التسجيل | التعليمـــات | التقويم | مشاركات اليوم | البحث |
|
التصوير الشخصي كل ما يتعلق بإبداعات الأعضاء الشخصية في التصوير |
|
أدوات الموضوع | إبحث في الموضوع | انواع عرض الموضوع |
14-04-2018, 11:29 AM | رقم المشاركة : ( 1 ) | ||
أمنيتي جنه
|
وطني حيث الجمال
بسم الله الرحمن الرحيم
اللهم صلِّ على محمد وآل محمد جت على بالي فكرة هالموضوع بحيث أنه جايتنا إجازة الصيف وفي ناس يسافرون وناس ما يحصلون إجازة أو مثلا شعب ال uob يسجلون صيفي واللي وضعه المادي ما يسمح وبالنسبة للصغار والبنات يمكن أهلهم ما يسمحون ليهم يسافرون بروحهم.........الخ يرجعون الدومات أو وي الأهل كل واحد يقول سافرت ورحت وجيت أحب أقول ليكم عادي ولا يهمكم ترى عادي مو لازم تسافرون عشان تستانسون احنا بعد في وطنا العزيز (البحرين ) أماكن ومحلات ومعالم سياحية حليوه فحياكم إذا رحتون مكان (مجمعات , حدائق , مدارس , قلعة البحرين , محمية العرين , جامعات , أو مثلا مكان شغلكم . بحر . مناطق , قرى ,سوق المزارعين ,فنادق, برك سباحة ...........الخ ) صوروا ورونا بحيث نشوف ابدعات بعض في التصوير ويمكن نكتشف أماكن حليوه في البحرين بس ما شفناه ولا ندري عنها بشرط كل شخص يذكر اسم المكان ويكون وإذا تحبون تتكلمون شوي عن مميزاته وعيوبه أو معلومات عنه ويالله ببدي أني وهي صورة لطفلة جميلة في المحمية الصورة شهر ديسمبر 2017 محمية العرين المكان حليو وكبير ومناسب لممارسة رياضة المشي وفي سيارات صغيرة مفتوحه و إذا تحبون تركبون تلف المحمية كامل ب 5 دينار بس ولا مرة جربت لأني أفضل المشي اعتقد رحتها مره وكان إجازة العيد الوطني وكان واجد زحمة لدرجة ما حصلنا بارك قريب وقفنا بعيد ورحنا نتمشى عكس الأيام العادية آخر مره رحت كان يوم اربعاء والمكان شبه هادئ واللي هناك ينعدون على الأصابع في طاولات وكراسي إذا تبون تقعدون وبلأمكان تقعدون على الأرض أتمنى أشوف تفاعلكم ومشاركاتكم وابدعاتكم في التصوير وما تخيبون طني |
||
التعديل الأخير تم بواسطة ستايش ; 31-05-2018 الساعة 01:29 AM |
|||
31-05-2018, 01:17 AM | رقم المشاركة : ( 2 ) | ||
أمنيتي جنه
|
( وزارة التربية والتعليم )
طبعا ما يحتاج أتكلم عن هالمكان واجد أعتقد معروف كل اللي أقدر أقوله مكان كبير في مدينة عيسى وفيه عدة مباني (إدارات ) أغلب اللي يروحون هناك علشان الشغل وهي كان مكتبي أقصد (المكتب اللي اشتغلت فيه ) وهي أول ما ندخل المبنى أو الأدارة (ما أذكر كانت إدارة ويش بالضبط ) الصور من أرشيف 2013 أيام خدمة مجتمع |
||
التعديل الأخير تم بواسطة ستايش ; 31-05-2018 الساعة 01:20 AM |
|||
05-06-2018, 05:10 PM | رقم المشاركة : ( 3 ) | ||
أمنيتي جنه
|
بما أنه الجو حار وفصل الصيف
يصلح ل برجة عقب شهر رمضان برجة النخيل اعتقد انها في باربار تصوير تلفون الصور من الأرشيف اذكر أني كنت مسجله فصل صيفي كملت من الجامعة وعقب رحت البرجة |
||
التعديل الأخير تم بواسطة ستايش ; 05-06-2018 الساعة 05:16 PM |
|||
01-07-2018, 06:15 PM | رقم المشاركة : ( 4 ) | ||
أمنيتي جنه
|
مستشفى السلمانية طبعا المكان غني عن التعريف
يمكن هو مو حليو ولكن لا بأس بزيارة المرضى من العائلة أو الجيران أو أهل القرية أو المدينة اللي صار ليهم فترة في المستشفى تفرحونهم وتغيرون نفسيتهم وليكم آجر و عشان تقدرون نعمة الصحة والعافية اللي عدكم وتحمدون ربكم عرفت أنه السلمانية في أرقام الغرف تشبه طريقة جامعة البحرين يعني مثلا الغرف أو الأجنحة من100-199 هي يكونون في الطابق الأول من200 ل 299 في الطابق الثاني من 300ل 399 بتخصلونهم في الطابق الثالث في درج وفي لفتات (مصاعد ) ممكن تكونون هناك (كمرضى أو طاقم طبي أو موظفين أو مجرد زائرين ) ما أذكر القسم لما كنت رايحة مو حاطة في بالي أو نيتي أني بصور بس لما طفت على الخضرة والزرع والمنظر شوي حليو طلعت التلفون وصورت على السريع |
||
|
|||
03-03-2019, 09:08 PM | رقم المشاركة : ( 5 ) | ||
أمنيتي جنه
|
بعد ما شفتون الصور المكان أقدر أسميه (مقهى ثقافي ) Mashq Art Space أو مشق آرت غاليري موقعه في البحرين تحديدا في منطقة المقشع بالأمكام أقامة المعارض ويتم فيه تقديم بعض الورش(الرسم والخط والموسيقى والتصوير) ويقام فيه بعض الفعاليات الثقافيه |
||
|
|||
20-10-2019, 09:08 PM | رقم المشاركة : ( 6 ) | ||
أمنيتي جنه
|
من ساحل كرباباد
اعتقد أنها زيارتي الأولى ليه رغم أنه الجو كان حار لم رحت بس عجبني المكان يصلح لذوي الدخل المحدود والأطفال عن حكرة البيت في سيارات وأشخاص يبيعون اسكريم ونفيش وووووو .....ألخ يعني أشياء لذيذه ورخيصه وكان في بعد طاولات وكراسي للقعده بس ما صورتهم والصوره الثانيه أحس ينعرف وين المكان أو المنطقه بدون ما أقول |
||
|
|||
01-01-2020, 07:27 PM | رقم المشاركة : ( 7 ) | ||
أمنيتي جنه
|
إِنَّمَا يَعْمُرُ مَسَاجِدَ اللَّهِ مَنْ آمَنَ بِاللَّهِ وَالْيَوْمِ الْآخِرِ وَأَقَامَ الصَّلَاةَ وَآتَى الزَّكَاةَ وَلَمْ يَخْشَ إِلَّا اللَّهَ ۖ فَعَسَىٰ أُولَٰئِكَ أَن يَكُونُوا مِنَ الْمُهْتَدِينَ
حتى المساجد مكان حليو عشان نروحه نتقرب ل الله وممكن تكون فرصه نلتقي ونتعرف على أخوانا وخواتنا المؤمنين الصوره من شهر مارس سنة 2019 لأنه مو قريب لي ف ما أروحه على طول ولا أذكر وش اسمه بس اللي أذكره أنه موجود في مدينة حمد |
||
|
|||
مواقع النشر (المفضلة) |
|
|