التسجيل | التعليمـــات | التقويم | مشاركات اليوم | البحث |
08-01-2015, 07:05 PM | رقم المشاركة : ( 121 ) | |
طالب موهوب
|
الدكتور : يوسف الحراث المادة :CS103 مميزات: يجاوب على كل الاسئلة بكل رحابة صدر سلبيات : شرحه مو لهناك ما يحب واحد يطلع التلفون قدامه و ما يتساعد مع الطلبة في الكوزات الي تميل للصعوبة : نصيحة : لا مانع ان تاخذ معه بس فيه احسن منه ................... الدكتور : عبد السلام المناعي المادة : math101 مميزات : شرحه ممتاز و واضح و نوتاته زينة سلبيات : يحب يفشل الواحد يبي كل هدوء و ما يقبل احد يقاطعه و لا يعطيه حل ثاني للسؤال و شرحه يحسسك انك غبي في الرياضيات تحسه يراعي زيادة عن اللزوم الي كان تجاري او صناعي نصيحة : بشكل عام انصح ابه خصوصا الي ضعيف في الرياضيات او الي ما كان علمي . ......................... الدكتور : عبد الله المطاوعة المادة : chemistry101 مميزات : دكتور خلووق لابعد درجة و معاملته رائعة و شرحه ممتاز جدا نوتاته مرتبة سلبيات : لا يوجد نصيحة : انصح فيه وبقوة ........................... الدكتور : علي الملاح المادة : Physics101 مميزات : جاد في الشرح و يجاوب على كل سؤال بتقبل سلبيات : شرحه مو لهناك يعني فترة تفهم اليه و فترة ما تقدر تفهم و شرحه يعتمد على فهمك للرياضيات و يشرح بسرعة و كوزاته غالبا صعبة نصيحة : الي ياخذ عنده مو كارثة يعني و الي كان صناعي او تجاري ما انصح ياخذ عنده ابدا و طبعا فيه احسن منه. ............. الدكتور : محمد رياض الجزار المادة : ENGL101 مميزات : خلوق و ممتاز في الدرجات سلبيات : ما يشرح شي شاطر بس يروي لينا قصة حياته . نصيحة : الي يعرف انج عادي ياخذ عنده لان درجاته اوكيو يعني سجل حضور و مش ما بتخسر شي لان حضورك مثل عدمه لكن الي ضعيف في الانج لا ياخذ عنده و بشكل عام ما انصح فيه حاولو تتجنبونه.
|
|
19-01-2015, 12:58 PM | رقم المشاركة : ( 122 ) | ||
طالب مبتدئ
|
دكتور خالد الشنو
المقررات التي يدرسها عادةً : islm101 مميزاته : ممتاز من حيث الشرح و الأخلاق ، شرحه واضح و مفهوم و مدعم بالأمثلة الواقعية اللي تعزز من فهم الطالب ، و المحاضرة مستمرة لآخر دقيقة لأن الدكتور يشرح بضمير بس في الوقت نفسه المحاضرة خفيفة و حليوة .. من ناحية الأخلاق : طيب ، متواضع ، متعاون ، يمزح ويا الطلبة و كل شئ زين .. عيوبه : لا يوجد نصيحتي الشخصية : أخذوا عنده بدون تردد تقييمي الشخصي: 5/5 |
||
22-01-2015, 04:22 PM | رقم المشاركة : ( 123 ) | |
طالب مبتدئ
|
اسم الدكتور : محمد سليم
المواد اللي يدرسها : Econ140,141 الايجابيات : لا يوجد السلبيات : كلشي سلبي فيه ، فاشل ، يجي قبل ما تبدأ المحاضرة وما يخلينا نطلع الا عقب ما تخلص المحاضره بعشر دقايق ! يزعم يسوي روحه يشرح من السلايدات وهو اصلا بس يلف ف السلايدات ولا يشرح ، وازيدكم من الشعر بيت ههه كوزاته كأنها ميدتيرم كأن الشرح بيرفكت اللحين ، نسيت شي : لازم لازم يسجل الحضور ، ولا يراعي في الدرجات الرأي الشخصي : المقرود اللي ياخذ عنده ههه |
|
22-01-2015, 11:20 PM | رقم المشاركة : ( 124 ) | ||
طالب مثالي
|
اقتباس:
صدقت 100% الله يحفظه شيخنا |
||
20-02-2015, 03:23 PM | رقم المشاركة : ( 125 ) | |
<font color="#0000ff">مميز بالفصل الأول 2016-2017</font>
|
الاسم: محمد بوسعود
المقرر: econ 140 *طبعا درسني اسبوعين عمر فاروق بعدين درسني هالدكتور ايجابياته: مممتاز بمعنى الكلمة - يشرح بضمير- يعطيك أمثلة من الواقع تسهل عليك المقرر- طبعا دروس المنتصف كانت تقريبا حفظ و فهم يحولها كلها لفهم و رموز يسهل ع الطالب الدراسة-يهتم للطلبة جدا- يعطي اختباراتت تعويضية-حبوب و يحب يمزح مع الطلبة و فرفوش- لازم تكتب الي ع السبورة معاه اول بأول و يعطيك وقت حق تكتب مافي شي اسمه بصور السبورة بعدين بكتب-يستقبل الطلبة ف مكتبه و يسمعهم و يشرح لهم ب المرتين و ال 3 اذا مافهمو ، ب النسبة لكويزاته سهلة عدل نفس الي يشرحه يجيبه مافي لف و دوران سلبياته: مزآجي ملاحظات أخرى: ب النسبة ليي ظلمني ف التصحيح و الاسايمنت و الاختبار لان يبين انه ماراجع التصحيح ، هو بشكل عام بيرررررفيكت الدكتور و محظوظ الي بيصير عنده، بس بعد هو ظلمني من هالناحية و كلمته بس هو ماهتم ولا راجع و وايد ينسى ، يمكن بعض الطلبة ماشافو نفسهم انظلمو و حصلوا الدرجة الي يستحقونها ، بس الظلم صار عليّ و الحظ:) نصيحة شخصية: أخذ عنده و انت مغمض بتضمن ال A ، و ا انتبهو للحضور لانه يلتزم و يسجل بشكل يومي مستحيل ينسى او يغيب حتى و عادي تكتفون ب النوت الي يكتبها ع السبورة بدون ماتراجعون من نوت ثانية ، لان الي يكتبه كافي ، يعني بيرفكت و عجيب ف الشرح و المعاملة و الدرجات تقييمي الشخصي : 10 /10 |
|
20-02-2015, 03:28 PM | رقم المشاركة : ( 126 ) | ||
<font color="#0000ff">مميز بالفصل الأول 2016-2017</font>
|
اقتباس:
تراني كلمته،كم مرة كان طيب وياييي ف المعاملة عدل و كلمني ب العربي بعد ، اشوف الكل يذمه هو مادرسني بس من معاملته لييي شفته طيب ، يمكن اذا من بعيد لبعيد العلاقة وياه تكون طيبة و ف الامان ههههه |
||
03-06-2015, 02:02 PM | رقم المشاركة : ( 127 ) | |
<font color="#0000ff">مميز بالفصل الأول 2016-2017</font>
|
الاسم:د.جيهان الموسوي
المقرر:acc113 الايجابيات:ممتازة،طيبة،متساعدة من ناحية الدرجات و اذا في امل تحصل درجات تعطيك،تدقق عدل ع الطلبة الي ينتبهون وياها و الا ماينتبهون ، كانت ملتزمة من ناحية تسجيل الحضور لكن بعد ماجننوها الطلبة اعتزلت تسجيل الحضور XD و تؤمن ب الحرية الشخصية و قرارت الشخص،من ناحية الشرح دكتورة لا يعلى عليها تفهمك كلشي حتي مستعدة تشرح نقاط المقرر السابق حق تفهم و تستوعب، ما تظلم احد نعطي كل طالب حقه , و تتفاعل في شرح المقرر عدلXD السلبيات:لايوجد نصيحة شخصية:محظوظ الي بيحصل عندها,سجل عندها بدون اي تردد التقيم:10/10 |
|
03-06-2015, 02:11 PM | رقم المشاركة : ( 128 ) | |
<font color="#0000ff">مميز بالفصل الأول 2016-2017</font>
|
الاسم:د.عبدالله الصادق
المقرر:ايكون141 الايجابيات:مايسجل حضور،يؤمن ب الحرية الشخصية، ماحضرت عنده الا 3 مرات ف الكورس،يسجل حضور بس جذي هرار لكن مايهتم له ،في المعاملة طيب جدا, الدرجات يعطيك حقك ب الضبط،الاسايمنت و الكوزات مالته سهلة عدل السلبيات:مايعرف يشرح حضرت ماحضرت عنده كله واحد,اوردي المقرر تقدر تدرسه دراسة ذاتية مابتحتاج لشرح نصيحة شخصية:لابأس به اذا ماحصلتون غيره و حبيتون ترتبون جدولكم يقال ان افضل دكتور هشام حنضل طيب و متساعد و يعطي درجات وشرحهه بيرفيكت بس تحمل مزحه+افضل نوتات لدراسة نوتات اشرف و بتكون كافية تقييمي الشخصي: 6/10 ايكون 141 اسهل من 140 لان المحتوي خفيف عدل و الكوردنيتر يخلي امتحانات سهلة فمافي خوف فيه |
|
11-06-2015, 02:00 PM | رقم المشاركة : ( 129 ) | |
طالب مبتدئ
|
دكتورة شريفة ...فرنسي 141
إيجابيات:شرح بأسلوب واضح و مفهوم و تترجم الكلمات الصعبة باللغتين العربية والإنجليزية و تعادل بين الطلاب و طيبة و حنونة ماتحسون في 50 دقيقة وياها ...وتراجع معاكم قبل كل كويز او مدتيرم او فاينل ...واهم شي انها اجتماعية و تتغشمر... والاختبارات واضحة وسهلة بالنسبة الي يراجع او منتبه .. انصحكم فيها ...شكرا اختكم مهناز |
|
20-06-2015, 10:53 AM | رقم المشاركة : ( 130 ) | ||
مشرفة قسم الرياضيات
|
الدكتور : علي خان
المقررات التي يدرسها : ITCS 346 إيجابياته : شرحه واضح ومفهوم يعطي كوزات واسايمنتات واجد وياخذ الافضل امتحاناته سهلة (لكن لازم يجيب سؤال يخربط الطالب) سلبياته : يستمتع باحراج الطالب ويسهزء بالاجابات الخطأ قبل لايوزع الاوراق نصيحة شخصية : - ,. الدكتور : عبدالفتاح سلمان المقررات التي يدرسها : ITCS242 إيجابياته: شرح واضح ومفهوم كل الكوزات والتستات فيها بونس سلبياته : بالنسبة ليي الوقت كان عندي من سلبياته يجي بالضبط عالوقت وعادي يجي قبل الوقت حتى لو خلص شرح وكل شي ، يجيب معلومات خارجية ويسولف عشان يكمل وقت المحاضرة ونطلع عالوقت بالضبط سريييع جداً في الكلام 'اذا يتكلم بالانجليزي اهون من العربي [ ]' فيانلحق على الشرح او الكتابة نصيحة شخصية : - ,. الدكتور : فوزي البلوشي المقررات التي يدرسها : ITCS341 إيجابياته: كوزاته وامتحاناته سهلة والـA وياه وانت مغمض عنده الطالب اللي يقنعه بالاجابة فاجابته صحيحة سلبياته : شرحه لابأس ، واجد يلف ويدور ومايدري وش يقول يدخل البروجكت في التستات نصيحة شخصية : - ,. الدكتور : سميرة الحلواجي المقررات التي يدرسها : ENGL155 إيجابياته: شرح اكثر من واضح وتكتب نوتات طيبة ومتساعدة ويا الطلبة واااجد ،، تعطي الطالب اكثر مما يستحق سلبياته : واجد تتأخر في ارجاع الاوراق نصيحة شخصية : انصح فيها بقوة |
||
21-06-2015, 02:49 AM | رقم المشاركة : ( 131 ) | ||
أُم هَادي ،
|
الدكتورة : ميسون
التخصص : الانجليزي ايجابياتها : تحب طلبتها , تشرح بضمير , مخلصة لعملها , تعامل جميع الطلبة بالعدل , تساعد طلبتها واجد , من أفضل دكاترة الانجليزي اللي درست عندهم ! سلبيات : ما لاحظت فيها شيء مو اوكي ! انصح الكل يدرس عندها وما بيندم أبداً ! |
||
22-06-2015, 01:53 PM | رقم المشاركة : ( 132 ) | ||
أنا بالعاذل ألعب*
|
بسم الله الرحمن الرحيم
أما قبل.. مش بالضرورة رأيي في دكتور معين يكون نفسه رأي غيري. الدكتور اللي أشوفه زين غيري يشوفه لا.. والعكس. فنصيحة شخصية قد يتفق معي فيها البعض ويختلف البعض الآخر: لا تخلون آراء الآخرين المعيار الأساس فتقييمكم للدكاترة.. وإذا جيتون تضبطون الجدول ضبطوه من حيث المواد فالوقت، هذا أهم شي.. والدكاترة في الأخير أما بعد... الدكاترة اللي درسوني هذي السنة: الدكتور: محمد عبدالله المواد اللي درسني إياها: maths121 الإيجابيات: - الانضباط بالوقت عند بدء ونهاية المحاضرة. - النوتات مرتبة جدا. - الشرح واضح. - الكويزات سهلة جدا << أساسا المادة سهلة. - عادل ويعطي الكل حقه من دون زيادة ولا نقصان.. يراعي في التصحيح مسألة: الخطأ لا يبنى على خطا. << اللي أغلب الدكاترة اللي درسوني ما يراعونها. السلبيات: - بارد نوعا ما فتصير المحاضرة مملة.. > بس كان يحاول ينشط الوضع بإنه يخلي الطلاب يقومون يشاركون ع السبورة - جاف وليس له أي علاقة بالطالب.. مهمته يجي يشرح اللي عليه وخلاص. نصيحة شخصية: خلوه من خياراتكم الأولى. *** الدكتور: سلمان عباس المواد اللي درسني إياها: maths122 الإيجابيات: - ملتزم بالوقت. - إذا بتتكنسل المحاضرة يخبرنا قبل، إلا ما كان خارج عن إرادته.. وعموما ما تتكنسل المحاضرة إلا نادرا جدا يعني . - يهتم اهتمام بالغ بالطلبة.. واللي يميزه عن غيره إنه يحفظ كل طلبته تقريبا. - ما يسجل حضور وغياب إلا نادرا.. بس اللي ما يحضر عسى لو بس محاضرة وحدة بينتبه ليه وبقول ليه: ترى ما حضرت. كنت أحس الموضوع محرج اشوي . - الكويزات سهلة. السلبيات: - هادئ والصوت منخفض.. واجهت صعوبة في التأقلم مع الوضع.. خصوصا لما كان يسألني وأني مادري وش يقول.. فأصير :) بس بعدين تعودت. نصيحة شخصية: خلوه من خياراتكم الأولى. *** الدكتور: صالح العلوي المواد اللي درسني إياها: phycs101/phycs209 الإيجابيات والسلبيات " صنفوها على كيفكم ": - في 101 كان كل كلمة يقولها بالانجليزي يقولها بالعربي والعكس، وكان يتوقف أحيانا للشرح " يفصل بين الشرح والكتابة على السبورة " .. في 209 الشرح كله بالانجليزي " ولا كلمة عربي" ، يتكلم ويكتب في نفس الوقت، وغالبا من دون ما يطالعنا " وجهه للسبورة " فما كنت أفهمه عدل في هذا المقرر على الرغم من سهولته. - غير ملتزم بالوقت.. يتأخر عن المحاضرة في الغالب > سلبية يطلعنا من وقت > إيجابية - يتعامل مع الجميع باحترام. - لو أحد قال له ما فهم شي ممكن يعيده + طول ما هو موجود في المكتب مكتبه مفتوح وعادي يستقبل الطلاب. - في 101 90% من الشرح حل أسئلة امتحانات سابقة نصيحة شخصية: ل 101 مناسب. الدكتور: محمد الحلووووووووووووووووووو " اسم على مسمى " المواد اللي درسني إياها: phycs102 الإيجابيات: كله إيجابيات السلبيات: أنا بصراحة ما شفت عليه سلبيات بس بعض الطلبة كانوا ينتقدون أشياء فيه.. أنا ما أزعجتني ولكني سأذكرها: - الكويزات طويلة.. كل كويز يكون في جبتر، أو جبترين لو كان قصير.. الكويز عبارة عن 10 أسئلة. تعليق شخصي: يعطي وقت كاف ليه " نص ساعة " .. يقدم تقريبا 5 وياخذ أفضل 3+ ما يهتم بدرجات الكويزات واجد.. اللي بجيب زين في التستات ممكن يعدل ليه في الـ 10% الخاصة بالكويزات.. هدفه الطالب يكون مهيئ للتست. - غير ملتزم بالوقت.. كثير من الطلبة ينزعجون لما يأخذ وقت أكثر من المحاضرة. تعليق شخصي: المحاضرات ممتعة وما نحس في الوقت وهو يمشي... بس بتكون مشكلة لو عندك محاضرة عقب . - يقولون يحب يفشل الطلبة.. ما حسيت يعني.. إنما يحب يمزح اشوي. نصيحة شخصية: لا تفوتونه *** الدكتور: سعاد رشدان المواد اللي درستني إياها: chemy101 الإيجابيات: - طيبة وحبوبة - الشرح جيد جدا لا بأس به.. ممل أحيانا. - ترجع أوراق الامتحانات بسرعة - محاضراتي كانت mw بس تكون تقريبا ساعة فقط وفي أحسن الحالات أقل - مكتبها مفتوح دائما >> لما أمر أشوفه مفتوح.. رحت ليها مرة وحدة فقط وما كان عندي سؤال في المادة إنما في الدرجات ورغم كان عدها شغل في ايدها واستحيت أدش هدت كل شي وكلمتني. السلبيات: اممم الدكتورة ليست ممتازة في الشرح بالنسبة لي.. ما كنت دائما أحب طرق الحل اللي تتبعها.. بس كسلبيات سلبيات.. أعتقد لا يوجد. نصيحة شخصية: إذا كان جدولكم يضبط بسكاشنها فلا بأس بها. *** الدكتور: سلمان بوسعيد المواد اللي درسني إياها: islam101 الإيجابيات: - يستخدم الايميل للتواصل مع الطلبة: اعتذار عن محاضرات / تذكير بأوقات الاختبارات / إرسال الدرجات. - يراعي في الجانب المقالي في الامتحانات بس الامتحان أكثره اختياري وصح وخطأ.. فلن يظلمك في الـ 80% الخاصة بالامتحانات بل ممكن يعطي الطالب أكثر من حقه. طريقة تقييمه للـ 20% المتبقية تختلف اشوي عن باقي الدكاترة يمكن البعض يعتبرها سلبية بس أنا أشوفها إيجابية: 10% كويز وهو المتعارف عليه. 10 % الخاصة بالمشاركات يقسمها 5% مشاركات: "يا إذا سألك تجاوب صح .. أو لن يحسب الدرجة . أو إنك تكون دائم المشاركة في المحاضرة" و 5% نشاط طلابي وكان عبارة عن تغريد في تويتر.. واللي يغرد واجد وتغريدات عدلة ممكن يحسب ليه الـ 10% كامل. السلبيات: - شديد جدا في مسألة الحضور والغياب. نصيحة شخصية: المادة لا تحتاج شرح، وهو عموما جيد جدا فيه.. ولكن المهم: إذا كان أسلوبه في الدرجات والحضور والغياب يناسبكم اخذوه.. أما إذا ما بتتأقلمون مع طريقته ممكن تخسرون الـ A على ولا شي. *** الدكتور: محمد أمين المواد اللي درسني إياها :arab110 أعتقد هالدكتور تحديدا بختلف وي الباقي في تصنيف الإيجابيات والسلبيات / لذلك: - المحاضرة تكون بس للضحك وعموما ما يحب الطالب ما يضحك وياه إذا شافه ما يضحك: ليش ما تضحك وكان عنده بعض التعليقات يعني هو يقولهم بمزح وحسن نية عشان ما تكون المحاضرة مملة.. إنما بالنسبة لي كانت المحاضرة تصير مملة لهالسبب أحيانا.. خصوصا في طالبات يمصخونها في الضحك والطنازة وهو عادي عنده. - المادة مادة مشتركة ياخذها الكل.. اللي يحب العربي واللي ما يواطنه.. وكان أسلوبه في الشرح كأن الكل ما يحب العربي وما يفهم فيه >> تحسه يقول: بشرح على قدكم بس :) فاللي استفدته من محاضراته عن لا أبخسه حقه فقط سأقول 1%.. بس لو بتسأله عن شي يخص اللغة عادي يجاوبك خاصة بعد المحاضرة.. ودائما يقول اللي عنده سؤال يجي يسألني. - تقييمه في الـ 20%.. 10% كويز بس يكون طويل اشوي... يمكن أطول من التست بس سهل. والـ 10% الثانية الخاصة بالمشاركة الواضح إنها هدية مجانية للجميع . - الحضور والغياب دائما يسجله ويقول بيعطي wf بس هل فعلا عطى ؟ لا أعلم.. أحسه طيب ما يعطي - أحسن شي فيه.. النموذج لو فيه غلط سواء في الأسئلة أو نموذج الإجابة يعترف بذلك ويصحح حسب الشي الصح.. أما بعض الدكاترة كانوا يرفضون يعترفون ويمشون ع النموذج اللي عدهم حتى لو غلط. نصيحة شخصية: إذا ما تحبون العربي.. وتبون تاخذونه عشانكم بس مجبرين .. اخذوا عنده. *** الدكتور: يوسف جمال المواد اللي درسني إياها: engl125 الإيجابيات: - ما يسجل حضور وغياب. - يراعي في التصحيح في الـ writing فقط طبعا ونسبته عموما بسيطة جدا في الامتحانات. - درجات المشاركة تتحول لكويز، وفي تعويضي > بعض الدكاترة يحولونها لاسايمنت.. بالنسبة لي كان كويز أفضل من مشاركة أو اسايمنت + خبر الطلبة اللي درجته ما كانت اوكي في الكويز وهو على طول يشارك في المحاضرة يروح ليه بعدل ليه الدرجة.. بس ربعي لما راحوا ليه ما حصلوه . السلبيات: المادة ما تستدعي نحصل سلبيات في الدكتور نصيحة شخصية: اخذوا عنده خاصة إذا ناوين تسجلون المادة وما تحضرون وبس نلتقي معكم في الأعوام المقبلة إن شاء الله ما يندرى بكون للحين في التخصص أو لا.. كل التوفيق |
||
22-06-2015, 04:07 PM | رقم المشاركة : ( 133 ) | |
<font color="#0000ff">مميز بالفصل الأول 2016-2017</font>
|
الاسم:د.عفيفة معتوق
رمز المقرر:math104 الايجابيات:ماتسجل حضور بشكل مستمر و ماتحاسب عليه وايد,طيبة و تساعد ف الدرجات نوعا ما اذا تستحق,تعطيك حقك بشكل عام،مراجعتها مفيدة عدل ،تقول الي بيجي ف التست و الفاينل و هو الي يجي بالضبط،تهتم لمصلحة الطالب و تمنع الطالب يستخدم التلفون ف المحاضرة ،تعطي مراجعة ،و تعطي الطالب امتحان يقيس مستواه قبل الامتحان و يشوف طبيعة الاسالة علشان الطالب ماينصدم السلبيات:تهدر بشكل مو طبيعي ،حلو ان الواحد ينصح لكن بشكل معتدل مو مبالغ فيها و بطريقة الشخص يرغب فيها لكن هي لا اسلوبها مايرغب الشخص يسمع لها ،تفشل وايد،و تدور الزلة متسببة من ناحية الشرح،هي شرحها زين احسن من باقي الدكاترة ،لكن ف الشرح لاحظتها تضيع الوقت ف الشرح ع عمليات حسابية و تكتبيها ع السبورة ف الآلة تصير بدقيقة بغيت اصارحها ب هالعيب لكن سكت و خليتها تستمر لاني ما احب احد يزفني ، و نوتاتها شخصيا ما افهم ليهم مبهدلين مو مرتبين ما قدرت ادرس منهم نصيحة شخصية:اخذوا عندها احسن من بقية الدكاترة و تعتبر هي وفيصل الشيوخ افضل دكتورين لهلمادة،اذا تقدر تتابع وياها يعني لانها سريعة عدل تقييمي الشخصي:7/10 |
|
29-06-2015, 07:44 PM | رقم المشاركة : ( 134 ) | |
طالب مبتدئ
|
ما في عن دكاترة تخصص الحقوق
|
|
02-07-2015, 01:50 AM | رقم المشاركة : ( 135 ) | |
<font color="#0000ff">مميز بالفصل الأول 2016-2017</font>
|
طبعا كتبت كلام وايد و طار فبختصر
الاسم:محمد حاجي رمزالمقرر:mgt230 الايجابيات:لايوجد السلبيات:شقول شخلي ههه..!!اتعب لو اكتب فيه -مستحيل يطلعك ع الوقت ،كان ياخرنه ربع ساعة عادي عنده -يعطي كويز لكن خرابيط و مايحسبه يخلي الطلبة بعدين يشرح -هدرته مو طبيعية صداااع نصيحة شخصية: ابتعدو عنه قد ماتقدرون تقييمي الشخصي:0/10 |
|
مواقع النشر (المفضلة) |
|
|