شنو أختار؟

[Pure Bored]

سلام عليكم
عقب ماسويت خيرة.. اخذ ليي لابتوب او لاء.. وطلع ليي اعمل بها
قلت باخذ ليي واحد ،، بس محتارة شنو اخذ !
طبعاً رسيت على سوني فايو الملوّنين ... بشكل 90 %
بس ماعرف من وين اخذ،، وين احسن واضمن
قلت بروح سيتي سنتر
هل اخذ من محلات سوني أشرف افضل بما انهم صاحبين الشي
او من كارفور او من شرف دي جي ؟؟

[المقهور]

اهلاً

ماقلتين اي نوع .. ترى كل لاب توبات فايو ملونين

هممم .. بالنسبة للمحل انا ما أيد ان تاخذونه من محل نفس جيان و كارفور و سيتي سنتر .. لان هالمحلات مو متخصصين في هالسوالف ..

انا بالنسبة لي افضل اخذه من محل متخصص في الكمبيوترات .. يطلع السعر ارخص عادة + الصيانة عندهم خصوصاً لو المشكلة في السوفتوير يصلحونها في نفس اليوم .. بينما لو في جيان فانهم راح يحارسون التكنشن لين مايجي و يصلحها و شوفي متى يداوم و متى يسويه

انا بالنسبة لي اتعامل ويا محل في مدينة حمد ( سوق واقف ) اسعاره ارخص من جيان .. و بالنسبة للصيانة مادري لان ماصادتني مشاكل حتى الان .. بس هم عندهم في المحل نفسه تكنشن يشتغلون طول اليوم تودين ليهم اللاب توب و يسوونه في نفس الوقت .. و طبعاً عندهم ضمان على الجهاز لو اختربت قطعة فيه يصلحونه الوكالة ..

فرق السعر بين الاب توب في الوكالة و المحل الي شريته منه كان 75 دينار تقريباً

[Pure Bored]

sony vaio cs - sr - cr - fw - z series
بس اتوقع z صغار ومال بزنس صح؟

انزين ماقلت لي عن شرف دي جي,, اني واجد احب اخذ من هالمحل واوثق فيه
هل بحصل ضمان اذا خذبت من هالمحل ؟

[المقهور]

الظاهر انش للحين ماخترتين الاب توب الي تبينه ..

اول شيء لازم تحطين في بالش ان الاب توب لازم تاخذينه حسب المواصفات الي تبينها .. مو لانه كيوت و لونه حليو

في انواع واجد للاب توبات .. منها النت بوك و السب نوت بوك و النوت بوك .. الخ

النت بوك زين حق الاستخدام الخفيف .. و تصفح الانترنت بالاخص .. يعني مو مال شغل ثقيل .. و يجون على احجام 8 انش و 10 ..

بس انا ما انصح بالنت بوك لين بيكون استخدامه للجامعة او الشغل لانه مواصفاته ماتناسب

بالنسبة لي استخدم نوت بوك 14 انش .. حجمه متوسط و وزنه خفيف و كل يوم احمله وياي الجامعة و لا احس فيه

بالنسبة لباقي المواصفات .. البروسيسور الحين اقل شيء تاخذين 2.26 .. اقل من جذي لا تاخذين .. و انتبهي لان في بروسيسورات انتل و بروسيسورات AMD يمكن فرق السعر بينهم يوصل 50 دينار او اكثر .. يعني عادي تشوفين لاب توبين بنفس المواصفات بس واحد ارخصه لانه AMD .. الاغلبية يفضلون انتل

الرامات يعتمد على الاستخدام بعد .. يعني مثلاً الي يشتغلون على برامج الهندسة و غيرها يحتاجون رامات من 3 جيجا و رايح .. و طبعاً مافي مشكلة لو الرامات 1 جيجا لان في القيستا تقدرين تسوين boost up للسيستم بالفلاش ميموري و تخلينه يشتغل كرام

الهارديسك يعتمد على اي قد تبين .. 320 او 250 جيجا زينين .. خصوصاً لين تبين تحفظين اشياء واجد فيه .. انا بالنسبة لي استخدم هارديسك 320 و هارديسك خارجي 250

في بعض الموديلات تقدرين تسوين Upgrade لويندوز 7 مجاناً .. تأكدي من هالميزة قبل لا تاخذين الاب توب .. لو تبين الوندوز الجديد

بالنسبة لشرف دي جي .. محل الالكترونيات المفضل عندي يمكن اروحه في الشهر مرة بس بالنسبة لي مثل ماقلت تاخذينه من محل يكون احسن ..
الي لاحظته ان كل المحلات الي نفس جيان و شرف دي جي و كارفور .. اسعارهم اعلى من البقية في سوالف الاب توبات ..

و الضمان اكيد يجي عليه .. و تأكدي منهم قبل لا تاخدين

[Pure Bored]

اليوم رحت خذيت فرّة على اللابتوبات
رحت شرف دي جي حصلت لابتوب سوني فايو cs واحد ب429
والثاني ب379 والاسود عليه عرض ب359 بس اني مامبي اسود
الاولي مواصفاته 350 رام
2.26 بروسسر
انتل سنترينيو 2
4 gb مادري مموري مادري شنو
ماعرف لهسوالف

والثاني 2.25 بروسسر
ونفسه انتل سنترينيو 2
و3 جي بي رام
و160 هارد دسك
بعدين رحت كارفور جفت لابتوبات Ns جدد هم وندوز فستا بس في منهم امكانية الابجريد لوندوز 7
واحد ب299 والثاني 355 بس العيب مافيهم بلوتوث ومميزاتهم رووعة

[المقهور]

للحين موديل الاب توب مو واضح

السوني لاب توبات في الزاوية اليمين تحت الشاشة يكتبون الموديل VGN-CS2131 >> مثلاً

اهم شي الحرفين و الارقام الي صوبه .. الي هم الموديل

بالنسبة للالوان هم عادة يعرضون واحد .. بس لين تطلبين منهم لون ثاني يجيبونه ( طبعاً يعتمد اذا كان اللون موجود و لا لا .. تقدرين تشوفين الالوان المتوفرة في موقع سوني ) و نصيحة لا تاخذين الي يجون بالوان .. لان غالبيتهم يبين عليهم البصمات و الغبار .. الاسود يبين عليه بعد بس اشوا من غيره ..

350 رام مافي .. يمكن تقصدين هارد ديسك .. الرام حده 16 جيجا ( و هذا كبير واجد بالنسبة لاستخدام شخصي ) .. اذا تقصدين هارد ديسك .. فاوكي سعة تخزين كبيرة و انسي شي اسمه delete

4 جيجا الميموري هدي هي الرام ..

البروسيسور اوكي ..

انتل سنتيرو بعد في انواع

كور ديو .. كور تو دو .. كواد

الاغلب ياخذون بروسيسورين ( كور تو ديو ) .. لانه اطور من كور ديو ..

بالنسبة لقطعة البلوتوث تقدرين تركبين واحدة خارجية سعرها دينارين يمكن

الحين مواصفات الاب توبين تقريباً نفس بعض بس الفريق في الرامات ( 3 جيجا زين مو لازم 4 ) و الهارد ديسك ( 160 و 350 جيجا ) .. طبعاً لو كنتين من محبين تنزيل الافلام و ماتبين تمسحينهم اكيد بتاخذين الهارد ديسك الاكبر .. اما اذا ماكنتين تحتفظين بكل شيء على الكمبيوتر تقدرين تاخذين الثاني

او تقدرين تاخذين الثاني و وياه اكسترينال هارد ديسك ( قبل يومين رايح شرف دي جي و كان سعر 500 جيجا بـ 40 دينار )

[Pure Bored]

المشكلة اني ماسجلت اسماء اللابتوبات
لان مابهروني فماكنت مهتمة
اني اللي عندي في البيت vgn-cs118E
اني مافهم لمصطلحات الكمبيوترات
شكرا اخوي تعبناك ويانا
واليوم او باجر يمكن اروح محل اسمه pure phone بنجوف بعد اللابتوبات اللي عندهم

[Pure Bored]

http://www.sony-asia.com/product/vpc...pccw16fa_l+uae
حصلت هذا اللابتوب
ب429 دينار
مواصفاته حليوة
جفته اليوم في اشرف توه نازل قبل ساعة كان
فضيع بهرني البنفسجي

[المقهور]

مواصفاته عجيبة ..

بس الوندوز لو يكون 32bit احسن من 64 لان في بعض البرامج تتطلب 32 بت و هو الاكثر استخداماً

و الـ 64 يستنخدم الرامات اكثر ..

فيه 3 مداخل للـ USB و تقدرين تزيدينهم ..

[Pure Bored]

ويش يعني نتوكل على الله وناخذه؟
انزين يعني بتغربل لو كان 64
انزين هذا مال ويش بالضبط ؟؟ مو فاهمة

[المقهور]

32 بت و 64 بت .. هذي انواع البروسيسورات في الاب توب او الكمبيوتر

bit اختصار لـ Binary digit

حالياً نقدر نقول ان في المستقبل الكل بيتحول من 32 بت الى 64 .. لكن يبي ليها وقت ممكن 4 او 5 سنوات عشان الناس تتحول

اغلب الي يستخدمون 64 هم الشركات و المؤسسات .. مايمنع ان الافراد يستخدمونه بعد .. لكن مايستفيدون منه مثل الشركات ..

في بداية استخدام الـ 64 ماكان الكل يقدرون يستفيدون منه .. لان في برامج واجد تشتغل على 32 بت .. منها برنامج البت ديفيندر مثلاً .. مايركب على الـ 64 بت

شركة AMD صممت بروسيسورات تقدر تشغل الاثنين .. لكن صاحب الجهاز مابيقدر يستفيد من مميزات الـ 64 بت و سرعته ..

حتى في برامج من مايكروسوفت نفس الويندوز ميديا بلاير .. او برنامج الاكروبات ريدر مايشتغلون على الـ 64 .. لان النظام جديد و يوم ينزل على اكس بي كان تجريبي ..

و الـ 64 بت حق افضل شغل يحتاج 4 جيجا رام ..

عشان نخصر الكلام الي فوق كله

السلبيات :

* مو كل البرامج تشتغل على الـ 64 بت

* البروسيسورات الي تشغل النظامين سعرها غالي

الايجابيات :

* اداء افضل و اسرع و اقوى من الـ 32 بت

* العالم قاعدين يتحولون ليه

[الفارس]

سوني تمام بس أسمع عنه مشاكل في الحرارة

[المقهور]

عادي انا اخليه يشتغل 8 ساعات او اكثر في اليوم و لا يحتر

[الفارس]

عادي انا اخليه يشتغل 8 ساعات او اكثر في اليوم و لا يحتر

تخليه على طاولة؟

[المقهور]

استخدم الاب توب على السرير