التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
17-01-2011, 01:38 PM | رقم المشاركة : ( 31 ) | |
طالب مجتهد
|
د. عبد العزيز لحجي
calculas 1 مميزاته // خووش دكتور ، لطيف وحبوب وشرحه مرتب وشامل ، يعطي تمارين واجد و يعطي مراجعه والاسئلة الا يعطينا اياها في المراجعه كلش مهمة . سلبياته // ما شفت عليه شي صراحة نصيحة // اخذوو عنده وبقووووة . د. كولن كيفيل engl 101 مميزاته // احسه ما ينسى وجه الطالب الا يدرسه يعني من يشوفني يسلم علي ، في الامتحان اذا تسألينه يجاوب بوضوح ويشرح السؤال بالظبط ، يعطي الاجابة نوعاً ما بشكل طاير سلبياته // يملل واجد تحسونه فضولي وفيه جانب قذر نوعاً ما ، واحسه من جى محرم كله يتلعين كله يقعد يغني لينا في السكشن يعور راسنا ، وفي التصحيح شديد ولا يساعد ابداً نصيحة // اذا تورطتون كلش اخذوا عنه د. عبدالقادر المرزوقي عرب 101 مميزاته // مافي ولا ميزة ابدا ابدا ولو ادور من اليوم لباجر ما احصّل سلبياته // كله سلبيات الله ياخذه ما يحضر كللش ، ولا يشرح وحتى ندخل التست ما ندري وش داخل ويانه ، واصلا مفهي ورايحه عليه ، و تقصّينا عنه طلع اصلا دكتور مقاعدينه الجامعه بس جاي يدرس بالتطّوع نصيحة // لا حد يفكر ولا مجرد تفكير ان ياخذ عنده .. مصييبة البروفسورة إيشهار بيركوز INTD110 مميزاته // لطيفة وحبابة ، احسن وحدة حق هالمقرر ، تعطي اساس قوي ، وتدريسها مو أي كلام ، عانينا في البداية على ما تعودنا وتعدوت علينا بس بعدين اوكي ، سلبياتها // تحسونها أحياناً ما تنصفنا في الدرجات ، يعني على الا تحبها ، ومزاجييية واجد ، اذا تبون تكلمونها في شي وتخاف تعصب حارسوها اول تشرب جقارة بعدين كلموها ، لان اذا تجقّر يصير مزاجها عال العال نصيحة // اخذووو عندها وبقوة واذا ما صرتون عندها غيرو السكشن لان مافي عليها حق هالمقرر بالذات د. اناميكا INTD111 مميزاتها // احلى دكتورة درستني هالفصل ، خلوقة وحبوبة وطيبة ومتفهمة ، وشرحها ما فيه عليه ، لما تتكلم وتشرح تحسون ان فعلاً عندها خبرة قوية ، وتعطينا تفاصيل كل شي ، وتسولف بعد . سلبياتها // مافي . نصيحة // اخذوووو عندها ،، احنا ذابحين روحنا عليها حق الكورس الجاي . |
|
17-01-2011, 11:04 PM | رقم المشاركة : ( 32 ) | |
طالب مبتدئ
|
الدكتور : عبد الرحمن الحامد
المقررات التي يدرسها : islam101 إيجابياته : الدكتور ما في مثله ، متدين وخلوق وطيب وإختباراته سهلة وواجد يراعي الطلاب وحالاتهم .. وغير هذا محاضرته مرحة ما ينوم و10/10 سلبياته : ما فيه سلبيات نصيحة شخصية : المحظوظ اللي يحصل عنده :) بالضبط نفس اللي في بالي الله يحفظه |
|
20-01-2011, 11:36 PM | رقم المشاركة : ( 33 ) | |
طالب نشيط
|
الدكتورة العزيزة
لندا بلتون ENGL 154 السلبيات : اممم انسانة مادري وش تبي في الحياة .. متفاعلة ايا روحها لآخر درجة عن يازعم تتخيفف ... ماتدري وش صاير في السكشن مع انها شديدة يعني الا ورا ماجنهم في السكشن سوالف ومسخرة والصبيان مسخرة فانية .. تسجل الحظور والغياب كل يوم نستهلك ربع ساعة على الاسامي نتسلى ولين دخلو ناس عقب ترد تعيد وتحط بالها على الكتاب لين نسيتونه تسويكمم بيزة ماتسوون ... وفوق هذا عطتنا جبتر زيادة لتست ون ماتدري وش المطلوب ودرجاتها مو لهناك بعد ولاتحب احد يناقشها فيها الأيجابيات : تسوي ليكم جو ممتع وانتون بعد تسوون لروحكم .... تحل الأسئلة الا في الكتاب زين يعني امم المادة اصلا مي صعبة تمشوون فيها نصيحة : اخذوها مسكينة تنرحم |
|
التعديل الأخير تم بواسطة سهلة يجرحوني ; 20-01-2011 الساعة 11:50 PM |
||
20-01-2011, 11:49 PM | رقم المشاركة : ( 34 ) | |
طالب نشيط
|
الدكتور العزيز
عبد السلام المناعي MATH 101 الإيجابيات : دكتور نكتة يقط قطات تخلينا ننسني من الضحك ممتع شوية بس مو واجد ... شرحه زين وحليو تفهمون له ونوتاته زينة واجد ويعطينا على الدرس الواحد ألف مثال ماتتفاجئين في التست يعني بشيء غريب ولين مافهمتون عادي عنده تجون المكتب ويعيد ليكم برحابة صدر حتى في السكشن لين مافهمتون يعيد ... واهم حاجة انه في كل سكشن يدعي ليكم بالهداية "سكتو الله هداكم " "شفيج الله هداج " ببساطة دكتور زين خوش رجال السلبيات : يفشل واجد واجد واجد "صادتني مناعة منه" ... مايحب احد يشارك اياه او يقاطع الشرح عشان يقول جواب " مرة عقب ماخلص شرح طريقة في درس الاشتقاق عاد اني قلت طريقة ثانية المهم عقب ماخلصت حجي الا هو يطالعني بهذيك النظرة ويقول لي مشكووووورة بما معناه اني ضيعت الوقت على حجي فاضي " .. يبى السكشن صم بكم مايخليكم تفوشرون بالأشياء الا تعرفونها نصيحة : اخذوه وبقوة |
|
21-01-2011, 12:07 AM | رقم المشاركة : ( 35 ) | |
طالب نشيط
|
اخونا في الله
حجي اورلاندو بن كترينا ITIS101 الإيجابيات : امم دكتور زين يشرح زين "المادة اساسا حفظ" .. واجد يشحط لبعيد ويسولف لينا عن يازعم امثلة على الدرس وهو يوصلنا لبيتهم الا في الفلبين ...امم واجد مهتم ببالوقت والمواعيد "غرنش ياخذون التوقيت من عنده ".يعني تحسون بالالتزام اياه مافي لعبة ... في الاب بعد زين يشرح لينا عدل ... كوزاته زوينة من المحتوى .. ساعات ينكت السلبيات : واجد معتد بنفسه ومسوي روحه فن على ماميش .. واجد يخرط في الحجي ويقول اشياء المفروض مايقولها مثلا انه قال لينا انه في الفلبين طول الليل ايا ربعه في البار و يشربون "على اساس انه يبى يقول كان مستمتع بالحياة وكان في نفس الوقت مايلعب بالدراسة وناجح في حياته ".. غير انه في الدرجات يلعب واجد يسوي كيرف داون على كيفه في كل تست بعد .. وينوم بعد ويا شرحه من الداتا شو واليتات مبندين ... ويعطيكم درازن اسيمناتات وهي ماعليها درجات غربلنا ...و ساعات يقهر على بدش تعطينه كف نصيحة : اخذوه لانه احسن واحد يدرس هالمقرر وملاحظة : تراه يفهم عربي وما اكتشفت الا على نهاية الكورس يوم ماظل تحلطم الا تحلطمت عليه ... يعني لين بتسبونه سبوه من وراه |
|
21-01-2011, 12:47 PM | رقم المشاركة : ( 36 ) | |||
طالب نشيط
|
اقتباس:
بيركوز ما ترضى احد يقول اسمها إيشهار .. اسمها إشهر بيركوز عموماً .. اهي الافضل بلا منازع حق البيسكز .. لأنها درست أجيال وأجيال وانتو آخر جيل بس حبيت اضيف انها بتتليعن الكورس الجاي .. لأنه الي تحبهم بتوديهم فوق .. والي ما تطيقهم يحلمون بالدرجات الزينة وبتمون عليكم الكورس الجاي اما اناميكا .. ما انكر انها انسانة لطيفة .. وحدها فلّة بس عيبها انها حدهااااااا جرافيكس يعني انها تدرس ديزاين او مواد ثانية .. معناته نروح وطي ما عندها اسلوب الاجابة السريعة للطالب .. الدكاترة عموماً لمن تطرحين عليهم فكرة .. يجيبون لش كل عيوبها ع الطاير .. وبسرعة يفهمونش اشيااا ما كنتي حاطتها في بالش بس اهي .. ما احس عندها هالقدرة في انها توصل لنا هالاشيااا من خلال الجوري استشفيت هالشي انها ابداً ما تنفع لغير الجرافيكس .. وعليكم بالعافية عليها في الجرافيكس \\ |
|||
23-01-2011, 04:04 PM | رقم المشاركة : ( 37 ) | ||
طالب متألق
|
الدكتور : عايشة بن دينه
المقررات التي يدرسها : csc103 إيجابياته : تراعي الدرجات في الكوزات وتعطي واحد او 2 تعويضي .. اذا كنت طيب وياها وتبتسم وتشارك تحبك سلبياته : شرحها مو مفهوم .. طريقة كتابتها مو مرتبة .. عصبية شوي .. نصيحة شخصية : لا تاخذون عندها \\ الدكتور : فيصل الشويخ المقررات التي يدرسها :maths101 إيجابياته : شرحه مفهوم وتمام .. طيب ويحب الطلبة سلبياته : مايعطي مسائل فيها افكار وايد .. نصيحة شخصية : خوش دكتور اخذوا عنده \\ الدكتور : مارتن باركر المقررات التي يدرسها: engl101 إيجابياته : مافي سلبياته : مايشرح شي .. حضرنا عنده بس لي قبل تست 2 يعني تقريبا شهر وشوي بس حضرنا عنده وكل حصصه سوالف وضحك ومحد منتبه ومايقول شي مفيد نصيحة شخصية : لا تاخذون عنده الدكتور : عبدالله المطاوعة المقررات التي يدرسها : chemy101 إيجابياته : دكتوووووووووور عجيييب مافي مثله بصراحة طيب وخلوق وتدرس من نوتاته كفاية .. ويعطينا مسائل خارجية وايد نفسها اللي تجي في التستات .. ويعطينا حصه اضافيه كل اسبوع يحل لنا فيها مسائل سلبياته : مافي نصيحة شخصية : اخذوا عنده \\ الدكتور : رضا بنائي المقررات التي يدرسها : physc101 إيجابياته : ينكت شوي في الحصة يعطي امثلة شوي واضحة وشرحه مفهوم بس لو كنت تكتب وياه النوتات بصير اوكي .. ويعطي اسئلة امتحانات سابقة ويحل ويانا وايد سلبياته : يدش السكشن يرسم رسمات ويحط تحتها القوانين .. شنو هالقوانين .. من وين جت .. شنو معناتها الله واعلم ويشرح وانت تطالعه بس ماتكتب شي .. ونهاية الحصة يقول لك صور السبورة .. وبس نصيحة شخصية : لا تخلونه اختياركم الاول ابداً |
||
23-01-2011, 10:38 PM | رقم المشاركة : ( 38 ) | |
طالب مبتدئ
|
عبدالرحمن الحامد
ISLM101 إيجابياته : طيب ومتعاون ويه الطلبه لأبعد درجه .. عادي تقوله مابحضر المحاضره لاتحط لي غياب .. ويساعد في الدرجات واااايد وأهممم شي محاضرته كلش كلش ماتملل سلبياته : كللللللش مافيه نصيحتي : حظه زيييييين اللي يحصل مقعد عنده مهديه شرف ARAB110 إيجابياتها : الصراحه ماجوف فيها شي سلبياتها : واايد تغيب وماتسمع الطلبه ولا احنا نسمعها وعصبيه شوي نصيحتي : اذا حصلتوا عندها عادي تره احسن من غيرها |
|
23-01-2011, 11:48 PM | رقم المشاركة : ( 39 ) | |
طالب نشيط
|
ISLM101
د.عبدالستار الهيتي بالنسبة ليي دكتور ممتاز أحب كلامه يحب ياخذ راينا يعطينا حقنا في الدرجات ما يفرق بين أحد Hist121 د.طاهر العميد طول المحاضرة باقي شوي ويغمى عليه يحسب ذاكرتنا من حديد اختباراته دوائر يعني الاختبار كامل دوائر لكن إلي ما يقدم الاختبار ويجي مرة ثانية يبي يقدمه يعطيه مقالي ينشف الريق هو يقول انه يحاسب في المقالي واجد من نقول كلمة سألنا عن أصلها وفصلها ناس وااجد ذمووه واني طول الكورس اذمه يعني اذا تبون الـA تكونون منتبهين له طول المحاضرة وطبعاً ما عنده شرح يقعد يهر لينا لكن الحمدلله حط ليي زين |
|
24-01-2011, 01:14 AM | رقم المشاركة : ( 40 ) | |
طالب مثالي
|
د. عبدالسميع أبو صفية درسني maths121 ايجابياته : في حاله ، ما عنده تفرقة بين شباب و بنات ! يشرح أمثلة و تمارين واجد ، ما يسجل حضور .. متزم في الوقت يجي على الوقت و يطلع على الوقت سلبياته : ساعات يستن في الشرح .. ساعات فكرته ما يقدر يوضحها .. بعض محاضراته مملة .. ساعات في الاخير يقلب المحاضرة اسلاميك !! اممم ! أني مشيت ويااه يمكن لان معضم المادة ماخذينها في الثانوي ! نصيحة شخصية : اذا كنت تمشي في الرياضيات و ما حصلته الا هو خذ عنده .. ، د. مريم البنعلي درستني arab110 ايجابياتها : شرحها تمااام و خصوصا في القواعد النحوية .. وااجد تسولف مع الطلبة .. يعني قريت عنها كلام قبل ما تدرسني و كلش غيير .. + في الدرجات تعطي الواحد على قد جهده .. سلبياتها : ساعات تنقلب المحاضرة سوالف ، تفضل الصبيان في أكثر الاحيان نصيحة شخصية : بالنسبة لي لو يردون يخلوني عندها عاادي عندي و يمكن أستانس بعد ، د. فاطمة الأحمد درستني engl125 ايجابياتها : ما فييييه .. بس عن العين و النفس المحاضرة بس ربع ساعة سلبياتها : هو فيها شي فيها عدل ؟!! قصفت معدلي قصااف .. امتحاناتها بالنسبة لشرحها !! مأسااااة .. لغتها مو كلش .. ندمت اني ما حذفت المادة .. نصيحة شخصية : ابتعدوا عنها قد ما تقدرون ، د. خالد السعد
درسني islm101 ايجابياته : يشرح زيين و أكثر من المطلووب سلبياته : ساعات يشرح المحذووف .. بعض الاحيان محاضراته مملة و تنوم امم .. حقيقةً توقعت يحط لي أكثر ! نصيحة شخصية : عادي اخذوا عنده |
|
24-01-2011, 10:02 AM | رقم المشاركة : ( 41 ) | |
طالب نشيط
|
الدكتور : فتحي نصيف المقررات التي يدرسها : eng إيجابياته : تدريسه اوكي سلبياته : بس ما يعطيكم كل شئ ..لان لاحظت واجد دكاتره يعطون الطلاب اشياء وااجد ..و واجد شديد في الدرجات نصيحة شخصية : لا تاخدون عنده يطح ليكم المعدل من كثر شدته تقييمي : 2.5 من 5 ----------------------- الدكتور : هاجر المحفوظ المقررات التي يدرسها : eng إيجابياته : طيبه وحبوبه سلبياته : تدريسها كلش مو اوكي ..واكثر الوقت كله تطلع تتكلم في الموبايل وشرحها تخليكم بس تقرئون بروحكم نصيحة شخصية : يعني لا تاخدون عندها تقييمي :1.5 من 5 0000000000000000000 الدكتور : عفيفه المقررات التي يدرسها : ماث إيجابياته : شرحها وااجد عجييب تعطيكم مثال مثال وتمرين تمرين واي شئ ما فهمتونه تعيده ...حتى ادا تبون تروحون ليها الحجره تشرخ ليكم عادي سلبياته : وااااجد سريعه نصيحة شخصية : اخدوا عندها تقييمي :4.5 من 5 000000000000000000000 الدكتور : وداد الجودر المقررات التي يدرسها : gs ومدري شنو بس كله مال علوم إيجابياته : ولا شئ سلبياته : هو شنو ما فيها من سلبيات اصلا..تشرح ليكم عشر دقايق وتطلع اكثر المحاضرات ما اجي او اجي ليكم عقب نص ساعه تخيلوا المفروض الاعمال 20 فيها اختبارات ما عطتنا ولا اختبار خلته كله على التقرير ما تعطي حتى درجات عدله في التقرير ادا سألتونها في المحاضره شئ تتبهدل ولا تعرف اجاوب ادا بتشرح كل شئ تشرحه غلط غير عن الكتاب ...الخ نصيحة شخصية : لا تاخدون عندها تقييمي :صفرمن 5 ---------------------------- الدكتور : محمد الحسبان المقررات التي يدرسها : csa إيجابياته : شرحه عجييييب وحصته ممتعه سلبياته : اختباراته مريخيه وكله يعطيكم اختبارات مفاجاه وطبعا مريخيه وشديد في الدرجات نصيحة شخصية : ادا ما حصلتون واحد احسن منه اخدوه بس دوروا عدل واحد احسن منه تقييمي :3.5 من 5 |
|
التعديل الأخير تم بواسطة ترحال قلب ; 24-01-2011 الساعة 10:28 AM |
||
24-01-2011, 01:16 PM | رقم المشاركة : ( 42 ) | |
طالب مبتدئ
|
بغيت اسأل عن دكاترة ENGL101
Dr. Hayfa Al-Mukarraq Dr. Mohammed Riyad Aljazzar Dr. Colin S. Cavell بالنسبة لدكاترة ISLM101 اني درست عند عبد الرحمن الحامد اهو صدق طيب ومتدين بس واجد يتكلم في الطائفة واذا احد رد علية يقول ما وصلنا الى التعصب بس احسن من غيرة صراحة... ساعات يحترم وساعات لا بس اهمشي فية ان يعطي درجات ويراعي وبالنسبة ليي جبت -A واذا تكلم ليكم في الطائفة خلوه يهدر بروحه |
|
24-01-2011, 05:36 PM | رقم المشاركة : ( 43 ) | |
طالب مشارك
|
دكتور أحمد محمد علي - عربي 110
الايجابيات : اممم ماعتقد فيه اجابيات من فوقه لتحته سلبيات .. بس يمكن عند البعض ان ما يغيب يلتزم بوقت المحاضره هذي ايجابيه .. بنالسبه لي الايجابيه الوحيده ان كذا مرة مااحضر المحاضرة وما يسجلني غياب سلبياته : اولاً من يدخل المحاضرة لين ما يطلع وهو يتكلم يتكلم يتكلم ما يسكت ولا دقيقه لدرجة ان احتمال كبير يصيدك صداع قوي لان حتى لو الموضوع ما يخص مصر يتكلم عن مصر اللهم ان اخر خمس دقايق يقول الاسامي ثانياً كل فاش على الكرسي ويتكلم قولو يتحرك او يقووووووم .. ما يتحرك بس اول ما يدخل يكتب الموضوع والتاريخ واذا فيه اي تغيير في الخطه او اختبارات يكتب على السبورة ويقعد ومن يقعد ما يقوم اللهم ان مرة وحده بس شفته قايم يمكن عشر دقايق ورد قعد ثالثاً النحو يشرحه وهو قاعد مادري شلون الطلاب يستوعبون النحو اذا تكلم ما يكلف على نفسه يقوم يشرحه على السبورة و شرحه للنحو يقول بس القواعد حتى امثله ما يعطي رابعاً شكله فيه مرض غريب يشبه الزهايمر لان ما عطانه الورقه وكلنا نقول حقه ما عطيتنا وهو معصب يقول انا اتذكر عطيتكم انزين بالعقل الكل الكل يقول ما عطيتنا وانت ضدنا ؟! خامساً مايحدد الدروس اللي بتدخل في المنتصف ويقول درسوا كل اللي خذيناه. سادساً مُمِل حده ويجيب حاله نفسيه يعني المحاضره ما تطوف بسرعه من كثر ما اتملل .. ما تخلص المحاضره الا طالعه روحي نصيحة مني لا تاخذون عنده ابداً ابداً الا اذا كنتون تتذكرون اللي درستونه في المدرسه و عندكم كتاب مستعمل في الاجابات كلها عادي لو خذيتونه .. وبعد بيرتفع ضغطكم |
|
26-01-2011, 11:22 AM | رقم المشاركة : ( 44 ) | |
طالب مجتهد
|
الانج 101 محمد رياض الجزاااار
درسني الكورس اللي طاف حده مأساة ما يشرح كله يقول لنا قصص حياته و يسجل الغياب و الحضور و الدرجات حدها مأساه عنده حط لي ( -C ) |
|
27-01-2011, 03:06 AM | رقم المشاركة : ( 45 ) | ||
طالب مبتدئ
|
اقتباس:
زيزو تذكرين سوالفه في الامتحان نص الطلاب طردهم في الامتحان المنتصف يقول غاشين وهم مساكين ما غشوا هذا دون الزف أنا جربت اسلاميات 101ودخلت شخصيا عند بعضهم كمستمعه دكتور عمر العاني رااااااااااائع والشرح راااااااااااائع لكن جدي وشديد شوي لكن محترم مع الجميع ويعطي كل طالب حقه دكتورة رقية العلواني حدهااااااااااااااا فن محاضرتها مميزة وبسرعه يمر الوقت عندها لانها ما تحب الطلاب بس يحفظون تحب تفهم وزينة وطيبة وتتعامل مع الجميع باحترام دكتور عبدالستار زين والكل يمدحه وطيب وعلاماته اوكي وتعامله زين دكتور ناجي العربي لا تعليق بس طائفي من تحت لى تحت دكتور احمد المحمود ما دخلت عنده ولا مرة بس شفت سلوكه الملفت في الامتحانات طوووول الوقت بس صراخ وزف وطرد في الطلبة بدون سبب |
||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|