حيـاكم يـا مهندسـيـن كيميائـيـن

[Guns & Roses]

شخـبــآركــمـ !

future's chemical engineers
أفتتحت هذي الموضوع لنستفيد من بعضنا البعض
أولاً :نتعرف على التخصص اللي بندرسه و هو الهندسة الكيميائية
ثانياَ: نتعرف على بعض
ثالثاً : إذا عندنا أسئلة نطرحها [ نستفسر ]
رابعاً:عقب ما تنفتح الجامعة انتشارك بالمحاضرات اللي نحضرها[عشان إذا الواحد صاده ظرف و ما حضر ما يفوته شي ]
خامساً :نكون على تواصل

و يـلا إن شاء الله أجوف تفاعل منكم ...

[Jouzif]

تمام الحمدلله . .
خطوة حلوة . .

بالتوفيق إن شاء الله

[المهندسه]

اهلا اصحاب الكيميكال
طول العطله كنت ادور معلومات عن هالتخصص وهذا الي حصلته

.
نبدأ
.
.
.

الهندسه الكيميائيه / engineer chemical

.
.

* نبذة عن التخصص :
http://staff.uob.edu.bh/eng/show.asp...4d&pg=4&subo=0
* خطة التخصص :
http://www.eng.uob.edu.bh/departments/chemprog.php
* مدة الدراسة :
اربع سنوات للبكالوريس .
* التخصص دسم ويعتمد على الرياضيات والفيزياء والكيمياء
* فرص العمل :
1- المصانع الكبرى ... بابكو ألبا جيبيك .. و امكانية التوظيف في المصانع خارج البحرين كبيرة بعد مثل مدينة الجبيل الصناعية في السعوديه
2- التوظيف في البنوك .. كون المتخرجين من هذا التخصص مقتدرين من ناحية الرياضيات
3- الوزارات
4- مراكز تحلية المياه
5- طبعاً إن لم توفق مجال التدريس

.

* ردود مقتبسه من منتدى الجامعه .

الهندسة الكيميائيه تخصص رائع وممتع و(شامل) >> ممتع طبعا ع الميول
من مميزاته ان عدد الخريجين قليل بالنسبه للمطلوب في سوق العمل ...
طبعا انا للحين طالب بس الي اسمعه ان رواتبه حلوه
واول وآخر الرزق على رب العالمين
التخصص مايبيله واحد عبقري بس يبيله واحد مستعد انه يتابع اول بأول ومايضيع عليه شي ،،
لان اذا شوي ضيع صعب جدددا انه يستوعب الي فاته لان المواد مضغوطه جدا غير الاسايمنتس والكوزات والتستات الي طول السمستر
بس سالفة اللغه بكل تأكيد لازم يطور روحه لان كل المواد ( مو بس قسمنا كل تخصصات الهندسه ) بالانقلش
يعني مو لازم يقول ولد ميري عشان يقدر يواصل

اني درست بالأول دبلوم في الهندسة الكيميائية.. وفي التريننغ خلونا نتدرب في هيئة حماية البيئة.. اللي اهناك كلهم مهندسات كيميائيات.. وما شاء الله معاشاتهم فووووووق.. والشغلة حدها مريحة.. بس طبعا لا تخلو من بعض العقبات.. وهذي طبيعة كل وظيفة.. واللحين اني اواصل الـــb.s بس بيني وبينش.. حتى اني علطول يحبطوني.. لكن اللي خلاني اتحمس اكمل.. ان الشهادة اللي بحصلها إن شاء الله.. بتخليني اشتغل في اي وظيفة ابيها.. لأن التخصص قوي.. والشهادة بعد.. واصحاب العمل يفضلون اصحاب هالشهادة على اي تخصص ثاني.. وله الأولوية.. على قولة واحد من الدكاترة يقبلونه كــ"حلال مشاكل".. يعني مولازم تشتغلين في بابكو أو ألبا.. في المحصلة اقول لش.. أن الشغل ارزاق.. يعني مو كل واحد حصل شهادة وتخصص مطلوب.. حصل له وظيفة.. والعكس صحيح

الهندسة الكيميائة أول كورس بتدرسون chemy101 , phycs101 , maths101 , engl101 , meg161
chemy101 = كيمياء سهل ما يبي له شي
phycs = فيزياء سهل ما يبي له شي
maths = تفاضل وتكامل سهل ما يبي له شي
engl101 = انجليزي بسيييييط
meg161 = رسم هندسي بعد سهل وما يبي له شي
المواد تعتمد على الفيزيا والرياضيات بشكل عام

الهندسة الكيميائية ممتازة جدا
وراتب قوي لا يقل عن 700 الى 800 دينار كبداية
وقليلة في السوق

ان في ناس واجد ما يعرفون ويش الهندسة الكيميائية
يظنون انها كلها كيمياء
لكن الكيمياء ما هي الا اداة يستخدمها المهندسون الكيميائيين
لكن الكيميائيين هي صلب اهتمامهم
فتخصصنا يلزم الواحد يلم بأشياء واجد
الرياضيات الفيزياء الكيمياء البزنس.... الخ
فاللي ما يحب او ما يقدر على الرياضيات او الفيزياء
انصحه ان ما يدش الهندسة الكيميائية

المستبقل الوظيفي لشهادة الهندسة الكيميائية مفتوح في أكثر من مجال
مثلا في وحدة تخرجت العام والحين تشتغل بأحد البنوك
وحدة تخرجت الكورس اللي طاف ومادري وين بالضبط اشتغلت بس أكيد اشتغلت يعني
واحد ثاني تخرج وبعد اشتغل في بنك
وأعرف واحد كان يدرس برع الحين يشتغل بوزارة الصحة
(وايد اشتغلوا في بنوك وشركات ما لها علاقة بالكيميكال بس لأن طبيعة دراستنا مفتوحة على أكثر من شي)
يعني مب شرط يكون الشغل عقب في شركات كيميكالز أو بترول أو مصانع

[Jouzif]

خطة التخصص الجديدة . .

[Guns & Roses]

ما شاء الله عليج يا المهندسة كفيتي و وفيتي
معلومات جداً مفيدة ...

و مشكور خيوو Jouzif على الخطة اليديدة

أشكرككم على تفاعلكم في الموضوع و إن شاء الله انكون متواصلين أكثر عقب ما تبدي الدراسة ...

[michael]

ما شاء الله

بالتوفيق

[المهندسه]

بس اربعتنا كيميائيه في الملتقى

[Guns & Roses]

اعتقد في ناس ما قروا الموضوع ...

[Guns & Roses]

سؤال : احنا جم ندفع حق الكورس ؟

[طالب جيد]

السلام و عليكم و رحمة الله وبركاته......ز
في أحد يقدر يقوللي ثمن كتب بكالوريوس الهندسة الكيميائية الكورس الأول؟؟؟؟؟
مشكوريييييييييييييييييييين!

[نَجمة,]

اذا احد يقدر يجاوب ع السؤال يخبرنا بشكل عام كم اسعار الكتب ؟
اني سمعت ان واجد غالين ؟ وان ناس واجد يطبعونهم أوفر
وهل يسوى ان نشتري كتب مستعملة ؟

أفيدونا

[miracle]

وياكم ان شاء الله

[Jouzif]

في الخطة الدراسية في مكتوب Cr . .
ومكتوب تحتها رقم . .
كل 1 يعني 8 دينــار أعتقــد . .
إدا 3 يعني . . 24 دينار للمادة الوحدة . .
4 يعني 32 دينار للمادة . .

[Jouzif]

المشاركة الأصلية كتبت بواسطة Jouzif

في الخطة الدراسية في مكتوب Cr . .
ومكتوب تحتها رقم . .
كل 1 يعني 8 دينــار أعتقــد . .
إدا 3 يعني . . 24 دينار للمادة الوحدة . .
4 يعني 32 دينار للمادة . .

..........

[Jouzif]

شصاير في الجدول حاطين لي حق الـ chemy :

DAY : U , TIME: 8 TO 10:30 .. RO0M : S41-1019
DAY: U , TIME: 8 TO 10:30 .. ROOM : S41-1023
DAY: UTH , TIME 12 TO 12:50 .. ROOM : S48-13

شلون يعني محاظرتين نفس الوقت ونفس اليوم ؟!!
ثلاث محاظرات حق مادة في نفس اليوم ؟؟
موفاهم !! شلون اتصير . .

والفيزيكس .. محاظرتين ورة بعض . . ومحاظرة بعد .. ثلاث محاظرات في نفس اليوم !!

شلون اتصير ؟!!