التسجيل | التعليمـــات | التقويم | مشاركات اليوم | البحث |
26-08-2009, 02:21 AM | رقم المشاركة : ( 1 ) | ||
صلاتكَ ليست لهم .
|
مع | مطبخ نوار | الأكل أحلى
بسم الله الرحمن الرحيم
جايبة ليكم وحصرياً ومن مطبخنا و علشان خاطر الأخت اللي طلبت هذي الطبخة .. وعلشان خاطر الأستاذ اللي كل حين يقول سووا طبخات بالتعاون مع الأخت نوار ومحد عاطنه وجه شعيرية بالكريم كراميل >> لا يغركم ترى أول مرة اسوي حلاوة من دخلنا رمضان للحين وطبعاً أني أحيي ومن منبري هذا .. كل ست بيت بتخترع طبخة أو حلاوة سهلة وبسيطة ( مالت خيابة يعني ) .. للجيل أمثالنا .. اللي ما ليهم بالطباخ وينحدون حداد عالمطبخ .. وأحسن شي فيها .. إن كل المقادير تقريباً ينخلطون مع بعض .. وما تستغرق اكثر من ثلث ساعة إذا مو أقل بعد .. طبعاً لازم تكون عندكم الوصفة مكتوبة جدي مثلاً ( خط اختي ) \ / المقادير : فنجان شعيرية 2 كريم كراميل 1 قيمر 2 دريم ويب .. يعني العلبة مالت الدريم ويب اللي فوق فيها جيسين تخلونهم اثنينهم 4 أكواب حليب سائل 10 قفشات حليب بودرة \ / طبعاً هذا حجم الكأس اللي أقصده .. يعني تقريبا مثل حجم جبن القلاصات \ / الخطوات : أول شي نخلي الحليب السائل + حليب البودرة + بودرة الكريم كراميل ( بدون الدبس ماله طبعا ) ونخلطهم مع بعض عدل .. ليما تحسون إن الخليط يغلي .. وبدت تطلع فيه فقاعات * القفشات اللي نحرك بهم لازم يكونون خشب .. نضيف للخليط القيمر + الدريم ويب .. ونخلطه عدل ليما ما نشوف فيه كتل .. يعني كل شي ذاب فيه وصارغليظ نبند عنه وتخلونه في صوب ناخذ فنجان الشعيرية .. يعني تاخذون الشعيرية وتخلونها في فنجان >> فسرت شي نخلي الشعيرية في مقلى .. طبعاً بعد ما تتكسر تكسير .. مثل ما تشوفون .. إذا عندكم حرة في أحد طلعوها ونشغل عليها النار ونحرك فيها ليما يغمق لونها عن اللون الطبيعي .. طبعاً حاسبوا المفروض تكتسب اللون الأحمر ومو تخلونها واجد لأن تحترق بسرعة يصير هاللون .. طبعاً بعد ما يستوي نخليه في قالب من هالنوع .. ما اعرف اسمه بس يسمونه زجاج .. ونصب عليها خليطنا العجيب ننطرها ليما تبرد وندخلها الثلاجة .. ونخليها ترتاح هناك وخلاص خلصنا \ / طبق التقديم : بقول ليكم سالفة .. أني طلعت عن البيت كانت الحلاوة مو ملموسة .. كان عندي إجتماع .. تقريباً استغرق ساعة .. رجعت شفت هذا المنظر المريع قدامي علشان جدي ما في طبق تقديم ولا شي .. أكلوها من القالب أحسن \ / وعليكم بالعافية ، ، أتذكروني إذا سويتونها |
||
26-08-2009, 02:23 AM | رقم المشاركة : ( 2 ) | ||
طالب متألق
|
حبييييييييييبتي انتي والله
ماتقصرين تسلمييين لي وتسلم يديينج الله يعطيج العافيه وعشانج بسويها .. وبراويج الصور ماتقصرين صج صج احرجتيني فيه العافيه |
||
26-08-2009, 02:25 AM | رقم المشاركة : ( 3 ) | ||
طالب مبدع
|
ثاانكس ع الوصفة
أني سويتها يوم السبت بس في أشياء شوي غير |
||
26-08-2009, 02:28 AM | رقم المشاركة : ( 4 ) | ||
مشرف عام
|
يســلمــوووو نــواااار !!
إن شاء الله أجــربهــا وأذكرش خخ !! |
||
26-08-2009, 02:32 AM | رقم المشاركة : ( 5 ) | ||
طالب مبدع
|
بسم الله الرحمن الرحيم
طبخة ممتازة ,, سلمت يمناش شكلها يميي |
||
26-08-2009, 02:33 AM | رقم المشاركة : ( 6 ) | ||
المدير العام
|
احنا نشوف ابداعات بس شالفايدة ما نذوق شي
لازم نذوق عشان نحكم على مهاراتكم بالطبخ على العموم شكراً شيفه نوار على الطبق الحلو و الي حسرتينا به |
||
26-08-2009, 02:41 AM | رقم المشاركة : ( 7 ) | |
مراقب إداري
|
استاذ عبدالله اشوفك تدش مواضيع الطبخ و تتحسر ..
الظاهر بنخلي الفارس يدور ليك مرة طباخة |
|
26-08-2009, 02:43 AM | رقم المشاركة : ( 8 ) | ||
المدير العام
|
لا بس جذبني العنوان قلت ادش اشوف الطبخة
|
||
26-08-2009, 02:57 AM | رقم المشاركة : ( 9 ) | |
طالب متفوق
|
الحلاوة شكلها عجيبة نوار
شهيتيني ولا اتخافين اذا سويتها بكتب فوقها : باشراف الطباخة نوار |
|
26-08-2009, 03:53 AM | رقم المشاركة : ( 10 ) | |||
صلاتكَ ليست لهم .
|
اقتباس:
ولو خيو .. هذا أقل من واجبش بعد |
|||
26-08-2009, 03:55 AM | رقم المشاركة : ( 11 ) | ||
صلاتكَ ليست لهم .
|
|
||
26-08-2009, 03:56 AM | رقم المشاركة : ( 12 ) | ||
صلاتكَ ليست لهم .
|
|
||
26-08-2009, 03:56 AM | رقم المشاركة : ( 13 ) | ||
صلاتكَ ليست لهم .
|
|
||
26-08-2009, 03:58 AM | رقم المشاركة : ( 14 ) | ||
صلاتكَ ليست لهم .
|
|
||
26-08-2009, 03:59 AM | رقم المشاركة : ( 15 ) | ||
صلاتكَ ليست لهم .
|
|
||
مواقع النشر (المفضلة) |
|
|