|
|||||||
| الملتقى الجامعي العام لكل ما يتعلق بالبعثات و الأخبار الجامعية و الأسئلة المتعلقة ما بعد التخرج و غيرها .. |
|
|
|
أدوات الموضوع | إبحث في الموضوع | انواع عرض الموضوع |
| التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
|
|||||||
| الملتقى الجامعي العام لكل ما يتعلق بالبعثات و الأخبار الجامعية و الأسئلة المتعلقة ما بعد التخرج و غيرها .. |
|
|
|
|
أدوات الموضوع | إبحث في الموضوع | انواع عرض الموضوع |
07-02-2013, 04:30 PM
|
رقم المشاركة : ( 1 ) | ||
|
طالب مبتدئ
|
حيره -_- ! ..
السلام عليكم ورحمة الله وبركاته
أني طالبة متفوقة و في فصلي الأخير من الثانوية و من طموحاتي إني ادرس طب لأن أميل للمجال هذا وما أقدر اجوف روحي في مكان غيره بس .. الإمكانيات مو لهناك و بعثات الوزارة .. ماشة بوزي منها  مع ان معدلي 97.5 بس اتوقع عند قسم البعثات = 60% بلدنا العزيز فيه جامعتين وهالجامعتين اسعارهم ناااارر ومابقدر أدرس فيهم ف وجهت نظري للخارج ( الصين ) بس أحس روحي مو مقتنعة لدرجة كبيره فيها مابقول صعوبات الأكل و غيرها من السلبيات الصغيرة الي الكل مركز فيها  بس أحس أن في شيء كل ما أبحث اكثر عن جامعات الصين ألاقيه و يسحبني خطوات ابعد عن هالخيار وهو ( اللغة " يعني ميييييييييح  ما اعرف ولا حرف بالصيني بس بالانج ممتازه و الإعتماد ) افكر حاليا ب جامعتين _ زيجيانج _ ساوث إيست اتمنى من أي احد عنده خبره أو سائل أحد يفيدني ويفيد الجميع بأي شي عن الصين "تخصص الطب أو يعرف عن أي جهة تقدم بعثات و مساعدات لمجال الطب سواء داخل البحرين أو خارج البحرين أو الهند ؟ سمعت عنها ان شهادتهم قوية ودراستهم بعد بس اخوي يدرس هناك ويقول لي ما يصلح ومايشجعني إني اروح  انتون شرايكم ؟ |
||
|
|
07-02-2013, 06:48 PM
|
رقم المشاركة : ( 2 ) | ||
|
طالب مبدع
|
والي راحوا الصين ولا واحد منهم يعرف صيني
المشكلة إن في تخصصات وآجد بس احنا مقيدين روحنا بالطب لأن ما نعرف عنها ولاشي ! مع إني على الحافة بس بعد فكرت في الصين وسألت ودورت معلومات يمين ويسار الدراسة باللغة الانجليزية , التسجيل يفضل عن طريق الاتحاد الطلابي البحريني في الصين لأن مكتب الأمل الوزارة ما تتعامل وياه , بكون في كل كورس مادة لغة صينية جامعة وينجو تخرج منها طالب بحريني واحد , بعد المعدل ما يهمهم بس اذا تبين البحرين تعترف بشهادتش لازم يكون أكثر من 85 . إنتين لاتحطين أمل على شي واحد سبحان الله يمكن ما تحصلينه يروح عليش كورس أو سنه وتالي المنحة \ البعثة تطير ,, فسجلي في البحرين في كل مكان الجامعة / الكلية / بوليتكنك وما تدرين الله ويش كاتب اليش يمكن شي أحسن من الطب . نصيحة لوجه الله لا تقولين ما تتخيلين روحش في محل غيره هالكلمة لاتفكرين فيها ولا تغلطين غلطة ناس من قبلش معدلاتهم 98 وحطوا طب وحاطين كل أملهم فيه بس ما شموا حتى ريحته وضاعت سنه عليها وندمانين ندم شديد اكو عندش الانترنت دوري تخصصات يمكن تعجبش وموجودة بعد فكري بالمنطق مو بالعاطفة والميل للطب |
||
|
التعديل الأخير تم بواسطة وانشق القمر ; 07-02-2013 الساعة 07:02 PM |
|||
|
|
|
08-02-2013, 04:46 PM
|
رقم المشاركة : ( 3 ) | ||
|
طالب مبتدئ
|
كلامش كله صحيح
بس ما اعرف عن تخصصات ثانية يعني الحين اني توجيهي مدرستنا بس ودتنا الخليج اللعام ! مرة جايبين بنية تدرس في الإيرلندية طب عاطينها مال ثاني تقدم ليهم محاضرة يوم رحنا كلمنا الإداره يقولون اللعام الي تخرجو مايدرون بالتخصصات ف احنا نبي نتفادى المشكله وبنثقف مال ثاني من الحين عن التخصصات و البعثات انززززززززين واحننننننننننننا ؟   الله كريم , الواحد لازم يركض على روحه لو عندش أي مواقع تساعد أو أي جهات لا تبخلين علينا ابها و البوليتيكنك غير كلا تخصصات تجارية ؟ ؟ 
|
||
|
|
|
08-02-2013, 10:33 PM
|
رقم المشاركة : ( 4 ) | ||
|
طالب مبدع
|
هذا هو إحنا مو عارفين من جذي ماعندنا شي !
البولي فيها هندسات بعد هني في ملتقيات لجامعات واجد حاولي تدخلين وتستكشفين هذا موقع ادخليه وجاوبي بصراحة وتعرفي على نقاط قوتش + المهنة الي تناسبش هذا مال السعودية ماعليش في البيانات حطي هرار عادي http://cat.hrdf.org.sa/cat_profil_tasjeel.php + التخصصات الي اعرفها في البحرين الجامعة علاج طبيعي / هندسات بكل انواعها / علاج طبيعي الكلية دبلوم يقولون احتمال السنة تصير باكلريوس صحة فم واسنان / مختبرات / صيدلة / أشعة / تمريض البولي الهندسات والبعثات في تخصصات لا تعد بس صراحة ما اعرفها كامل وهذا الي اعرفه 1. سمع ونطق 2. اطراف صناعية 3. تغذية 4. بكلريوس صيدلة , مختبرات , اشعة 5. زراعة في وزارة في البحرين اسمها البلدية والزراعة  في سفارات تعطي بعثات بس ما اعرف عن هالموضوع وجامعة قطر تعطي منح |
||
|
التعديل الأخير تم بواسطة وانشق القمر ; 08-02-2013 الساعة 11:05 PM |
|||
|
|
|
08-02-2013, 11:08 PM
|
رقم المشاركة : ( 5 ) | ||
|
طالب مشارك
|
اقتباس:
شكرا شكرا شكرا و الف شكرا هذي المشلكة صايرة مشكلة تعليمية وطنية بحيث ان 75٪ من خريجي الثانوية يبون طب، على الرغم من تعدد مهاراتهم و قدراتهم. مثلاً يجيك واحد صاروووووخ في الكيميا بس يتوجه للطب فقط لانه "جيد في العلوم"، و يحرم نفسه و البحرين من خدماته و مهارته ككميائي. طبعا، معظم ال75٪ الي يبون طب ما يعرفون وش سالفته من سنين و صعوبات و طرقات، ففي نهاية الطريق اما نص البحرين اصيرون اطباء و مجال التوظيف = 0٪، او الخريج مايحصل بعثة او فرصة و يضيع للابد. على أي حال، اذا حابة تدورين تخصصات ممكن تعجبش جيكي http://www.bls.gov/ooh/ و هو موقع هيئة احصاء الاعمال الأميركية و تقدرين اتدورين شغلات قريبة لميولش و يمكن احسن لش من الطب بعد. شخصياً، بنصحش ب اما هندسة معدات طبية، او هندسة طبية (biomedical engineering) او هندسة كيميائية اذا اتحبين مادتي الكيمياء و الأحياء، لان هالتخصصات المجال فيها واسع و فرص التوظيف تقدين اتقولين انها عالمية و خصوصاً مع زيادة الطلب على المهندسين و الخ... بالتوفيق انشاءالله و اي سؤال احنا حاضرين |
||
|
|
|
08-02-2013, 11:11 PM
|
رقم المشاركة : ( 6 ) | ||
|
طالب مبدع
|
شكلي بحط موضوع منفصل عن الطب
لأن الوضع مو طبيعي الناس تفكر بالعاطفة + في ناس ما يدرون عن التخصصات |
||
|
|
|
08-02-2013, 11:55 PM
|
رقم المشاركة : ( 7 ) | ||
|
طالب مثالي
|
انا بعلق بالنسبة للصين
أول شي اللغة مو عائق ومثل ماقالت الاخت وانشق القمر اغلبهم الي يدرسون طب مايعرفون صيني والسبب !!! إهمال شخصي ترا هي لغة كلش حلوة .. والشي الجميل لما تتعلمينها مابتحتاجين لاحد ولا تخلين الصينيين يلعبون عليش وجامعات الصينية لو بتدرسين تخصص الطب مابتتخرجين الا اذا قدمتين امتحان الـ hsk نفس الايلتس هذا بس حق اللغة الصينية طبعا جامعة ساوث إييست لحد الآن مو معترف فيها وهي معقل الطلبة البحرينيين اتوقع عددهم طاف الـ 100 طالب فأنا انصحش بي جيجانغ معترف فيها + منطقة حلوه وبالنسبة لنظام التدريس ف الجامعات تقريبا كلهم متشابهين جامعة وونجو تخرجوا منها 2 مو واحد واحد اللعام وواحد هالسنه فإذا ليكم نية تجون الصين نصيحة اخذيها تعبي على روحش شوي ف اللغة الصينية مارسي اللغة ولاتستحين ودائما ف الكلاس شاركي صدقيني بترتاحين عقب لأن اول سنه مايعطونكم مواد طب واجد ، فلاتهملون اللغة الصينية وتغلطون غلطة الي قبل |
||
|
|
|
08-02-2013, 11:58 PM
|
رقم المشاركة : ( 8 ) | ||
|
طالب متألق
|
أمركم غريب .. ! صح كنت محلكم العام الماضي و أحس بالي تحسون فيه بس تفكير طلبة علمي ما بيتغير أنا طالب علمي أياً كان معدلي يعني لازم أدرس طب ما حصلت بعثة لا ما أقبل بتخصص ثاني ترى الطب مو لعبة : ) " و مو كل من درس طب واصل في هذا المجال صح و الكل منتفق على إن بناءً على الميول تحدد تخصصك الجامعي اعرف ميولك .. ابحث عن التخصصات .. اسأل اصحاب التخصصات نفسها و حدد لك تخصص و خيارات بديله ممكن تقبل ابها و تواصل فيها عن اقتناع و بدون كلمة ياريت و حسافه و و .. و بخصوص المدرسة :) لا تفكرون إنها بتعطيكم كل شيء جاهر و بتشرح لكم عن التخصصات و غيره بوزوعون عليكم استمارة جامعة البحرين و يلا عاد ربتوا رغباتكم و يمكن يجيبون لكم مال كلية المعلمين و بوليتكنك و بيعطونكم نبذه عامه ما بيشرحون لكم كل تخصص و طبيعة الدراسة و الوظائف و غيره :) فتحركوا على نفسكم بنفسكم و ابحثوا عن التخصصات و اطلعوا على خطة البعثات إلى بليناها اللعام و شربنا العصير [ امزح  ] .. .. كنت طالبة علمي و كنت أرطن بالطب خصوصاً في ثاني ثنوي و متحمسه له الله يهديني لو يرجع بيّ الزمن ما سويت جدي بس غيرت رآي في توجيهي و مو معناته غن غيرت ميولي .. [ لحد يفهم غلط يعني و يصير التباس خلف الكواليس هه ] و الحمدلله اختيار رب العالمين لا اعتراض عليه :) الله يوفقكم شعب .. همتكم :) |
||
|
|
|
10-02-2013, 12:13 AM
|
رقم المشاركة : ( 9 ) | ||
|
طالب مشارك
|
اقتباس:
بس للفائدة، ترى طريق الطب طويل جدا جدا جدا و مو الكل يقدر يصير هذاك الطبيب ال"واو" الي الكل يلتم حوالينه. هو صح ان اللقب حليو و حركات و كشخة... بس هذا كله ظاهري لان الطبيب اختار التخصص على اساس انه ينشغل برعاية الناس و ما يملك من وقته الا البسيط. طريق الطب بإختصار يكون كالآتي: *معلومة: مافي شي اسمه طب عظام، طب اطفال، طب اورام.. هذه كلها تخصصات طبية و لا تدرس كبكلوريس* 6 سنين دراسة طب عام. سنة - سنتين امتياز 3-7 سنوات تخصص (يعتمد على التخصص، اذا كان كلش صعب و معقد يصير الوقت اطول) سنة-سنتين زمالة (تخصص اعمق في التخصص الطبي الي مختارتنه) هني بتصيرين استشارية، أي تقدرين تفتحين عيادة و مافي كولات و سهر في المستشفيات... طبعا العيادة بعد تعتمد يمكن تنجح و يمكن تفشل بناءا على الخطة التسويقية و المالية الي حاطينها و الخبرة و السمعة في المجال الطبي يعني ببساطة الطبيب يحتاج على الأقل 13-17 سنة عشان يثبت نفسه بمهارته و شهاداته عشان يثبت روحه في مجاله و الناس تثق فيه و تجي تتعالج عنده فالطريق طويل جدا و الي يروحه يتحلى بالصبر الخارق جدا و يتوقع يقرع في أي وقت 
|
||
|
|
|
10-02-2013, 07:12 AM
|
رقم المشاركة : ( 10 ) | ||
|
طالب مثالي
|
بالضبط !!
لحد يقيد نفسه بشيء معروف او مثلا انا علمي لازم اروح هندسة او طب !! تره كلش غلط غلط غلط !! اعرف ناس من دفعتي متفوقين وعلمي وشنو يدرسون يدرسون اعلام ومتفوقين في الجماعة واكا انا علمي ومعدلي الحمدلله كان وادرس بزنز وتفوق الحمدلله !! لذا شوفي شنو التخصصات الي تناسب مهاراتج وطموحاتج بالتوفيق 
|
||
|
|
|
| مواقع النشر (المفضلة) |
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
