التسجيل | التعليمـــات | التقويم | مشاركات اليوم | البحث |
21-07-2015, 08:24 PM | رقم المشاركة : ( 1 ) | ||
طالب مبتدئ
|
مبتعثة محاسبة ،
السلام عليكم ،
بعرض لكم موضوعي باختصار و يا ريت تفيدوني .. أني طالبة علمي - فيزياء & رياضيات - حصلت بعثة محاسبة ، و بحثت عن التخصص بما أن ما عندي فكره عنه و ما درست ولا مقرر محاسبة من قبل ، بس ما حصلت المعلومات الي تفيدني عشان أعرف وضع التخصص بغيت أعرف عن المقررات ، نبذه ع الي يدرسونه طلبة المحاسبة ، في الخطة الدراسية موجود اسم المقرر بس ودي اعرف عن نوع المقررات ، و بعد الدكاتره في الكلية يشجعون أو لا و بخصوص سوق العمل ، إذا أحد يقدر يفيدني بمعلومات عن الشغل مستقبلاً وش يسوي المحاسب و شكراا مقدماً |
||
22-07-2015, 07:45 PM | رقم المشاركة : ( 2 ) | |
<font color="#0000ff">مميز بالفصل الأول 2016-2017</font>
|
في ناس وايد اعرفهم علمي طلعو من التخصص ماقدروا عليه لان دكاترة الجامعة يشرحون مباشرة بعد شرح المدرسة يعنيي يكملون ع شرح المدرسة،مايشرحون القواعد الا بشكل بسيط جدا
كونج طالبة علمي بتحتاجين بس اول سنة معهد علشان الاساسيات تنبني دكاترة المحاسبة بشكل عام حبوبين و طيبين و يراعون الطلبة يعني زينين اغلبهم،وخصوصا رئيس قسمنه مافي مثله موجود ف موقع الجامعة نبذة عن كل مقرر ف الخطة الدراسية تقدرين تشوفينه |
|
08-08-2015, 03:50 PM | رقم المشاركة : ( 3 ) | ||
طالب متألق
|
السلام عليكم
شوي بطول في الكلام بس اتمنى تستفيدين من تجربتي انا كنت طالبة علمي ودرست اول سنه في جامعة البحرين تحصص هندسة مدنية وغيرت في السنه الثانية الى تخصص محاسبة .. والحين انا سنة خامسه وباقي لي 3 مواد واتخرج ان شاءالله لما اخترت المحاسبه ترى رحت على عماي ماعرف شنو يعني محاسبه ماعرف شنو مواد التخصص كان كل همي في ذاك الوقت اني اتخلص من الهندسه وبس وطلع قبولي في التخصص متأخر ف ما حصلت مواد الخطه للفصل الاول كاملين واللي حصلتهم ماحصلت الدكاتره اللي يمدحونهم على كل حال الحمدلله خذت اول فصل لي في المحاسبة 4 مواد داومت اول اسبوع وانا مو فاهمه شالطبخه كانت تدرستي اكاونت 112 دكتورة سلوى .. -يذمونها الطلبه مادري ليش- وخوفوني منها .. بس انا جفت العكس انها دكتورة ممتازة وحقانيه وهي من نفسها تسأل اذا في طلبة علمي تشرح لنا الاساسيات وطبعا في الجامعه شي معروف في كل التخصصات ان الطالب 70% في الدراسه يعتمد على نفسه مو على الدكتور وكل فصل اتأكد من هالشي اكثر ف قمت ادرس بروحي من الكتاب .. الكتاب سهل وموضح كل شي من تعاريف من اشياء في مخج تتسائلين عنها بتحصلين لكل شي جواب انتي خطتج بتكون غير عن خطتي .. انا خطتي قديمة خطتكم الجديدة بتكون عباره عن تخصصين .. تخصصج الاساسي محاسبة وتختارين تخصص فرعي مثل فايننس او ايكون او منيجمنت او ماركتنق فماعرف شنو توزيع المواد عندكم بس بشكل عام مواد المحاسبة اول سنتين يبيلهم فهم فهم فهم فهم هم الاساسيات اللي بتمشين فيهم باقي المواد - ومو صعبين لا تتأثرين بكلام الناس - هالمواد فيهم اشياء عمليه بعدين شوي بيصعب الموضوع بتجين لمواد الاودت .. اودت 1 و اودت 2 .. هذي مواد يعلمونج شلون تدققين في الحسابات .. مو عملي هذي مواد نظري .. يعلمونج فيها قوانين .. شلون تنكتب رسالة المدقق .. شنو الشروط اللي لازم تتوافر .. شنو الشياء اللي تأثر على مصداقية الشركات وهالسوالف .. مواد ثقيله شوي يبيلهم حفظ وفهم وامتحاناتهم صعبه لازم تكونين مجهة روحج اول بأول عندج مادة الكوست اكاونت واللي تابعه لها منجيريال اكاونت الكوست ثقيله شوي .. كلها عملي ويبي لج دراسه عدله اول بأول نفس الرياضيات في الثنوي كل ماحليتي اسئله اكثر كل ماكان الامتحان اسهل مادة المنجيريال اكاونت سهله سهله سهله خفيفه ومادة عملي وواضحه وتجيبين فيها a بالراحه بعدين مواد الثيوري والكرنت اكاونت والسستم .. اذا وصلتي لهم اعتبري روحج متخرجه الثيوري مابخوفج منها .. بس هذي الماده الوحيده اللي في التخصص اللي محد فاهمها لا دكاتره ولا طلبه .. تتكلم عن تاريخ المحاسبه شلون فكرو يسوون محاسبه من اللي طلع الفكره ومتى استخدموها وهالسوالف واشيا ما اتذكرها المهم مابطول عليج اكثر باقي المواد الفايننس مواده حلوه وخفيفه .. الايكون بعد حلو .. المنيجمنت والماركتنق بالنسبه لي صعبين لانهم مواد حفظ \\ تركي الكلام اللي فوق كله .. واخذي بنصيحتي اول شي انتي راغبه في هالتخصص ولا لا؟ اذا اي .. لاتفكرين في الشغل بعدين وسوق العمل يتطلب هالتخصص ولا لا لان من زمان صار في اكتفاء لجميع التخصصاات والشغل نصيب ثانياً .. وهذي نصيحتي الشخصيه وعن تجربه عشان تمشين في الجامعه وخصوصاً مواد سنه اولى ,, لازم تكون انجليزيتج متوسطه شوي لان لازم بنفسج تدرسين من الكتاب .. اذا في شي مافهمتيه ترجميه .. ولا تسمعين كلام الطلبه اللي يقولون لج درسي من النوتات او السلايدات ,, ترى كأساسيات انتي ماراح تستفيدين انتي تبين تفهمين مو بس تدرسين حق الامتحان آخر نصيحه لا تخلين كلام الغير يأثر فيج لما يقولون لج صعب وماينفهم وهالدكتور مو زين ,, لا تسمعينهم ولا تتأثرين بكلامهم باختصار المحاسبه تخصص جميل اذا كان عندج الرغبه فيه .. توكلي على الله ودشيه واتمنى حصلتي في كلامي الشي اللي كنتي تسألين عنه والله يوفقج ان شاءالله |
||
08-08-2015, 03:57 PM | رقم المشاركة : ( 4 ) | |||
طالب متألق
|
اقتباس:
المحاسب شغلته يسجل المدخلات والمخرجات من الشركه يسوي تقارير يسجل فيهم هالاشياء هالتقارير عباره عن جداول تحطين فيهم المعلومات هذا كله بتتعلمينه اول سنه في المحاسبة واذا حابه تعرفين شنو هالاشياء بحثي عن ال financial statements وهم 4 انواع في محاسبين شغلتهم ثانيه .. يسمونهم مدققين وظيفتهم انهم يشتغلون في شركة تدقيق وهالشركة تطرشهم لشركات ثانيه عشان يدققون في ال financial statements ويجوفون اذا فيها اخطاء او لا بس ع العموم اغلب خريجي تخصص المحاسبه اشتغلو اشياء غير عن تخصصهم .. |
|||
08-08-2015, 08:25 PM | رقم المشاركة : ( 5 ) | |
<font color="#0000ff">مميز بالفصل الأول 2016-2017</font>
|
حبيت أعلق ع نقطتين قلتيهم
الانجليزية المتوسطة... لا اني اشوف ان حتي مايحتاج حتي انجليزية الا بشي بسيط و خفيف و ترجمة بسيطة ومع السلامة بتقولون مانجمنت ماركتنق ايكون.ان فيها انجليزية ولازم واحده لغة ..!!! لا اني لغتي سطحية كلش واكا ف هالمواد قدرت اتخطاها ب a ولا احتجت كتب فيهم باستثناء الايكون لاني ماحبيته طبعا الدراسة مو تعقيد و كتب و هرار و النوتات فيهم الاساسيات و مريحة لطالب جدا و أكا اخوي و اختي تخرجو محاسبة ما احتاجو للكتب ، يمكن بس سنة اولى نظرا لان ماعندهم خبرة يدرسون من وين و شنو أفضل بس هالشي يعود ع طبيعة كل طالب شنو يفضل بالتوفيق للجميع |
|
09-08-2015, 03:28 PM | رقم المشاركة : ( 6 ) | ||
طالب متألق
|
اللي يدرس من تي بي وامتحانات سابقه ويشتري بروجكتات طبعاً ماراح يحتاج انجليزية متوسطة
والقصد بالكتوسطه كطالب متخرج من ثنوي وبروح اول كورس له في الجامعه لازم يحسن من انجليزيته عشان يقدر يفهم ع الاقل الدكتور شنو يقول وصح كلامج طبيعة كل طالب بس في النهاية من وجهة نظري وخبرتي ان اول سنه لازم الاساسيات من الكتاب وليس النوتات - مجرد نصيحه مو جايه اغصب احد - تحياتي |
||
09-08-2015, 04:43 PM | رقم المشاركة : ( 7 ) | ||
الحمد لله
|
اقتباس:
ردش واقعي و واضح جداً لكن عودتك هي الأهم، أتمنى ان تعودي لسابق عهدك |
||
الأعضاء الذين أرسلوا إعجاب لـ محمود محمد على المشاركة المفيدة: | احلى حب (21-07-2020) |
19-08-2015, 04:21 PM | رقم المشاركة : ( 8 ) | |||
طالب مبتدئ
|
اقتباس:
مادري من وين أبدي خيوو كفيتين و وفيتين واجد شجعتيني برغم أني كنت مترددة ، و كلشي كنت أدوره حصلته كان ع بالي أن الاساس في الثانوي ما بلحق ع المقرات هالشي الي عقدني بس الحمدلله انفكت الأزمة شكرراً ع النصايح الثمينة ، والدافع الي عطيتيني اياه يعطيش الف عافية و موفقة يا رب |
|||
19-08-2015, 04:23 PM | رقم المشاركة : ( 9 ) | |||
طالب مبتدئ
|
اقتباس:
بالتووفيق ان شاء الله |
|||
02-04-2016, 11:23 PM | رقم المشاركة : ( 10 ) | |
طالب مبتدئ
|
السلام عليكم،،
نبي طلاب يقولون تجاربهم مع تخصص المحاسبه، يكونون متخرجين ومتوسلين وشلون الوظيفه والدراسه. الي يعرف طلاب متخرجين ومتوظفين يسألهم ولا يبخل |
|
مواقع النشر (المفضلة) |
|
|