التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
|
مرشدك الأكاديمي لأي إستفسار حول المواد ، المعدل ، التخصصات ، .. |
|
أدوات الموضوع | إبحث في الموضوع | انواع عرض الموضوع |
26-12-2018, 11:16 AM | رقم المشاركة : ( 16 ) | |
طالب مبتدئ
|
حاليا انتي ماتعرفين شنو تبين وبتم قراراتج تتغير من الحين لي توجيهي بغض النظر انتي تحبين المواد العلمية او لا فالعلمي اهوه الانسب حق مستقبلج لان اذا تفكرين شنو اهوه مستقبل الادبي اليوم فالبحرين ما بتلاقين شي يسرج خصوصا ان انتي متفوقه اذا جفتي الي وياج في ادبي اغلبهم نازلين وانتي مرتفعه بتحسين بندم لان مافي تحدي فالموضوع صج المواد العلمية متعبه وظغط وثقيله وساعات المقررات تكون امتحاناتها خايسه لكن فالنهاية مستقبل طالب العلمي احسن من الادبي ولو كان معدله 80 .
اذا تحسين انج ما بتفلحين فالعلمي فكري فالتجاري لكن ادبي كلش ما ينفع انتي دايمن فكري فالمستقبل شنو بتصيرين هاي اله سنتين شوي وبيخلصون عقب بييي لج الجامعة والشغل هاي كله معتمد ع التخصص الي بتاخذينه للاسف ساعات الشي الي تحبه ما يعطيك المستقبل الي تتمناه ! |
|
26-12-2018, 04:25 PM | رقم المشاركة : ( 17 ) | |||
طالب مجتهد
|
اقتباس:
اختي جوفي اذا الواحد دش التخصص الي يحبه بيبدع فيه و بيقدر يطور نفسه فيه خصوصا اذا عنده طموح تعتمد على التخصص .. يعني انا مثلا بدش انجليزي في الجامعة ان شاء الله فدشيت ادبي لان مواد الانجليزي فيه اكثر فبالتالي الادبي هو الي يتناسب مع ميولي و طموحي .. بس اختي انتي غلطتي يوم قلتي " الطالب العلمي افضل من الادبي حتى لو معدله في ال80 " لان المعدل العالي سلاح قوي جدا يقدر اي شخص معدله عالي يسوي الي يبيه و يدش اي تخصص جامعي يبيه ماله علاقة بتخصص الثانوي اهم شي يكون معدله عالي و طبعا ما بيقدر يحقق هالمعدل العالي الا اذا كان دش تخصص يحبه ، يعني مثلا شنو الفايدة طلاب مو شاطرين في المواد العلمية و ما يميلون لها بس داشين علمي حق يفوشرون ؟ مستحيل تقارنينهم بشخص عرف ميوله صح و اختار تخصصه على اساسها ، اهم شي يكون المعدل عالي و بس بغض النظر عن التخصص لان مهما كان التخصص مستحيل شخص اييب معدل عالي بدون مجهود و بدون ما يتعب لان مافي تخصص سهل الادبي و العلمي و التجاري كلهم تخصصات و فيهم مواد و يبيلهم دراسة و اجتهاد مافي فرق و مافي تخصص سهل .. و بالنسبة لسوق العمل الادبي في وايد تخصصات جامعية مطلوبة و اكثرهم الانجليزي لان مافي احد يكون خريج لغة و ما يشتغل لان اللغات خصوصا مطلوبة في كل مكان ، و ترى اذا احد معدله عالي حتى لو خريج ادبي يقدر يدش تخصص علمي بس طبعا ما افضل هالشي لان ما بيكون عنده خلفية كافية من الثانوي عن التخصص العلمي الجامعي الي بيدشه ، وحدة اعرفها ادبي معدلها 98 دشت في الجامعة هندسة |
|||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|