التسجيل | التعليمـــات | التقويم | مشاركات اليوم | البحث |
22-05-2018, 11:25 AM | رقم المشاركة : ( 31 ) | ||
أمنيتي جنه
|
يمكن في أحد ما يدري جامعة البحرين يسوون مسابقة بمنساسبة شهر رمضان
المسابقة مفتوحة لجميع منتسبي جامعة البحرين من أكاديميين وإداريين وطلبة. ينشر السؤال اليومي على الصفحة الرمضانية المرتبطة بموقع جامعة البحرين من الساعة 9:00 ص وحتى الساعة 1:00كل يوم يحطون سؤال رابط المسابقة http://ramadan.uob.edu.bh/ في جامعة تسوي مسابقات غير جامعة البحرين !؟ |
||
07-06-2018, 05:42 AM | رقم المشاركة : ( 32 ) | ||
أمنيتي جنه
|
22 مارس 2018
نحتاج يفتحون لينا البيبان اللي في الممرات الضيقة في البزنس جان تخف شوي الزحمة داك اليوم الدكتورة تشرح وعقب قلبت وتقول لينا الجامعة المفروض تكون Flexible وتكون عندهم رؤية طويلة المدى لعقب 5 سنوات وعشر مو يسوون سكاشن قليلة وصغيرة واعتقد كانوا جايين مال التسجيل ما أدري من تقول قاعدين يحسبون فيكم أنتون الحين 70 الفصل الجاي بيخلونكم 100 ومضايقة عاد ضحكتنه ردة فعله وكلامه تقول أنتون تضحكون على ويش المفروض تصيحون ويجون أودام يتحلطمون على القوانين والأنذار والطرد يقبولون آلاف ويخرجون مئات أعداد محدودة نحن نختنق هم يشوفونها مشكلة بس الجامعة تشوفه حل واليوم الصبح أول شي قاله الدكتور أول ما دخل السكشن((ماشاء الله ماشاء الله )) ((االلهم صل على محمد وآل محمد)) لأنه عدنا كوز(امتحان قصير ) والكل تقريبا حاضر والسكشن متروس أو ممتلئ غير عن كل مره خصوصا بعد أنه المحاضرة الساعة 8 الصبح اللي يسحبون واللي يتأخرون واللي ما يقعدون ........الخ بس لأنه اليوم كان فيه كويز فالكل تقريبا حاضرين |
||
التعديل الأخير تم بواسطة ستايش ; 06-08-2018 الساعة 12:11 AM |
|||
15-07-2018, 05:08 AM | رقم المشاركة : ( 33 ) | ||
أمنيتي جنه
|
من كلام آحد الطلاب الجامعين
على ما يبدو أنه من الدفعات القديمة والحين متخرج يقول : و بعض الدكاتره كرهوني في بعض المواد صادق والله بس قاعده أحاول أحب المواد عشان أنجح والحين الدكتور الي اجوفه مو زين اروح لسنر ويا دكتور ثاني سويتها في بدايتي في الجامعة اعتقد كنت سنة أولى وثانية وكنت قدر الأمكان أمبي أنجح وأحصل درجات زينه وارفع المعدل علشان أحافظ على وجودي في الجامعة لحين التخرج بس كانت فيني ميزه زينه انه ساعات اقول لو اعيد الماده عشر مرات وقعد في الجامعه عشر سنين مابطلع منها الا بالشهاده . أعوذ بالله لا عاد أبدا ما ودي أسوي جدي 10 سنوات هذا يعني ما بتخرج إلا شايبه هو عدت مواد بهدف التحسين ورفع المعدل بس عاد مو 10 مرات اصلا ما اعتقد قوانين الجامعة تسمح والحين ولله الحمد احب الجامعه عدل ولدرجة اني اتمنى اني انام فيها هههههههه صدق ساعات يصير ودي أجرب سكن الطلاب وأنام هناك عشان ما احاتي الروحه والرجعة وحتى الحين ودي لو مسجله صيفي مشتاقين وصرت احب الدراسه ودرجاتي ارتفعت وصرت من افضل الطلاب . هو يمكن صرت أحب الدراسه بس الأمتحانات ما أحبها أكيد بحبها عجل ليش داخله الجامعة وليش لحد هاللحظه مستمره !! بس ما أقدر أقول عن روحي أفضل الطلاب |
||
التعديل الأخير تم بواسطة ستايش ; 15-07-2018 الساعة 05:32 AM |
|||
06-08-2018, 12:04 AM | رقم المشاركة : ( 34 ) | ||
أمنيتي جنه
|
جديد الشهادات المزورة
محامي دافع عن متهم بتزوير شهادته فاشتبهت به النيابة ! وتم استدعاؤه للتحقيق ليصبح المحامي والمواطن في قارب واحد في البحث عن عن محام جديد يدافع عنهما ! أيه الحمدالله على نعمة جامعة البحرين الحكومية العريقه والحمدالله حصلت معدل دخلني الجامعة والحمدالله قدرت أتجاوز الصعوبات والحمدالله للحين مواصله وما طلعت نفس غيري ما أقارن روحي بهم بس ......... وإن شاء الله بعد الله يقدرني وأتخرج بسلام صدق صدق يعني حتى لو نتخرج ونحصل أفادة التخرج ونصير عاطلين بعد نعتبر روحنا إنه سوينا إنجاز بالخصوص اللي ما اعتمدوا على الغش في كل مادة امتحانين ونهائي عادي يصير امتحانين في يوم وبروجكتات وكويزات واسايمنتات وبرزنتيشن وحظور وزحمة الباركات اللي كل سنة تزيد .........الخ من أشياء وغير هذا البعض يسجلون صيفي المستجدين ما عليكم ترى في أشياء ثانية حليوه بتكتشفونها لين دخلتون الجامعة بس يعني شوي أفضفض |
||
التعديل الأخير تم بواسطة ستايش ; 06-08-2018 الساعة 12:09 AM |
|||
11-10-2018, 07:37 PM | رقم المشاركة : ( 35 ) | ||
أمنيتي جنه
|
في شهر 11 سنة 2017 كان عدنا تست المفروض الساعه 5 المغرب رحنا المكان حسب ما حددوا لينا وطلع في ناس عدهم امتحان اكاونت في نفس المكان ونفس الوقت وبعدين ودونا سكشن تحت وطلع صغير ما يكفي ل عددنا الكبير وعقب خلونا نقعد في السكشن اللي صوبه #في_الذاكره #مواقف_لا_تنسى #قصة_قصيرة |
||
|
|||
28-10-2018, 07:51 PM | رقم المشاركة : ( 36 ) | ||
أمنيتي جنه
|
الصوره من 23-10-2018 ادعي ربي يكمل هالفصل على خير |
||
|
|||
30-10-2018, 07:22 PM | رقم المشاركة : ( 37 ) | ||
أمنيتي جنه
|
أني أروح الجامعة عشان أتعلم لو عشان أسجل الناس حظور!! هل يستوي الذين يحظرون والذين لا يحظرون ؟!! صرت أفكر لو أخلي اللي يبوني أسجلهم حظور يدفعون روبيتين (0.200 BD)جان أستفيد مشروع جيد في أحد يبيني أسجله حظور ؟ ويدفع لي ؟ تمشي السالفه وأربح لو ويش رايكم #أبحث_عن_مصدر_دخل #طالبة_بزنس الدرجات قاعده تطير العوض في الحنة يا ربي وفقني ونجحني مو علشاني يمكن أني ما أستاهل بس عشان ثنين ربوني يارب إنجاز واحد في حياتي قبل لا أموت (أتخرج من جامعة البحرين) #لتبقى_لي_ذكرى #أهدر_ويا_روحي #الشعب_أختفى |
||
التعديل الأخير تم بواسطة ستايش ; 30-10-2018 الساعة 07:28 PM |
|||
25-02-2019, 10:26 PM | رقم المشاركة : ( 38 ) | ||
أمنيتي جنه
|
وحده من فوئد استخدام باص الجامعه
أمس التقيت بآحدى الزميلات اللي كانت وياي في المرحله الإبتدائيه احنا ساكنين نفس المنطقه بس صار لينا سنوات ما شفنا بعض من الإبتدائيه انقطعت اخبارنا عن بعض نزلت المحطه العصر وهي نزلت نفس المحطه ولكن من باص ثانيسلمنا على بعض و خبرتني انها تدرس تمريض |
||
21-04-2019, 03:08 PM | رقم المشاركة : ( 39 ) | ||
أمنيتي جنه
|
المفروض أيام اللي عدنا تستات يكنسلون المحاضرات والبرزنتيشنات والاسايمنتات
ما نقدر نركز في اكثر من شي نتعب يا رب صبرني على هالجامعه |
||
07-05-2019, 12:39 AM | رقم المشاركة : ( 40 ) | ||
أمنيتي جنه
|
اللي يشوف مصايب غيره تهون عليه مصيبته يا رب تصبرنا على هالمر صبرا جميل والله المستعان |
||
|
|||
02-09-2019, 09:53 AM | رقم المشاركة : ( 41 ) | ||
أمنيتي جنه
|
خلاص له خلوني أمبي أتخرج رضينا بالهم بس الهم ما رضى فينا قعدت صليت ورديت نمت قعدت مره ثانيه أوه :RpS_blink: نسيتين اليوم التسجيل ولأنه ساعة الحائط متوقفه عن العمل جيكت التلفون الساعه كانت 9:07 تأخرت هو كانت الخطه أنه أظل قاعده بس اختربت الخطه ونمت ومباشره على الموقع والحين وش بسوي في روحي ؟! في مجال اختار ماده ثانيه (بس ويش ) ا؟؟؟!!! |
||
|
|||
30-10-2019, 05:06 PM | رقم المشاركة : ( 42 ) | ||
أمنيتي جنه
|
نذهب إلى الجامعه عند شروق الشمس
نعود من الجامعه عند غروب الشمس هل نحن طلاب أمّ تيلتابيز؟ قدمت امتحان الصبح وفي انتظار الثاني احس الوقت طويييييل |
||
30-10-2019, 05:55 PM | رقم المشاركة : ( 43 ) | |||
FFF
|
اقتباس:
جاينكم اسبوع اجازة |
|||
16-11-2019, 10:02 PM | رقم المشاركة : ( 44 ) | ||
أمنيتي جنه
|
مو شرط نشتغل في المجال اللي درسنا وتخرجنا منه
صدقوا أو لا تصدقو روان أتكينسون مخترع شخصية (مستر بن) هو مهندس كهرباء |
||
|
|||
26-12-2019, 04:44 PM | رقم المشاركة : ( 45 ) | ||
أمنيتي جنه
|
تعبت
هالتقرير كل ما كتبت مو راضي يكمل خلاص كملت أفكاري ومعلوماتي حتى قوقل ما قاعده أحصل منه شي مفيد أو مرتبط بالموضوع أحس أحتاج مساعده المفروض نسوي 5 صفحات كملت 3 وبعد باقي صفحتين واليوم آخر شي ل التسليم المشكله بعد الدكتور محدد كم يبي حجم الخط جان كبرته وفكيت روحي حتى الأوادم والقروب ما قاعدين يتساعدون نسأل ومحد يرد |
||
مواقع النشر (المفضلة) |
|
|