Eng219> مو عارف ويش تدرس بالضبط للمنتصف؟ تفضّل، شرح مبسّط ووافي لمراجعة ال"POETRY"

[ستراوية ثورية]

.
.
بسم الله الرحمن الرحيم
اللهم صل على محمد وآل محمد ،

شخباركم؟
:تحس هالمقرر مهضوم ومظلوم ومحد عاطنّه وجه مسكين:
لا تخافون، المقرر جدًا سهل ..
وكتبت شرح للPOETRY اللي يبي يدرس منه حيّاه ..

طبعًا في الامتحان بيجيبون ليك قصائد وعليهم أسئلة ..

. . .

انت لما درست الPOETRY
درست أول شيء ال Theme و ال Supjects ..

شنو يعني Theme
يعني : المغزى/ What you understand between and behind the lines ؟

وشنو يعني Subject
يعني : الفكرة العامة / What you see ؟

تقريبًا صيغ السؤال تجي جدي : What is the theme of the poem ؟
أو : What is the subject matter ؟

. . .

ودرست بعد شي ثاني،
ال Rhymes ..
شنو يعني Rhymes بعد
يعني: القوافي ..

وينقسم إلى قسمين :
1. Scheme
ترتّب أسطر القصيدة على النحو التالي على حسب القافية:
a
b
c
d

^ أكيد دارسينهم كلكم في الصف وما يحتاج أشرح هالنقطة بالتفصيل ..

2. Words
تطلّع الكلمات اللي نفس اللفظ
مثل : Night - light - sight - kite ..

ويمكن يسألونك شنو تضيف ال Rhymes للشعر ؟! "effects"
تقول مثلًا : Its add music in the poem .

. . .

ويمكن تجيك كلمة مكرّرة .. مثلًا Cry
ويسألونك : Why does the poet repeat the line ?
ليش في تكرار ؟
يا إنك تقول :
1. To be more affective > "لتصبح مؤثرة أكثر" ..
أو
2. To amphasize\ assure\ remforce >لتأكيد" ..

. . .

لو جاك سؤال :
What is the main emotion expressed in the poem ?
ما العاطفة المسيطرة في القصيدة ؟

عاطفة: Emotion
ويمكن ما تجي Emotion /
يصير يكتبون ليك Tone /mood /atmosphere ..
شنو المشاعر أو المزاج أو الجو الطاغي على القصيدة ..
كلها تقريبًا نفس الشي
مثلًا Sad\ horror\ happy\ gloomy ..

. . .

ويمكن يجيك سؤال: What the lesson u learn ?
تكتب الدرس المستفاد من الPoem ..

. . .

نجي إلى : Imagery and the sences
هذلين :
1. Sight حاسة النظر
2. Touch حاسة اللمس
3. Smell حاسة الشم
4. Sound حاسة السمع
5. Taste حاسة التذوق
الحواس الخمس يعني ..

لو قالوا ليك: From the poem, give examples of the following: SMELL- SOUND AND SIGHT ..

بتجيب ليهم مثال من القصيدة نفسها
"Evidence" شاهد قولي.. يعني تقتبس من القصيدة شي .. مو تألف من جيسك
فتطلع ليهم دليل على صوت أو رائحة أو شيء مرئي أو قاعد هو يجوفه بعيونه ..

. . .

آخر شيء ال FIGURES OF SPEECH ..
^
^
يعني ويش
يعني : الصور الجمالية ..
وينقسمون إلى ثلاثة أقسام ..

1. Personification
"تشخيص - يعني تشبه شيء بإنسان" ..
مثال :
* The rain kissed my cheeks as it fell .
المطر قبّل خدّاي عندما تساقط ..

شبّه ويش بالإنسان ؟
شبه المطر بالإنسان الذي يقبّل ..
تكتبها هيك : The rain is personified like a person who kissing ..


2. Simile
"عبارة عن تشبيه ووياه أداة مثل: الحياة كالمدرسة \
الأداة في الجملة هي الكاف لة ؟
في الإنج "like - as"
يعني من تشوف واحد من هالاثنين سيدة حط Simile ..
بس حاسب إن ال as مايكون معناها "لمّا" -

مثال:
I feel like a limp dishrag
My love is like a red rose
I ran as fast as the wind


3. Metaphor
" تشبيه بليغ/ مثل الحياة مدرسة
هني مافي أداة،
الإنج بعد لما تشوف جملة مافيها أدوات تشبيه "like - as"
يعني Metaphor .

مثال:
.Treetalk and the windsong, are the language of my mother
The sea is a hungry dog, giant and grey .

. . .

وبعد شيء أخير > صدق آخر شيء

لو جاك سؤال : What type of poem ؟ "شنو نوع الشعر"

في أربعة أنواع للشعر، اختار الأنسب للقصيدة المحطوطة ليك ..
1. Narrative "القصيدة عبارة عن قصة/Story"
2. Descriptive "القصيدة عبارة عن وصف شيء ما/Describe some thing"
4. Reflective "القصيدة عبارة عن تجربة شخص قاعد يتكلم عنها أو يتأمل فيها"
5. Didactic "قصيدة تعلمك دروس وتستفيد منها/Teach a lesson" .


أتمنّى المعلومات وصلت بسهولة ..
.
.
GOOD LUCK


ستراوية ثورية ،
تسألكم الدّعاء

[راسي عفسه]

مشكوره خيو
فيدينا اكثر محتاجين معلوماتج
فديتج والله

[راسي عفسه]

ثبتو الموضوع المنتدي فقير عن مواضيع ه الكتاب

[دفتر علوم]

نبي بعد عن story and drama

[Miss Maraym]

خوش مقرر بس يبي ليه تركيز
شكرا

[sadqo0o]

مشكوره اختي يعطي العافيه

[دعدش]

نبي جان عندكم عن (opinion essay)+(prosess essy) بلييييييييييز