقات ! امر مهم جدا " لتنظيم التصميم " تخيل يعني تصميمك مكون من 100 طبقة - و لو نبي نحرك طبقة :| ويش يخلينا ندورها من بين 100 طبقة فالتسمية تسهل علينا
طريقة التسمية سهلة
كل الي علينا نسويه ان احنا نضغط على كلمة Layer 1 مرتين ورا بعض و بنجوف ان صار لينا ان احنا نغير الاسم و بس بنكتب الاسم الي نبيه


4:



دمج الطبقات ! فرضا عندنا اكثر من طبقة تسوي شكل واحد
و نحتاج فرضا ندمجهم :/ ان يمكن مانمبي نربطهم وية بعض اختصارا للفوضى
ف ويش الحل ؟ ندمجهم عشان يصيرون في طبقة وحدة ! شلون ؟
اول شي نحدد الطبقات الي نبي ندمجها وعقب نضغط ctrl+E بنجوف ان الطبقتين اندمجو وية بعض
مثل ماهو موضح فالصورة



5 :





هذا يثبت لينا , ان ترتيب الطبقات ليه تاثير على التصميم من حيث الظهور

ف في الصورة الاولى ! نلاحظ ان الدائرة قدام و المربع ورا - لان ترتيب الطبقات ان الدائرة الي فوق
لكن في الصورة الثانية العكس

ف لمن نبي نسوي شي فوق الثاني , مجرد نحرك الطبقة ! شلون ؟ بس نضغط عليها و نسحبها فوقه ..


6 :

مضاعفة الطبقة أو تكرارها !
فرضا نبي الطبقة مرتين
ف شلون نكررها ؟
سهل جدا
نضغط على الطبقة و عقب نسوي ctrl+J
و بنجوفها تكررت مرتين , و بعدها نحركها على حسب حاجتنا

ولو بغينا نكرر طبقتين بعد عادي نفس قبل نحددهم ثنتيناتهم
ونسوي نفس الحركة ctrl+J !

نقدر بعد ان نسويها مو من الكيبورد , يعني نحدد الطبقتين و نضغط رايت كلك و نختار Duplicate Layer


_______________

بحمد الله تم الدرس الثاني !

_______________

الحين حق كسر الروتين الممل !
" التطبيقق "

حق تتشجعون , النتيجة هي :



_____________________

في اشياء ماشرحتها فالشرح :/
بس بشرحها الحين


اول شي افتحو ملف جديد قياس 520×270
520 العرض
270 الطول

سوو هالخطوات :

اختارو باترن للخلفية ! < شلون نختار الباترن :| ؟ دشو هذا : كيفية تركيب الـ Pattern !



عقب نختار OK

ف هذي اول نتيجة :



الحين سوو طبقة جديدة !
و اختارو هذا الخيار من صندوق الادوات :

الي مايطلع له هالخيار , يضغط رايت كلك و بتطلع له هالقائمة :



و اختاروها منه

و ارسمو دائرة بهالشكل :



و حاسبو ان الرسم يصير في الطبقة الجديدة !
الحين اعكسو التحديد ctrl+shift+I
بصير جذي :



الحين اختارو هذي الاداة :

و عقب اضغطو على دا :



بتطلع هذي النافذة :



مكان المظلل خلو هذا الكود : 7accb1

و اضغطو OK

و الحين اضغطو على المكان المحدد !



الحين سوو بعد طبقة جديدة

الحين ارجعو اختارو هالاداة :

وارسمو دائرة بهالشكل :



واعكسو التحديد ctrl+shift+I



و اختارو هالاداة :

و اللون الي تختارونه كوده : 3ca985



الحين روحو للـ Opacity



^ الي موجود ف يسار الصفحة و خلو النسبة 41%



الحين سوو طبقة جديدة بعد ! و اختارو الدائرة و ارسمو جدي



و اعكسو التحديد :




اختارو اداة التلوين ! و اللون كوده : a93c4b



و سوو Opacity :
30%



الحين بعد سوو طبقة جديدة
و حددو بهالطريقة :



اعكسو التحديد , و لون الكود : a93c4b





الحين اختارو هالاداة :

^ المحاية ! و امسحو فيها طرف اليمين



الحين سوو Opacity
67%




الحين افتحو هذي الصورة :



شرحت قبل شلون تفتحون صورة فالدرس الاول !
File > Open
وافتحوها
بتجوفون صار جذي :



طالعو شريط الادوات على اليسار , حاسبو ان الي مختارينه هو السهم
الحين اضغطو على هذي الصورة و و خلكم ضاغطين عليها و اسحبوها الى التصميم
يعني الحين اذا ضغطتون عليها اسحبوها الى فوق اسم التصميم اني عندي اسمه : Untitled-1
بس عشان توضح ليكم ان اني اخذ الصورة و اسحبها على هالاسم و عقب بيفتح التصميم و اخليه فيه



الحين اختارو نمط الطبقة ! و خيار Color Overlay

كود اللون : 68b297









الحين كررو الطبقة ! ctrl+J



اختارو اداة التحريك و حركوها



الحين سوو الاوبستي حقها 40
وانقلوهات تحت الطبقات :



الحين اختارو هذي الاداة :

ارسمو مربع :



اكتبو فيه اسمكم + ظللوه + بعدها اختارو الخط الي تبونه :



اختارو الحجم الي تبونه :





الحين بنشتغل على نمط الطبقة ! :










و بس استوى التصميم :) !



في فرق بين هذا و بين النتيجة الي حطيتها فوق
بسبب اختلاف في زوايا الظل shadow
بس المهم ان فهمتون الاستراتيجية !!

ابيكم تطبقون !
مو لازم تسوون نفسي :/ اكوني اني سويت غير عن النتيجة الاصلية !
عادي سوو الي شي تبون , و مو شرط نفس الباترن
استخدمو اي شي تبونه و الباترن واجد ترا تقدرون تجربون و تستكشفون

و شسمه بس خلص درسنا

اتمنى ان سهل و استانستون :)

و معذرة انه طويل - بس لان ماقدر الا اسوي جدي دروس طويلة - عشان يصير عددها قليل
انتون بتستفيدون بعد


الحين هالاسئلة جاوبو عليها :) , عادي جاوبو بالي تحسونه صدق :/ لا تجاملون
اي اقتراحات كتبوها ! عشان الدرس الجاي يكون احسن



1. شنو رايك في الدرس بشكل عام ؟
2. شنو رايك باسلوب الطرح ؟
3. هل واجهت صعوبة في فهم الشرح ؟
4. الجوانب الي تحتاج الى تطوير ؟
5. هل قرات الدرس كامل ؟
6. رايك في نتيجة التطبيق ؟

امم بس , اي شي زيادة كتبوه ! و عادي يعني :/
و خلصنا


ايي بعد , اي استفسار , اي شي مافهمتونه قولو ! و بفهمهم

مشرفة القسم : beno's


توقيع » beno's
  رد مع اقتباس
قديم 04-08-2015, 06:23 PM   رقم المشاركة : ( 2 )
محشش الفيلسوف
طالب موهوب


الملف الشخصي

رقــم العضويـــة : 48888
تاريخ التسجيل : 14-09-2012
المشاركـــــــات : 863 [+]
الـــــــــــتخصص : طالب جامعي
الـــــــــــجـامعة :

 اخر مواضيع العضو

محشش الفيلسوف غير متواجد حالياً

افتراضي

1. شنو رايك في الدرس بشكل عام ؟
جميل جدًا الشغل متعوب عليه
2. شنو رايك باسلوب الطرح ؟
أوكي تمام
3. هل واجهت صعوبة في فهم الشرح ؟
لا
4. الجوانب الي تحتاج الى تطوير ؟
-
5. هل قرات الدرس كامل ؟
أي قريته سريع


ما شاء الله عندش خبرة فوتوشوب
توقيع » محشش الفيلسوف
" رأيي صواب يحتمل الخطأ .. و رأي غيري خطأ يحتمل الصواب "
  رد مع اقتباس
قديم 04-08-2015, 06:24 PM   رقم المشاركة : ( 3 )
♬ иɪɢнτмαяє
.Never doubt who you are

الصورة الرمزية ♬ иɪɢнτмαяє

الملف الشخصي

رقــم العضويـــة : 94393
تاريخ التسجيل : 07-11-2014
المشاركـــــــات : 2,540 [+]
الـــــــــــتخصص : طالب جامعي
الـــــــــــجـامعة : UOB - English literature

 اخر مواضيع العضو

♬ иɪɢнτмαяє غير متواجد حالياً

افتراضي

آوّلْ تَطّبِيّقْ ~



صِجْ مُوْ ذَآكْ آلْزُوّدْ :timidity: ، بَسْ آهُوْ آوّكِيْ بِ آلْنِسّبَهْ لِ آوّلْ تَطّبِيّقْ - تَصّمِيّمْ ~

1. شنو رايك في الدرس بشكل عام ؟ ~> مُمّتَآزْ جِدًآ ، تتِسّلَمْ آلأنَآمِلْ ~
2. شنو رايك باسلوب الطرح ؟ ~> مُمّتَآزْ ، بَسِيّطْ ، سَرِيّعْ آلْفِهّمْ ~
3. هل واجهت صعوبة في فهم الشرح ؟ ~> كِلِشْ لَآآ ~
4. الجوانب الي تحتاج الى تطوير ؟ - -
5. هل قرات الدرس كامل ؟ ~> إيْ ، عَلَشَآنْ آطَبّقْ ~
6. رايك في نتيجة التطبيق ؟ ~> مُمّتَآزْ جِدًآ ~

مَشّكُوّرَهْ مُشّرِفَتّنَآ :heart: ~
توقيع » ♬ иɪɢнτмαяє
?Why be racist, sexist, homophobic, or transphobic when you could just be quiet

التعديل الأخير تم بواسطة ♬ иɪɢнτмαяє ; 04-08-2015 الساعة 06:28 PM
  رد مع اقتباس
قديم 04-08-2015, 10:37 PM   رقم المشاركة : ( 4 )
Dr. A
Medicine

الصورة الرمزية Dr. A

الملف الشخصي

رقــم العضويـــة : 90932
تاريخ التسجيل : 21-07-2014
المشاركـــــــات : 1,153 [+]
الـــــــــــتخصص : طالب جامعي
الـــــــــــجـامعة : RCSI - MUB

 اخر مواضيع العضو

Dr. A غير متواجد حالياً

افتراضي

just WOW



الدرس رائع والشرح جميل و التطبيق أجمل ..


واصلي الإبداع :ok:
توقيع » Dr. A
{وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا}
  رد مع اقتباس
قديم 04-08-2015, 10:51 PM   رقم المشاركة : ( 5 )
♬ иɪɢнτмαяє
.Never doubt who you are

الصورة الرمزية ♬ иɪɢнτмαяє

الملف الشخصي

رقــم العضويـــة : 94393
تاريخ التسجيل : 07-11-2014
المشاركـــــــات : 2,540 [+]
الـــــــــــتخصص : طالب جامعي
الـــــــــــجـامعة : UOB - English literature

 اخر مواضيع العضو

♬ иɪɢнτмαяє غير متواجد حالياً

افتراضي



تَطّبِيّقْ آخَرْ ، لِ تَشّجِيّعْ آلأعّضَآءْ ~
توقيع » ♬ иɪɢнτмαяє
?Why be racist, sexist, homophobic, or transphobic when you could just be quiet
  رد مع اقتباس
قديم 04-08-2015, 11:10 PM   رقم المشاركة : ( 6 )
محشش الفيلسوف
طالب موهوب


الملف الشخصي

رقــم العضويـــة : 48888
تاريخ التسجيل : 14-09-2012
المشاركـــــــات : 863 [+]
الـــــــــــتخصص : طالب جامعي
الـــــــــــجـامعة :

 اخر مواضيع العضو

محشش الفيلسوف غير متواجد حالياً

افتراضي

سؤال ويش فايدة التصميم ؟
توقيع » محشش الفيلسوف
" رأيي صواب يحتمل الخطأ .. و رأي غيري خطأ يحتمل الصواب "
  رد مع اقتباس
قديم 04-08-2015, 11:52 PM   رقم المشاركة : ( 7 )
ستايش
أمنيتي جنه

الصورة الرمزية ستايش

الملف الشخصي

رقــم العضويـــة : 45804
تاريخ التسجيل : 31-05-2012
المشاركـــــــات : 5,835 [+]
الـــــــــــتخصص : خريج جامعي
الـــــــــــجـامعة : جامعة الزهراء

 اخر مواضيع العضو

ستايش غير متواجد حالياً

افتراضي

الحين سوو طبقة جديدة !
و اختارو هذا الخيار من صندوق الادوات :

الي مايطلع له هالخيار , يضغط رايت كلك و بتطلع له هالقائمة :


الأداة ما حصلته
سويت بعد رايت كلك ما شفتها
توقيع » ستايش
اللهم اجعل نفسي مطمئنة بقدرك، راضية بقضائك، مولعة بذكرك ودعائك محبة لصفوة أوليائك، محبوبة في أرضك وسمائك، صابرة على نزول بلائك مشتاقة إلى فرحة لقائك، متزودة التقوي ليوم جزائك، مستسنة بسنن أوليائك مفارقة لأخلاق أعدائك، مشغولة عن الدنيا بحمدك وثنائك

  رد مع اقتباس
قديم 05-08-2015, 08:57 AM   رقم المشاركة : ( 8 )
beno's
بياننَ ،

الصورة الرمزية beno's

الملف الشخصي

رقــم العضويـــة : 42634
تاريخ التسجيل : 01-05-2012
المشاركـــــــات : 1,512 [+]
الـــــــــــتخصص : طالب جامعي
الـــــــــــجـامعة : SEU - Architecture

 اخر مواضيع العضو

beno's غير متواجد حالياً

افتراضي

عذرا للبقية
بس بقدم تعليقي على " محشش الفيلسوف " على الجميع

اقتباس:
المشاركة الأصلية كتبت بواسطة محشش الفيلسوف مشاهدة المشاركة
سؤال ويش فايدة التصميم ؟
في حال كان سؤالك استنكار , ردي عليك : اكبر عدو للمعرفة ليس هو الجهل , وانما هو وهم المعرفة

___

هل لازم حياتنا كلها تكون رياضيات و تفكير و فيزياء و حسابات و علوم .
الجواب هو : لا - في الحقيقة تفعيل فص دماغ واحد , ما ينفع
لان العقل يكمل بشكل عام باقل فاعلية
لكن في حال فعلنا فصي الدماغ اثنينهم - الدماغ يعمل بفاعلية كبيرة ومتكاملة
و التصميم يساعد على تفعيل الفص الثاني من الدماغ
وفي دراسات كثيرة تثبت هذا الشي - يمكنكم الاطلاع عليها !


اما التطبيق الا فالدرس - اولا , اول مغزى منه - انه تطبيق على المهارات الي تعلمها المتعلم
ف هذا هو الهدف من الدرس - ان الي يبي يتعلم لازم يطبق - الفوتوشوب خبرة عملية نكتسبها
وبدون ممارسة و تدريب على مفاهيم نتلقاها بس مامنه فايدة

ثانيا , في حال المتدرب قدر يتقنه ! و بما انه تعلم الطريقة
يقدر يسوي انواع مختلفة من التصاميم الي من هالنوع
و يقدر يكتب فيها اي شي , و يستغلها في امور كثيرة
مو يعني اني كتبت اسمي , يعني هالتصميم خاص بالاسامي
نقدر نكتب فيه اي حاجة : /

و غيرها من الامور مايحتاج اتطرق ليها !

_________________________________________________

اقتباس:
المشاركة الأصلية كتبت بواسطة محشش الفيلسوف مشاهدة المشاركة
1. شنو رايك في الدرس بشكل عام ؟
جميل جدًا الشغل متعوب عليه
2. شنو رايك باسلوب الطرح ؟
أوكي تمام
3. هل واجهت صعوبة في فهم الشرح ؟
لا
4. الجوانب الي تحتاج الى تطوير ؟
-
5. هل قرات الدرس كامل ؟
أي قريته سريع


ما شاء الله عندش خبرة فوتوشوب

شكرا ع المرور ,
ويش الفايدة اذا اسوي دروس واني ماافقه فوتوشوب ؟

_________________________________________________


اقتباس:
المشاركة الأصلية كتبت بواسطة خ¬ذ¼ا؟ا¾ا؟إ‹ر‡ مشاهدة المشاركة
آوّلْ تَطّبِيّقْ ~



صِجْ مُوْ ذَآكْ آلْزُوّدْ :timidity: ، بَسْ آهُوْ آوّكِيْ بِ آلْنِسّبَهْ لِ آوّلْ تَطّبِيّقْ - تَصّمِيّمْ ~

1. شنو رايك في الدرس بشكل عام ؟ ~> مُمّتَآزْ جِدًآ ، تتِسّلَمْ آلأنَآمِلْ ~
2. شنو رايك باسلوب الطرح ؟ ~> مُمّتَآزْ ، بَسِيّطْ ، سَرِيّعْ آلْفِهّمْ ~
3. هل واجهت صعوبة في فهم الشرح ؟ ~> كِلِشْ لَآآ ~
4. الجوانب الي تحتاج الى تطوير ؟ - -
5. هل قرات الدرس كامل ؟ ~> إيْ ، عَلَشَآنْ آطَبّقْ ~
6. رايك في نتيجة التطبيق ؟ ~> مُمّتَآزْ جِدًآ ~

مَشّكُوّرَهْ مُشّرِفَتّنَآ :heart: ~

اموننيي , ججميل وردة
ممتاز كمبتدأة - واصلي التدريب , مؤشرات جيدة لدخول التصميم و انتين بهالكفاءة
بعطيش بعض التعليقات عشان تحطينها بالحسبان , مجرد حق تتطورين و تقدمين الافضل

1. الاقواس < الي سويناهم بالدوائر
جميل - بس لو بتلاحظين مافي تباين بينهم
على القسم اليمين ممتاز - بس طالعي اليسار - الفرق بين اللونين بسيط
و الحيز صغير جدا , فهمتين ؟
يعني لازم تخلين التباين واضح و في فرق بين اللونين
و حيز كافي للفت الانتباه

2. الالوان الي فالاقواس
استخدمون لون واحد بس و تدرجتين في الوانه
تحتاجين تستخدمين لون زيادة حق تكسرين اللون
وتسوين توازن في التصميم

3. الصورة
اللون مالها جدا فاقع عن الوان التصميم و حتى الظل مالها
مما يخليش اول ماتطالعين التصميم تشذ الانتباه عن البقية
و هذا يخرب التوازن اللوني
يعني احنا الصورة خالينها ك ديزاين - مو ك شي يلفت الانتباه
المفترض الوانها متقاربة من التصميم

4. الخط - كان المفترض الخط الي تسوين الوانه لافتة للانتباه بدل الصورة
لان هو المقصود و المعني بالتصميم
لان الالوان الي اخترتينها ضاعت فالخلفية
او كان ع الاقل تسوين وراه تاثير عشان يبين مثل Overlay

هذي بس مجرد ملاحظات وردة , بس التصميم كشكل عام ممتاز
و خصوصا لمبتدأة
بصير عندش تطور وية التدريب - حاولي تستكشفين اكثر و تتدربين و بتتطورين
عقبال مااجوفش احسن مني

العفو حاضرين , و شكرا ع المرور اللطيف و التطبيق الجميل

___________________________________

اقتباس:
المشاركة الأصلية كتبت بواسطة Dr. A مشاهدة المشاركة
just WOW



الدرس رائع والشرح جميل و التطبيق أجمل ..


واصلي الإبداع :ok:

شكرا لكم دوكتور , من ذوقك
طلة جميلة

______________________________________

اقتباس:
المشاركة الأصلية كتبت بواسطة خ¬ذ¼ا؟ا¾ا؟إ‹ر‡ مشاهدة المشاركة


تَطّبِيّقْ آخَرْ ، لِ تَشّجِيّعْ آلأعّضَآءْ ~


جميل اموني , تقدرين تستخدمين خامات غير هالصورة او هالدوائرة بهالشكل
ابدعي باسلوبش الخاص بتطلع منش ابداعات اذا حاولتين تفكرين بطريقتش الخاصة
اخطاتين باختيار اللون التركواز و لون الظل
بس تمام انش نوعتين الالوان عكس الاول
تطور اول


_________________________

زنوب مختارة الخيار الغلط وردة
جوفي صندوق الادوات -
في سهم و في مربع منقط
اضغطي رايت كلك على المربع المنقط
و بتحصلين الدائرة

ننتظر الابداع
توقيع » beno's
  رد مع اقتباس
قديم 05-08-2015, 11:45 AM   رقم المشاركة : ( 9 )
إبَاءْ
طالب مبتدئ

الصورة الرمزية إبَاءْ

الملف الشخصي

رقــم العضويـــة : 62560
تاريخ التسجيل : 30-03-2013
المشاركـــــــات : 29 [+]
الـــــــــــتخصص : طالب جامعي
الـــــــــــجـامعة : جَامِعة البَحرينْ - هَندسّة كهرَبائيْة ؛)

 اخر مواضيع العضو

إبَاءْ غير متواجد حالياً

افتراضي

شنو رايك في الدرس بشكل عام ؟
حلوو ومفيد
2. شنو رايك باسلوب الطرح ؟
رائع جدًا
3. هل واجهت صعوبة في فهم الشرح ؟
لا أبدًا
4. الجوانب الي تحتاج الى تطوير ؟
-
5. هل قرات الدرس كامل ؟
تقريبًا
6. رايك في نتيجة التطبيق ؟
جميلة


وهذا تطبيقي البسيط:


توقيع » إبَاءْ
Future Electrical Engineer <3
In love with PHYSICS <3 <3
Hala Madrid y nada mas
  رد مع اقتباس
قديم 05-08-2015, 11:50 AM   رقم المشاركة : ( 10 )
♬ иɪɢнτмαяє
.Never doubt who you are

الصورة الرمزية ♬ иɪɢнτмαяє

الملف الشخصي

رقــم العضويـــة : 94393
تاريخ التسجيل : 07-11-2014
المشاركـــــــات : 2,540 [+]
الـــــــــــتخصص : طالب جامعي
الـــــــــــجـامعة : UOB - English literature

 اخر مواضيع العضو

♬ иɪɢнτмαяє غير متواجد حالياً

افتراضي

اقتباس:
المشاركة الأصلية كتبت بواسطة إبَاءْ مشاهدة المشاركة
شنو رايك في الدرس بشكل عام ؟
حلوو ومفيد
2. شنو رايك باسلوب الطرح ؟
رائع جدًا
3. هل واجهت صعوبة في فهم الشرح ؟
لا أبدًا
4. الجوانب الي تحتاج الى تطوير ؟
-
5. هل قرات الدرس كامل ؟
تقريبًا
6. رايك في نتيجة التطبيق ؟
جميلة


وهذا تطبيقي البسيط:


جَمِيّيّلْ جِدًآ ، تَطّبِيّقِجْ إبَآءْ :cute: ~

خَآمَهْ آلْبِنَيّهْ ، مُبّتَكَرَهْ وَفِكّرَهْ رَآئِعَهْ :heart: ~
توقيع » ♬ иɪɢнτмαяє
?Why be racist, sexist, homophobic, or transphobic when you could just be quiet
  رد مع اقتباس
قديم 05-08-2015, 12:42 PM   رقم المشاركة : ( 11 )
إبَاءْ
طالب مبتدئ

الصورة الرمزية إبَاءْ

الملف الشخصي

رقــم العضويـــة : 62560
تاريخ التسجيل : 30-03-2013
المشاركـــــــات : 29 [+]
الـــــــــــتخصص : طالب جامعي
الـــــــــــجـامعة : جَامِعة البَحرينْ - هَندسّة كهرَبائيْة ؛)

 اخر مواضيع العضو

إبَاءْ غير متواجد حالياً

افتراضي

اقتباس:
المشاركة الأصلية كتبت بواسطة άмǿǾǿŋч مشاهدة المشاركة


جَمِيّيّلْ جِدًآ ، تَطّبِيّقِجْ إبَآءْ :cute: ~

خَآمَهْ آلْبِنَيّهْ ، مُبّتَكَرَهْ وَفِكّرَهْ رَآئِعَهْ :heart: ~

عيونش الأجمل، من ذوقش حبيبتي
تطبيقاتج بعد روعة وماشاء الله عليش تشجعين الأعضاء
توقيع » إبَاءْ
Future Electrical Engineer <3
In love with PHYSICS <3 <3
Hala Madrid y nada mas
  رد مع اقتباس
قديم 05-08-2015, 12:44 PM   رقم المشاركة : ( 12 )
ستايش
أمنيتي جنه

الصورة الرمزية ستايش

الملف الشخصي

رقــم العضويـــة : 45804
تاريخ التسجيل : 31-05-2012
المشاركـــــــات : 5,835 [+]
الـــــــــــتخصص : خريج جامعي
الـــــــــــجـامعة : جامعة الزهراء

 اخر مواضيع العضو

ستايش غير متواجد حالياً

افتراضي

اقتباس:
المشاركة الأصلية كتبت بواسطة beno's مشاهدة المشاركة


الحين سوو بعد طبقة جديدة

الحين ارجعو اختارو هالاداة :

وارسمو دائرة بهالشكل :



واعكسو التحديد ctrl+shift+I



و اختارو هالاداة :

و اللون الي تختارونه كوده : 3ca985



الحين روحو للـ Opacity



^ الي موجود ف يسار الصفحة و خلو النسبة 41%



الحين سوو طبقة جديدة بعد ! و اختارو الدائرة و ارسمو جدي



و اعكسو التحديد :




الحين هالاسئلة جاوبو عليها :) , عادي جاوبو بالي تحسونه صدق :/ لا تجاملون
اي اقتراحات كتبوها ! عشان الدرس الجاي يكون احسن



1. شنو رايك في الدرس بشكل عام ؟
2. شنو رايك باسلوب الطرح ؟
3. هل واجهت صعوبة في فهم الشرح ؟
4. الجوانب الي تحتاج الى تطوير ؟
5. هل قرات الدرس كامل ؟
6. رايك في نتيجة التطبيق ؟

امم بس , اي شي زيادة كتبوه ! و عادي يعني :/
و خلصنا


ايي بعد , اي استفسار , اي شي مافهمتونه قولو ! و بفهمهم

مشرفة القسم : beno's


ما يصير لي نفسش
ما أدري وين المشكلة اذا برسم الدائرة يتدخلون وي بعض يمكن في شي سويته خطاء
حتى اللون ما صار عدل
توقيع » ستايش
اللهم اجعل نفسي مطمئنة بقدرك، راضية بقضائك، مولعة بذكرك ودعائك محبة لصفوة أوليائك، محبوبة في أرضك وسمائك، صابرة على نزول بلائك مشتاقة إلى فرحة لقائك، متزودة التقوي ليوم جزائك، مستسنة بسنن أوليائك مفارقة لأخلاق أعدائك، مشغولة عن الدنيا بحمدك وثنائك

  رد مع اقتباس
قديم 05-08-2015, 01:21 PM   رقم المشاركة : ( 13 )
إبَاءْ
طالب مبتدئ

الصورة الرمزية إبَاءْ

الملف الشخصي

رقــم العضويـــة : 62560
تاريخ التسجيل : 30-03-2013
المشاركـــــــات : 29 [+]
الـــــــــــتخصص : طالب جامعي
الـــــــــــجـامعة : جَامِعة البَحرينْ - هَندسّة كهرَبائيْة ؛)

 اخر مواضيع العضو

إبَاءْ غير متواجد حالياً

افتراضي

اقتباس:
المشاركة الأصلية كتبت بواسطة zanobah مشاهدة المشاركة
ما يصير لي نفسش
ما أدري وين المشكلة اذا برسم الدائرة يتدخلون وي بعض يمكن في شي سويته خطاء
حتى اللون ما صار عدل
فوق على ايدش اليسار عندش خيارات مربع واحد ومربعات على بعض
اختاري اول واحد اللي مربع بروحه وبتنحل مشكلتش ان شاء الله
توقيع » إبَاءْ
Future Electrical Engineer <3
In love with PHYSICS <3 <3
Hala Madrid y nada mas
  رد مع اقتباس
قديم 05-08-2015, 02:13 PM   رقم المشاركة : ( 14 )
ستايش
أمنيتي جنه

الصورة الرمزية ستايش

الملف الشخصي

رقــم العضويـــة : 45804
تاريخ التسجيل : 31-05-2012
المشاركـــــــات : 5,835 [+]
الـــــــــــتخصص : خريج جامعي
الـــــــــــجـامعة : جامعة الزهراء

 اخر مواضيع العضو

ستايش غير متواجد حالياً

افتراضي

اتحملوني شوي ادري مللتكم
بس كلحين تطلع لي شغلة وما تضبط واني حابة اتعلم

طالعو شريط الادوات على اليسار , حاسبو ان الي مختارينه هو السهم
الحين اضغطو على هذي الصورة و و خلكم ضاغطين عليها و اسحبوها الى التصميم
يعني الحين اذا ضغطتون عليها اسحبوها الى فوق اسم التصميم اني عندي اسمه : Untitled-1
بس عشان توضح ليكم ان اني اخذ الصورة و اسحبها على هالاسم و عقب بيفتح التصميم و اخليه فيه



الحين اختارو نمط الطبقة ! و خيار Color Overlay

كود اللون : 68b297


الرسمه جيت بنقله بس صارت واجد صغير
توقيع » ستايش
اللهم اجعل نفسي مطمئنة بقدرك، راضية بقضائك، مولعة بذكرك ودعائك محبة لصفوة أوليائك، محبوبة في أرضك وسمائك، صابرة على نزول بلائك مشتاقة إلى فرحة لقائك، متزودة التقوي ليوم جزائك، مستسنة بسنن أوليائك مفارقة لأخلاق أعدائك، مشغولة عن الدنيا بحمدك وثنائك

  رد مع اقتباس
قديم 05-08-2015, 02:16 PM   رقم المشاركة : ( 15 )
محشش الفيلسوف
طالب موهوب


الملف الشخصي

رقــم العضويـــة : 48888
تاريخ التسجيل : 14-09-2012
المشاركـــــــات : 863 [+]
الـــــــــــتخصص : طالب جامعي
الـــــــــــجـامعة :

 اخر مواضيع العضو

محشش الفيلسوف غير متواجد حالياً

افتراضي

اقتباس:
المشاركة الأصلية كتبت بواسطة beno's مشاهدة المشاركة




في حال كان سؤالك استنكار , ردي عليك : اكبر عدو للمعرفة ليس هو الجهل , وانما هو وهم المعرفة

___

هل لازم حياتنا كلها تكون رياضيات و تفكير و فيزياء و حسابات و علوم .
الجواب هو : لا - في الحقيقة تفعيل فص دماغ واحد , ما ينفع
لان العقل يكمل بشكل عام باقل فاعلية
لكن في حال فعلنا فصي الدماغ اثنينهم - الدماغ يعمل بفاعلية كبيرة ومتكاملة
و التصميم يساعد على تفعيل الفص الثاني من الدماغ
وفي دراسات كثيرة تثبت هذا الشي - يمكنكم الاطلاع عليها !


اما التطبيق الا فالدرس - اولا , اول مغزى منه - انه تطبيق على المهارات الي تعلمها المتعلم
ف هذا هو الهدف من الدرس - ان الي يبي يتعلم لازم يطبق - الفوتوشوب خبرة عملية نكتسبها
وبدون ممارسة و تدريب على مفاهيم نتلقاها بس مامنه فايدة

ثانيا , في حال المتدرب قدر يتقنه ! و بما انه تعلم الطريقة
يقدر يسوي انواع مختلفة من التصاميم الي من هالنوع
و يقدر يكتب فيها اي شي , و يستغلها في امور كثيرة
مو يعني اني كتبت اسمي , يعني هالتصميم خاص بالاسامي
نقدر نكتب فيه اي حاجة : /

و غيرها من الامور مايحتاج اتطرق ليها !


لا ما كان سؤالي استنكار .. كنت أقصد فائدة التصميم بس حق نسوي تصميم لبنرات و الاعلانات ما ليها تطبيقات اخرى غيرها
توقيع » محشش الفيلسوف
" رأيي صواب يحتمل الخطأ .. و رأي غيري خطأ يحتمل الصواب "
  رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



Powered by vBulletin® © 2024
الساعة الآن 10:48 PM.
ملاحظة: جميع المشاركات والتعليقات في الملتقى لا تمثل رأي الإدارة، وإنما تمثل رأي كاتبها.