التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
07-11-2011, 02:04 PM | رقم المشاركة : ( 1 ) | |
طالب متألق
|
بدايتك هنا ... احكها لنا يا [you]
السلام عليكم
شخباركم؟ صمد 1 تمام؟ طبعاً كل واحد يوم سجل في الملتقى محد كان يعرفه بس بسبب شغلات و مني مناك خلت معظم أعضاء المنتدى يعرفونه قول لينا يا [you] مسيرتك في الملتقى الطلابي منذ البداية و حتى اليوم أترككم مع اقلامكم و ممحاتكم و افكاركم و ذكرياتكم |
|
07-11-2011, 02:16 PM | رقم المشاركة : ( 2 ) | ||
طالب مبدع
|
امممم....
عرفت الملتقى الطلابي من رفيجتي و كنت في اول ثانوي .... من البداية فكرت قبل ما اسجل لأن ولا مرة في حياتي سجلت في ملتقى أو منتدى ...الخ , فلما صرت ثاني ثانوي و سجلت و عجبني الوضع فقمت كل يوم و الثاني داخلة على ذي الملتقى , فصار ادمان عليه و اكيد الي مشاركين حاسين فيني ( ادمان) , و على فكرة يا دينجر3 انت اول واحد عرفتك في الملتقى هههه , و تدريجيا عرفت معضم الأعضاء , و كان شعور حلو يعني ان اشارك في ذي الملتقى .. و بس ما ادري شنو اقول بعد ,, اي اي نسيت شي ... شكر خاص لأدارة الملتقى الطلابي و ثنكس على الموضوع :) |
||
07-11-2011, 03:00 PM | رقم المشاركة : ( 3 ) | ||
طالب مجتهد
|
كنت من متابعي الملتقى الطلابي مع قريبتي زينبية العشق .... بعدها سجلت فيه بتاريخ 13/6/2011م عشان لين بحتاج شي حق المدرسة ... بعدين في العطلة قعدت اشارك شوي في الملتقى و مع مرور الأيام اتعرفت على (رووح وردية - ستراوية ثورية - Al7zeena -امل مستمر.. و الكثيير)
شُكراً لك ايها الملتقى لأنك منبر طلاب المدرسة الحقيقي :) ... أَنا سعيدة لأني من عآئلة الملتقى :) |
||
التعديل الأخير تم بواسطة زَينبية الهوى ; 07-11-2011 الساعة 07:31 PM |
|||
07-11-2011, 07:13 PM | رقم المشاركة : ( 4 ) | |
طالب متألق
|
أنا احب اذكر كلشي من البداية
سجلت تاريخ 12/5/2011 أيام الإمتحانات حطيت امتحان بدن وبس اليوم الثاني دخلت أشوف كم واحد نزل الملف المرفق و شفت ما شاء الله ناس بعدين تشجعت ادخل في المناقشات ما قبل الإمتحانات أول عضوين عرفتهم في الملتقى كانوا A.S 10 و فطامو القمر بعدين يوم وصل امتحان الدين عرفت عاشق الطب و كوكو و Al7an قبل نهاية الإمتحانات بكم يوم عرفت العضوة ذهب <<< إلي حالياً ما تدخل في بداية العطلة الصيفية مباشرة و يوم كثرت من دخولي للترفيهي عرفت أعضاء واااااجد (حلم طفلة - رووح وردية - ALZA3EEM - جسد بلا روح - زينبية العشق - Lionel Messi - أحلى حب - حنانيك - و بعد في غيرهم واااجد ) عقب ما صار اهناك قسم الصيف في الملتقى عرفت مستر فانتازي لعبة السجن كان ليها أثر كبير إن انا اعرف اعضاء واااااااجد منهم ( ملاك العلم - مجرد طالبة - Miss Sokarh - سعودوه - حبيبات جالكسي - NeBras Alamal - أسرار الدوار - Sara - sayedgfx و بعد فيه) عقب ما انصكت لعبة السجن بدت أفكاري المدنجرة تطلع من مخزنها بدايتي كانت في موضوع (وش كنت تسوي منشوي قبل ما تدخل الملتقى الطلابي) إلي ما ادري ليش انحذف عقب ما خلصت و تنظف الستور من المواضيع قررت أكون مواضيع من عندي مميزة و يحبها الكل و كانت هذي في لعبة (مملكة الملتقى الطلابي) و آخرها حالياً (رحلة بحرية) الكل قام يلتفت إلى مواضيعي في الترفيهي حتى إن البعض يقول إذا ما ادخل الملتقى إن الترفيهي صاير مهجور بدون Danger3 <<< بدون مبالغة و يوم جه شهر رمضان اشتركت في مسابقة حروف الملتقى و تعرفت على أعضاء جدد مثل (أبو آلاء - Miss Fantasy - عزرائيلة - تراتيل حواء - إيروني - Sweet - سلمان بن خليل - وبعد فيه اعضاء واااجد) أحلى موقف تمسخر سويته و للحين ما انصك إن انا اتمسخر على ملاك العلم على تعليم السياقة و في مواضيع تشهد على ذلك سدح 1 و ها انا اليوم اقف في الملتقى الطلابي و مكانتي فيه و في قلوبكم ترتفع يوماً بعد يوم الأعضاء إلي ما ذكرت اسمائهم يسامحوني انا ما نسيتكم شكراً لكِ يا عائلتي الثانية أخوكم Danger3 |
|
07-11-2011, 07:21 PM | رقم المشاركة : ( 5 ) | ||
طالب مشارك
|
امممم الصراحة انا عرفت الملتقى من كثر ما معلمة العرب تحن و تحن دشوا الملتقى بفيدكم و ليلة اختبار الكيم توهقت في النسب المتضاعفة فقررت ادخل الملتقى و سجلت فيه و عجبتوني و عشت الاجواء وياكم بس صج صج يفيد الطلاب
وبس لحد الان و مشكووووووووووووورين |
||
07-11-2011, 08:48 PM | رقم المشاركة : ( 6 ) | ||
طالب مثالي
|
عرفت الملتقى الطلابي من اختي و كنت في ثاني ثانوي....عجبني الوضع فقمت كل يوم ادش في الملتقى....مع مرور الأيام اتعرفت على عاشق الطب+Real madrid c.f+بلوشيو+مدرس الرياضة المستقبلي وبعدين على الكل...
مشكوووورييين شكرا ع الموضوع دينجر3 |
||
07-11-2011, 09:10 PM | رقم المشاركة : ( 7 ) | ||
طالب متألق
|
شكراً ع الموضوع اخ دينجر
كان في اجازة الصيف 2009 كنت بروح توجيهي كنت ادش منتدى ثاني غير هالمنتدى انزل منه امتحانات وتلخيصات وجفت فيه رابط الملتقى ,, دشيته وجفت فيه اشيا كنت محتاجتها فسجلت ونزلت اللي ابيه كان الملتقى هادئ فيه اعضاء شوي وحبوبيين وايد قمت نزلت موضوع ترحيب وماشاءالله ماقصروا اللي رحبوا فيني عطوني دافع قوي اني اتم وياهم اللي هم زلاتان وام امير والفارس والاستاذ وميسي ونسمة الربيع وغيرهم كان اجازة وملل فكنت اقضي معظم يومي هني وكان في مسابقات كنت اشارك فيها وافتر على موضوع موضوع ارد عليه وتعرفت على اعضاء وايد الحين تقريباً كلهم مو موجودين منهم " نوار- a.hussain9 -بستكيه - مشروع تيجر - اليكس-17 - شمعه الغلا - نفحات الجنان - نسمة الربيع - مس ميمو - بيور بورد - كرستالهـ - ميسي - مجك دريم - وغييرهم واايد وايد نااس صادتني وياهم مواقف حلوة وبعض المواقف المحرجه كنا نلعب في الترفيهي ونشترك في مسابقات كانت ايااام حلوة احلى ايام في حياتي الملتقاويه عقب فتره على بداية 2010 .. ترشحت للاشراف ووافقت ومنها بدى يقل نشاطي .. كنت اشارك بس مو نفس قبل بحكم اني اراقب اقسامي وجذي وبعديين زاد عدد الاعضاء وصار اضعاف الاضعاف عن قبل فزادت المسؤوليات وجتني فترات ادش بس اقرا مواضيع وما اشارك كلش حتى في اعضاء مايعرفوني مسيرتي الاشرافيه كانت روعه وتعب ,, الناس اللي كنت اشتغل وياهم عسل اعتبرتهم مو بس اوادم من خلف الشاشه اعرفهم لا صاروا كلهم اخواني واكثر من اخواني .. ينحطون ع الجرح يبرى ناس طيبين وحبوبين كنت استانس وايد وياهم .. الله يوفقهم ان شاءالله وللحين احافظ على علاقتي فيهم ماودي اقطعهم لان صج احبهم وبس رجعت عضوة الحين نفس قبل بس مو بنشاط قبل ولا مشاركات قبل حتى تواجدي قل لان زادت المسؤوليات علي وانشغلت احب الملتقى وايد حتى لو افتحه اجوف شكله بس استانس مرات ادش مالي لزمه بس اطل واطلع .. اقول في روحي ليش ادش بعد؟ بس لان احب هالمكان وماودي اقطعه كلش وودي اكون بينكم ادش من فتره لفتره وابي افيدكم باللي اقدر عليه واستفيد منكم .. هذا غرضي من اول يوم سجلت فيه ادري كلامي مخربط ومو مرتب بس ماعرف شقول وولا اعرف ارتب افكاري في النهاية احبكم كلكم اللي تعرفوني واللي ماتعرفوني وعيدكم مبارك جميعاً |
||
07-11-2011, 09:20 PM | رقم المشاركة : ( 8 ) | |||
طالب متألق
|
اقتباس:
|
|||
07-11-2011, 10:22 PM | رقم المشاركة : ( 9 ) | ||
طالب مثالي
|
تعرفت على الملتقى من اختي كانت كله تقعد عليه فحبيت اشترك فيه واشوف ويش اللي عاجبنها في الملتقى وعرفت انها ما تنلام فالملتقى واعضاءه مايقصرون باي شي لاي عضو وكل الاعضاء اخوة
وعقب ماتعودت عليه صرت مدمنه يعني من اقعد على النت لازم اول شي افتحه وهذا احلى وارتب واحسن ملتقى ادخله |
||
07-11-2011, 10:40 PM | رقم المشاركة : ( 10 ) | |
طالب متألق
|
شكراً لجميع من كتب هالردود الحلوة باصابعه
و نتمنى مشاركة الكل |
|
07-11-2011, 10:56 PM | رقم المشاركة : ( 11 ) | ||
طالب مشارك
|
اني لانه اختي مسجله فيه و نصحتني ان اسجل فيه لانه في مواضيع احليوه ^^ و مواضيع دراسيه جميله ^^
وشكرا لكم .. |
||
07-11-2011, 11:08 PM | رقم المشاركة : ( 12 ) | ||
طالب مبتدئ
|
اما انا
قصتي اول ما دخلت اول ثانوي ما كنت اعرف بالملتقى الطلابي و بعد مرور الايام وانهاء الفصل الدراسى الاول طبعا نقدم امتحانات النهائيةوفي فترة الامتحانات اسولف مع ربعي واقولهم لو زين بعد ما نخلص الامتحان يعطونا الامتحان مجاوب علشان نعرف اخطائنا جان واحد ينقز عليي ال يقول لي يا اثور ما تدخل الملتقى الطلابي قلت لا قال ليي سجل في الملتقى وبشوف الاجابات النموذجيةقلت زين ورجعت وفتحت الملتقى وسجلنا طبعاودورت علا الاجابة تبع اول امتحان قدمناه وحصلناها وفتحتها ويا ريت ما فتحتها لاني زفت في الامتحان وطبعا من ذاك اليوم حطيت علا نفسي عدل ومن ذال اليوم الى اليوم علا طول ادخل الملتقى واتابع اول بالاول والصراحة عجبني شي اسمه ((الملتقى الطلابي)) |
||
07-11-2011, 11:15 PM | رقم المشاركة : ( 13 ) | ||
طالب موهوب
|
دفعني البحث عن وسائل تسهل المواد الدراسيه (مذكرات ،اختبارات سابقه)الى التوجه هنا
فقد فادني كثيرا ....كلي امتنان لاصحاب هذا الموقع فهم مصدر علم و وسيله تسهل مسيرة كل طالب ... |
||
07-11-2011, 11:53 PM | رقم المشاركة : ( 14 ) | ||
طالب موهوب
|
بسم الله الرحمن الرحيم
اللهم صل على محمد وآل محمد السلام عليكم جميعاً .. حقيقةً أني ألحين في نومة بس جاني فضول أفتح هالموضوع وأقرأ الردود ، وحبيت أسطر لكم بدايتي هنا .. في الواقع ، التقيت بالملتقى الطلابي في أيام الثورة حقيقةً ![ أيام الإضراب هه ] كانت خالتي تقول لي : ادخلي الملتقى الطلابي شوفي متى بيداومون الطلبة ؟ دخلت وعجبني :) حبيته ههههههههه والأعضاء بعد خوش أوادم أول عضوة اتعرفت عليها الحزينة ، بعدين الباقي صراحة كلكم عزيزين عندي الكثير من الأقسام أحب أدخلهم : الترفيهي والاسلامي والعام وتواصل الأعضاء وووووو .. أشكر كاتب الموضوع ، دمتَ بود .. |
||
08-11-2011, 12:04 AM | رقم المشاركة : ( 15 ) | ||
طالب موهوب
|
احم ..اني قصتي غير
كنت اسمع عن المتلقى الطلابي من بناااات واجد واقلت ماليي زاغر ادخل وانزل واشوف اعتبروها خيابة...فيوم اذكر كنت اراجع كيييم اممم مااذكر اي مقرر بالضبط اعتقد طبيعيةماعلينا ..كنت ادور امتحانات ماحصلت تذكرت هالملتقى الي يقولون عنه جان ادخل واتفاجأ اني لازم اسجل تملللت اتصلت لرفيقتي عشان تعطيني عضويتها وقالت انها مو مسجلة وتدخل بنك امها ((مدرسة )) وعلى ماتسال امها ومادري ويش قصة جان اتنرفز واقول بسجل خلاص وسجلت باسمي المعتاد الي في كل مكان اسجل فيه وهو NEBRAS بس للاسف الشديد طلع مسجل جان اتحطم وقلت بختار اسم مااتوقع موجود وسجلت باسم ماي زمزم واخذت الي ابيه وطلعت ويوم ثاني نفس الشي بامتحان غير وجدي ...وانقطعت عنه قلت مااحتاجه الحين وجت العطلة واتخرجنا وسجلنا للجامعة والكليااات وفي فتره كنت انتظر قبول كلية العلوومالصحية وقالت ليي رفيقتي في موضوع في الملتقى عن هالشي وظليت كل يوم ادخل اشوف الاوضاع بس يوم بعد يوم قمت افتر في الاقساام شفت الاعضار عرفت اطبااعهم لحد الحين مااعرف احد معرفة قوية ولا احد اظن يعرفني يعني شاركت في كل الاقسااام صح مواضيعي قليلة جدا اصلا مااحب احط موضوع الا اذا جت فكرة في بالي اكثر شي ردوود عرفت تقريبا شخصية بعض الاعضااء ..وصرت كل يوم افتح الكمبيوتر اول ثلاث اشياء المسن الفيس الملتقى هههه صار جزء مني افتحه اول ماااقعد واصكره لين قمت خلاص اتمنى اعرف الاعضاااء ويعرفوني في الايام الجاية .. وووووبس <<طولت عليكم بس دينجر هادا الي تبااه لو لا قلت بالتفصيل تحياتي |
||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|