:: تقييم دكاترة جامعة البحرين ::

[Miss mong]

دكتورة سلوى
درستني acc 112
شرحها نوعا ما جيد بس عيبها ان تستخدم مصطلحات متطوره في الاكاونت و مو الكل يفهمها ، اذا تبي تفهم لازم تركز طول الكلاس و ب شديدة
+ ما تحب الي يجون بعدها و تكره الاسئلة المتكررة
تقييمي لها 2.5 من 5
دكتور انيس خياطي
درسني ايكون 140
الدكتور يحب الناس الي تشارك ، هو جدا هادئ بس مو لدرجة ان يجيب النومة و يكتب كل شي مهم على السبوره ، دكتور محترم بالنسبة لي ماصدر اي ضرر منه ، عيبه الوحيد يمكن ان هو مزاجي احياناً ، ساعات عادي نتأخر عن الكلاس و ساعات يعصب
4 من 5
دكتورة حليمة كاظم العالي
درستني engl145
شرحها حلو ، تغلط احيانا لان هي اساسا ماتدرس هالمقرر انجبرت عليه ... احيانا تطلع عن جو الحصة و تسولف ويانا بس جي 5 دقايق وترجع للدرس ، بشكل عام هي خلوقة ولطيفة مع الكل بس ما تحب احد يسولف بالكلاس ، اذكر كان في بنتين كله يسولفون فالكلاس و على طول تخزهم .
انصح تاخذون عندها
دكتورة ندوى
درستني ماث 103
سيييئة جداا بالشرح ، هي طيبه و تعاملها مع الطلاب لطيف بس مو كريمة بالدرجات ابدا.
ما انصح احد ياخذ عندها!