التسجيل التعليمـــات التقويم البحث مشاركات اليوم اجعل كافة الأقسام مقروءة

 


العودة   الملتقى الطلابي > ~~ ملتقى الخريجين و الجامعيين ~~ > الملتقى الجامعي العام

الملتقى الجامعي العام لكل ما يتعلق بالبعثات و الأخبار الجامعية و الأسئلة المتعلقة ما بعد التخرج و غيرها ..

إضافة رد
 
أدوات الموضوع إبحث في الموضوع انواع عرض الموضوع
قديم 27-07-2019, 10:31 AM   رقم المشاركة : ( 1 )
ahmed611
طالب مبتدئ


الملف الشخصي

رقــم العضويـــة : 182552
تاريخ التسجيل : 24-05-2019
المشاركـــــــات : 4 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

ahmed611 غير متواجد حالياً

04 ضايع ابي نصيحة منكم

السلام عليكم ورحمة الله وبركاتةة

اخبار الشعب ان شاء الله كلكم بخير ,

في راسي امور كثيرة و حاب منكم انكم تساعدوني فيها ضروري
لاني محتار وايد فيه وابي فزعتكم معاي

انا طالب متخرج من ثانوي دفعة 2016-2015 بمعدل 87.1 علمي كيم و احياء , دخلت علمي كيم وحيا لاني احب المادتين ذولي و كنت شاطر فيهم ودرجاتي زينه و كنت نازل بالمواد الفيز و الريض , المهم

يوم تخرجت سجلت بجامعة البحرين و انقبلت وانا تقريبا اول شخص بعايلتنا اخلص ثانوية وادخل جامعة بوقتها فكانت الامور كثيرة مخربطة عندي و ما كان عندي احد يرشدني , فطبعا دخلت اورنتيشن وخلصته الي هو تقريبا كورس واحد و تعديتها وبعدها دخلت باول كورس فعليا بالتخصص و صراحة صارت لي امور كثيرة وظروف ما يعلم فيها الا الله و للاسف اتخذت قرار اني اوقف كورس هذا لين تنحل الامور كلها وقلت حق الادفايزر اني بوقف لان عندي ظروف من ذا الكلام و كنت انا حاب اني اعالج نفسي لاني اعاني من سمنة وكنت اتعب بشكل كبير وهذا سبب الاول الي خلاني اتخذ هلقرار لكن لحد الان ما صار نصيب , المهم وقفت بنص الفصل ولما طلعت الدرجات حصلت درجتي w بمعنى انه مو انسحاب نهائي لان بوقتها خفت اني سويت انسحاب بتسرع بدون ما انتبه او شيء ,


من 2017 يوم وقفت الى الان وانا ما رجعت الجامعة لأسباب كثيرة طبعا انا محصل منحة من طرف قوة الدفاع و كلمتهم بخصوص الموضوع نفس الجامعة وقالوا ماعندهم مشكلة , لكن الي ابي اوصله اني انا انسان محتار حاليا عمري يمشي وانا واقف ما انجزت شيء فيه و دايما احاتي المستقبل و اخاف يتدمر مستقبلي فيا جماعة الخير ابي منكم نصيحة بخصوص
شنو اسوي حاليا ؟ووين اروح اذا ابي ارجع ؟وهل انا اموري بسليم واقدر بعد امدد وقت لين تخلص اموري ؟ و هل ممكن ان الجامعة كنسلت اوراقي لان ما تصلوا فيني او شيء ؟



وبخصوص الدراسة الجامعية هل العمر مهم ؟ بمعنى انا لو ارجع ادرس بسنة 2021 مثلا راح اتخرج يمكن بعمر 28 او 29 هل ممكن اني احصل وظيفة ولا خلاص راحت علي ؟

و بخصوص التخصص انا انسان ما قتنعت بالهندسة الميكانيكية وكنت اجهل التخصص بشكل كبير ما عرف شنو مواده ومن ذي الامور , وبوقتها كنت خايف وايد اني ارسب او انطرد و دايما احصل ناس تخوفني ان فلان رسب وفلان كان شاطر وكذا وكذا وصراحة انا احب مواد الكيمياء و الاحياء و شوي فيز فالي يعرف تخصصات تكون طبية او اي تخصصات ثانية تدخل الاحياء و الكيم او بشكل عام تصلح حق العلمي و لها مستقبل بعد 5 او 6 سنوات يفيدنا لان مادري اذا الاوضاع تغيرت من 2017 الى الان و سوق العمل متطلباته نفس ماهو او لا



وشنو ترشحون لي تخصصات بكالوريوس ويكون فيها كيم و احياء غير التدريس , وشلون الدراسة و المواد الي ناخذها و مدتها و فرص العمل , طبيعة الشغل بعد التخرج ,,
وممكن انا ماخذ فكرة سيئة عن تخصص الهندسة اتمنى الي يعرف بتخصصاتها يفيدني سواء ميكانيكة او كميائية او اجهزة دقيقة شلون دراسة ؟ و سنين المدة و الوضع بعد تخرج وهل ممكن انقبل بوظيفة وعمري في نهاية العشرينات وبداية الثلاثينات , وهل يطول لين انقبل وشنو متطلبات المهندس وشنو طبيعة شغله


بالنهاية انا يمكن تسرعت بوقتها وماكنت حذر او مثل ما تقولون ناضج وقراري كان خطأ بس بالنهاية كل ذا صار بسبب الخوف + عدم الحصول على التوجيه و الارشاد الصحيح + الظروف و اتمنى من كل واحد يشوف المقطع يدعي لي ان اموري المتعسرة تتيسر و اني ارجع اكمل دراستي و اخلصها و احصل الوظيفة الي تناسبني


ادري موضوع طويل بس اذا انت تحب تساعد اناس لاتبخل علي بأي نصيحة انا انسان احس نفسي ضايع وسلامتكم

التعديل الأخير تم بواسطة ahmed611 ; 27-07-2019 الساعة 10:36 AM سبب آخر: ,,
  رد مع اقتباس
قديم 27-07-2019, 10:37 AM   رقم المشاركة : ( 2 )
ahmed611
طالب مبتدئ


الملف الشخصي

رقــم العضويـــة : 182552
تاريخ التسجيل : 24-05-2019
المشاركـــــــات : 4 [+]
الـــــــــــتخصص : مستوى أول
الـــــــــــمدرسة : غير معروف

 اخر مواضيع العضو

ahmed611 غير متواجد حالياً

Impp

اتمنى تفيدوني يا جماعة الخير



وحاب اضيف اني شخص احب سياسة بشكل كبير يعني اتابع الامور سياسية سواء معاصرة او تاريخية , فهل فيه تخصص ممكن ادرس فيه سياسة او يكون قريب منها ووين ممكن اشتغل لو تخرجت وهل لها مستقبل و شلون طريقة الدراسة و المواد الي ناخذها ,,

التعديل الأخير تم بواسطة ahmed611 ; 27-07-2019 الساعة 10:45 AM سبب آخر: وو
  رد مع اقتباس
قديم 03-08-2019, 02:13 AM   رقم المشاركة : ( 3 )
Bahrain99
طالب مبتدئ


الملف الشخصي

رقــم العضويـــة : 135053
تاريخ التسجيل : 13-06-2016
المشاركـــــــات : 19 [+]
الـــــــــــتخصص : توجيهي - تجاري
الـــــــــــمدرسة : غير معروف

 اخر مواضيع العضو

Bahrain99 غير متواجد حالياً

افتراضي

بصراحة موضوعك يحتاج جلسة في مكان هادئ كذا ساعتين
وتفصيل كل شيء
  رد مع اقتباس
قديم 30-08-2019, 09:39 PM   رقم المشاركة : ( 4 )
Fawaz_Algayeb
طالب مبتدئ


الملف الشخصي

رقــم العضويـــة : 105794
تاريخ التسجيل : 08-04-2015
المشاركـــــــات : 2 [+]
الـــــــــــتخصص : توجيهي - تجاري
الـــــــــــجـامعة : UOB

 اخر مواضيع العضو

Fawaz_Algayeb غير متواجد حالياً

افتراضي

السلام عليكم، ادري ان ردي متأخر، ولكن ان شاءالله يفيدك.
انه خريج سنة 2017، الحين ثالث سنة لي فالجامعة في تخصص أدب انقليزي، وطول الثلاث سنين جفت اللي اعرفهم يتشكّون من صعوبة مناهجهم وكرههم لتخصصاتهم، وجفت اوادم وايد غيرو جامعاتهم او تخصصاتهم، فيعني اول و اهم شي تسويه اذا بتدخل تخصص تأكد و تيقن ان عاجبك، لا تقول يمكن ادش واتعود عليه، بتدرس شي ماتحبه وبتشتغل شغله ماتحبها وبتكره اليوم اللي دشيت فيه هاي التخصص.

ثانيًا مافي شي اسمه متأخر على الدراسة، حتى لو كنت في نهاية العشرينات. وبخصوص اللي يرسبون؛ كل اللي يرسبون -بلا استثناء- اهمه مايبون يدرسون من الأصل، يعني خل نفترض انك دشيت تخصص و درستله و حضرت المحاضرات و سويت اللي تقدر عليه فالإختبارات ابصم لك بالعشر انك مستحيل ترسب. اللي يرسبون و يحصلون f قليلين و الغلط منهم مو من صعوبة المنهج، خل في بالك انك حتى لو دشيت اصعب تخصص ماراح يعطونك كل شي مرة وحده، بيبدون وياك من الصفر و اذا كنت انت مركز و فاهم بتكون من سابع المستحيلات انك ترسب.

و لا تحاتي عن فرص التوظيف و هاي الأشيه، لأن تبي الصراحة محد متأكد مئة بالمئة ان بيتوطف عقب ما يتخرج، و لا تحاتي بعد عن متى بتتخرج، اذا الله كاتب لك بتحصل.

انه تبي الصراحة مو وايد اعرف في الكيمياء والأحياء، فيعني ماقدر اقترح عليك تخصص يناسبك، التخصصين الوحيدين اللي احس من صوبك اهمه تخصص الهندسة الكيميائية و القانون. اعرف ثنينة تخصصاتهم جذي، باسألهم عن نبذة تخصصاتهم و بارجع لك. واذا عندك اي سؤال في هالتخصصين اسألني لا تتردد، واذا عندك سؤال ولا شي في الأدب الإنقليزي بعد حاضر لك انه. الله يوفقك ان شاءالله.
  رد مع اقتباس
قديم 30-08-2019, 10:00 PM   رقم المشاركة : ( 5 )
Fawaz_Algayeb
طالب مبتدئ


الملف الشخصي

رقــم العضويـــة : 105794
تاريخ التسجيل : 08-04-2015
المشاركـــــــات : 2 [+]
الـــــــــــتخصص : توجيهي - تجاري
الـــــــــــجـامعة : UOB

 اخر مواضيع العضو

Fawaz_Algayeb غير متواجد حالياً

افتراضي

سألت لك عن التخصص، مال الهندسة الكيميائية قال لي ان:
"التخصص ندرس فيه عن الفيزياء والكيمياء، ونطبق معلومات من الفيزياء في تصميم الـReactors. ندرس حركة المواد داخل الـReactors، وندرس مواد رياضيات بعد. ندرس فيه فيزياء اكثر من الكيمياء، وانصح المتخرج من العلمي يدش هندسة ميكانيكية، يمكن نفس المواد لكن اخف."

أما عن تخصص القانون على حسب ما سمعت فبيعطونك عن القوانين مثل قانون العقوبات و قوانين دولية و هالأشيه، فيعني بيعطونك مواد معظمهم حفظ. مادري اذا الحفظ من صوبك او لا.

اذا تفضل ان تدش في مجال السياسة و هالأشيه عيل دش مجال الصحافة و الإعلام، ما اعرف عنه وايد للأسف.

و عن العين والنفس بعد باكتب لك عن الأدب الانقليزي ليش لا؛ تخصصنه عبارة عن تقرا قصة وتحللها و تكتب فيها مقالات، مثلاً تطلع الشخصيات وتحلل تصرفاتهم و افعالهم وتطلع أحداث القصة و تبين المواضيع والرمزيات (symbols/symbolism) اللي تحجى عنها الكاتب. عندنه بعد مواد القواعد اللغوية، فيعني اختباراتنه عادةً ماتكون كلها كتابية؛ يعطونك فالنهائي اربعة اسئلة مقالية لازم تكتب في كل واحد مالا يقل عن الـ350 كلمة. التخصص مو للكل، اللي مايعرف وايد في الإنقليزي بيتعب وايد.
  رد مع اقتباس
قديم 17-09-2019, 11:27 PM   رقم المشاركة : ( 6 )
سَــارا ♪"
بِكَ يا الله ♥ ..

الصورة الرمزية سَــارا ♪"

الملف الشخصي

رقــم العضويـــة : 49919
تاريخ التسجيل : 01-10-2012
المشاركـــــــات : 1,669 [+]
الـــــــــــتخصص :
الـــــــــــجـامعة :

 اخر مواضيع العضو

سَــارا ♪" متواجد حالياً

افتراضي

وعليكم السّلام ورحمة الله وبركاته ..

بدايةً .. التخرج بعمر معيّن مايهم في الوظيفة، والرزق بيد الله !

ثاني شغلة .. حاول تكلّم قسم التسجيل بجامعة البحرين ويشوفون ليك سالفة رجعتك للجامعة

و بخصوص التخصص اذا تبي اتغيره، حاول تشوف شنو التخصصات اللي موجودة في جامعة البحرين و حط لستة تحصر الاشياء اللي "تشوف نفسك تقدر تشتغل فيها طول حياتك"، واقرا عن كل تخصص وقرر وش تبي تدش، والملتقى فيه قسم كامل عن جامعة البحرين .. ادخل واقرا عن التخصصات وفيه قسم استفسارات هناك .. بيفيدونك
https://students-bh.com/vb/forumdisplay.php?f=86

وبالنسبة للهندسة في جامعة البحرين انا ماعندي خلفية .. بس كنصيحة كل التخصصات حتّى اللي الناس تقول سهلة فيها صعوبة وتحتاج الواحد يشد على روحه
- هذا قسم الهندسة بالملتقى
https://students-bh.com/vb/forumdisplay.php?f=185

وموفقين لكل خير !
  رد مع اقتباس
قديم 06-10-2019, 11:09 AM   رقم المشاركة : ( 7 )
NoOony.A
<font color="#0000ff">مميز بالفصل الأول 2016-2017</font>

الصورة الرمزية NoOony.A

الملف الشخصي

رقــم العضويـــة : 29040
تاريخ التسجيل : 01-10-2011
المشاركـــــــات : 3,277 [+]
الـــــــــــتخصص : خريج جامعي
الـــــــــــجـامعة : University of Bahrain

 اخر مواضيع العضو

NoOony.A غير متواجد حالياً

افتراضي

صارو معاي ناس بجامعه البحرين موظفين يدرسون
بس اعتقد بالواسطه
لانه اعتقد جامعه البحرين ماتقبل الا متأخرين او بعمر فوق

الوظيفه رزق
ناس بدون شهاده لكن مسؤولين عادي

الجامعه تقدر تواصل بأي جامعه خاصه ماراح تهتم لعمرك و شنو كملت و ما كملت
تقدر تشوف التخصصات المتوفره للجامعه الا حاب تروحها و تقدر تدرس فيها
خذ الخطه الدراسيه شوف تناسبك او لا مع المواد و اقرا عنهم
اي تخصص تقدر تقرا عنه بالنت و تشوف بالتفصيل شنو كل ماده تعني
جامعه العلوم التطبيقيه- العربيه_الاهليه تمام
اعرف بنات معاي درسو خمس سنين بالuob و طلعو منها عقب راحو خاصه لا التخصص ناسبهم ولا قدرو يكملون فيه ..
و اعرف بنات درسو و تخرجو ب ثلاث سنين و اشتغلو ع طول ..
جامعه البحرين مو صعبه سهله بس يعتمد ع قدره كل شخص و الموقع الا حط روحه فيه و شقد الجهد الا يبذله .. ناس تدرس ب ساعه تفهم.. ناس تدرس ب اربع او سبع ساعات ليمن تفهم.. فيختلف من شخص لشخص .. ما احط نفسي بموقع غلط و اقول الدراسه و الجامعه صعبه .. تكون انت صعبت ع روحك

والله يوفقك
توقيع » NoOony.A

life always gives you a second chance called:tomorrow
اللهم صلِ على محمد و آل محمد
  رد مع اقتباس
إضافة رد

مواقع النشر (المفضلة)

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



Powered by vBulletin® © 2020
الساعة الآن 02:13 AM.
ملاحظة: جميع المشاركات والتعليقات في الملتقى لا تمثل رأي الإدارة، وإنما تمثل رأي كاتبها.