التسجيل | التعليمـــات | التقويم | مشاركات اليوم | البحث |
|
ملتقى رمضان و العيد 1431 هـ لكل ما يتعلق بشهر رمضان المبارك 1431 هـ |
|
أدوات الموضوع | إبحث في الموضوع | انواع عرض الموضوع |
19-08-2010, 10:34 PM | رقم المشاركة : ( 1 ) | ||
طالب مبدع
|
~ أيامنـا ( Dark Angel ) الـرمضانيـة ~
السلام عليكم
اللهم صل على محمد و آل محمد و عجل فرجهم و فرجنا بهم يا كريم طبعًا في موضوع أيامنا الرمضانية اللي أعدته - مشكورةً - أختنا نوار حجزت اليوم الثامن ، و حسب صيامنا يكون اليوم الثامن بالنسبة لي أمس مو اليوم فـ بنزل لكم برنامج أمس و إن شاء الله يعجبكم بشكل عام هالأيام ماعندي شي .. يعني أشياء روتينية .. قبل صلاة الصبح كنت أسمع دعاء أبي حمزة الثمالي في الـ mp3 player انتظرت الأذان يأذن ، صليت و نمت ... و قعدت الظهر الساعة امممم تقريبًا وحدة .. صليت و قريت جزئي و عاد قبله بيوم كانوا يايبين مكتبة جديدة لحجرتي لأن المكتبة القبلية مشتركة + فايضة ! و كتبي كل ما لهم يزيدون و أمي تعصب لين تشوف الكتب مفلتة فوق التلفزيون و على طاولة الكمبيوتر و على الكوميدينو و تحت السرير و ...... إلخ و ماعندي شي ذيك الحزة ، قلت خل أصف الكتب و طبعًا و أكيد و مستحيل و نو ويه و لا يجوز و لا يعقل أ ن تمضي أكثر من نصف ساعة بدون ما أجيك الملتقى العزيز و خوب أخوي مايصدق يشوفني على الكمبيوتر إلا و نط في جبدي يبي يقعد شسوي قمت عقب ناداني يقولي بيراويني شي .. شـ هالشي يا أخي ؟ قال تعالي أول رحت له إلا قاعد يطالع مقطع من فيلم http://www.youtube.com/watch?v=QtuVLGeFM90 و لأنه يدري إني أشتغل على مشروع الليسن ناداني خخخ و مايحتاج بعد سيدة دش التورنت و نزل الفيلم و قصف اللمت عقب صار ملل و الظهر كلش مافي شي نسويه طلعت هالكتاب اللي يابه لي أخوي يدري فيني أحب الرسم ! و هذي خربشة كـ تطبيق على التمرين >> معليه مو مضبوطة من سنيييييييين ما رسمت ! << بعدها رحت المطبخ ملجأ المتمللين شفتهم مسوين خيرات بكميات هائلة ! كريم كراميل فطاير بالدجاج و الخضرة معكرونة بالبشاميل اللقيمات منفور ( و ناس يسمونه ممروس ) استغربت ! سألت أمي ليش مسوين هالكثر ؟ عازمين أحد ؟ قالت لا .. بس اليوم بنوزع بووووووو أحــــــــــــــب هاليوم بشكل مو طبيعي !!!!! يكون فيه نشاط و روحة و يية و نشوف ناس ماشفناهم من زمان أو يمكن ما أشوفهم إلا من رمضان لي رمضان قمت أشتغل وياهم خفايف .. أصف الصحون .. أقلي الكباب شوي .. و بلبولي كل ما يشوف الأكل نط اللهم صل على محمد و آل محمد >> تعقدت حسدوا بلبولي ذاك و مات << و فرشنا السفرة و صفينا الصحون عشان حساب البيوت و هالأشيا اهني ناقص الكيك و البشاميل و مدري شنو .. المهم رحنا وزعنا على الجيران و رجعنا قبل الأذان بشوي قعدنا نطالع أنا و أخواني برنامج اسمه America's Funniest Home Videos نحبه كلنا أذن ، تفطرنا ، صلينا .. و صارت 7 .. وطالعنا كريمو عقب خلص .. قمت قعدت على النت و انتبهت إن صار قريب موعد مسابقتنا ( مرآة نفسك ) .. فطرشت لنفحات الجنان مسج ايييي نسيت !!! يوم كنت في المطبخ قبل ما أشتغل وياهم كنت أشتغل على الجيز كيك و هالمرة أبشركم أستوت عدل بس أخوي يقول يبي له جيز أكثر لأنه صاير كريمي .. و هكذا قضينا يومًا رمضانيًا و نسأل الله العود و تقبل الطاعات .. تحياتي ،، |
||
التعديل الأخير تم بواسطة iDesign ; 19-08-2010 الساعة 10:45 PM |
|||
مواقع النشر (المفضلة) |
|
|