التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
11-07-2017, 10:53 PM | رقم المشاركة : ( 1 ) | |
طالب مبتدئ
|
استفسار عن الدراسة في كلية إدارة الأعمال
السلام عليكم ورحمة الله وبركاته
حبيت استفسر من طلبة جامعة البحرين بشكل عام ومن طلبة كلية ادارة الاعمال تحديدا عن طبيعة الدراسة وكمية الجهد الي لازم ينبدل حق احصل معدل تراكمي ممتاز وبعد هل نفس ما نقرأ في تويتر و غيره انه حياتك بتكون دراسة وبس مافي مجال للامور الحياتية الباقية يعني سوني و مباريات و طلعات وما شابه ذلك وبعد تخصص ادارة اعمال في جامعة البحرين يتطلب معاهد و دروس خصوصية بشكل كبير لو متوسط لو شوي ؟؟ أتمنى الكل يشارك ويعطيني رأيه حق استفيد وإذا في مواضيع سابقة بهذا الشأن الرجاء تَحُطُّون الرابط مال هالمواضيع في التعليقات و معذرة على الاطالة |
|
12-07-2017, 01:43 AM | رقم المشاركة : ( 2 ) | |||
أمنيتي جنه
|
اقتباس:
وعليكم السلام
كلية إدارة الأعمال بعد تنقسم لتخصصات 1- صيرفة وتمويل 2- تسويق 3-إدارة أعمال 4- محاسبة صيرفة إسلامية في أول سنتين الغالب مواد مشتركة بين تخصصات الكلية طالب/ة البزنس عشان يتخرج /تتخرج من الكلية مطلوب منه اجتياز128 بما يعادل 43 مادة منهم 19 مادة مشتركة لجميع تخصصات البزنس و9 مواد تخصصية و3 مواد اختيارية من خارج الكلية إضافة إلى التدريب العملي غالب المواد 3ساعات بستثناء مادة حقوق الأنسان المشتركة ساعتين المواد مخلوطة في مواد كلكوليشن (حسابات وقوانين وتعويض تحتاج فهم ) في مواد نظرية ( كله معلومات ومحتاجة حفظ ) في مواد مكس بين الأثنين نظري وعملي كمية الجهد هذا على الطالب/ة قدرتكم على الحفظ أكثر لو الفهم أكثر لو في الأثنين تمام و اللغة الأنجليزية ممتازة لو متوسطة لو ضعيفة طريقتكم وأسلوبكم في الدراسة عدكم تنظيم ل الوقت لو الدراسة ليلة الأمتحان فقط لو تدرسون على فترات .......الخ في الجامعة البعض يهلك روحه يبي ينجح ويجيب درجات زينة بس بالزور ينجح والبعض ما شاء الله عليه ما يتعب روحه واجد بس ينجح ويحصل درجات أحسن من اللي يهلك روحه هذا الشي ببتلاحظونها إذا دخلتون الجامعة ما عليك من تويتر يمكن فيه شوي مبالغات وكنوع من الفضفضة والتنفيس عن النفس أو ممكن يكونون من فئة الطلاب اللي ما يحصلون درجات زينة وما يدرسون فيجون يقولون ليك صعب إذا ما درست أكيد بكون صعب الحياة ماشية ونسوي اللي نبيه بس بعد يعتمد على الشخص وطريقة تنظيمه للوقت وترتيبه ل الأولويات آخيراً على سالفة المعاهد والدروس الخصوصية يحتاج لو لا ؟ هي فعلا موجودة ويا كثر الأعلانات والمدرسين الخصوصين وبعد أشوف الحين عدنه في الجامعة بعض الطلبة يتبرعون ويشرحون لزملائهم بدون مقابل بس إذا سجلت وي دكاترة تمام وتفهم ليهم في مواد (الماث والأيكون والأكاونت ) ما بتحتاج معاهد أو مثلا إنه عندك قدرة تدرس وتفهم بروحك في بعض المواد ممكن يكون يدرسه بس دكتور واحد وكلش ما تفهم ليه ولا تقبض منه شي تظطر تروح معهد |
|||
التعديل الأخير تم بواسطة ستايش ; 12-07-2017 الساعة 01:52 AM |
||||
12-07-2017, 09:55 PM | رقم المشاركة : ( 3 ) | ||
أمنيتي جنه
|
تذكرت شغلة بخصوص
حياتك بتكون دراسة وبس مافي مجال للامور الحياتية الباقية يعني سوني و مباريات و طلعات وما شابه ذلك في فرق بين الجامعة والمدرسة النجاح يكون من 60 درجة ولو أقل يعتبر رسوب مو نفس المدرسة تدرون عن الأمتحانات النهائية التاريخ والوقت قبل بشهر أو أسبوع مثلا من موعد الأمتحانات النهائية الأمتحانات النهائية في الجامعة تكون محددة اليوم والتاريخ والوقت بداية الفصل لكل مواد الجامعة وغالباً تكون من40 درجة بدال امتحان منتصف واحد من 20 يكون عدنه امتحان أول وامتحان ثاني (أحيانا يكونون 20 و20 أو 25 و25 ) تبقى 10 أو 20 درجة هذي على حسب المادة أو الدكتور في البداية حق مواد Acc112 و acc113 و math103و math104 ,وهي مواد مشتركة لجميع تخصصات البزنس يكون في أون لاين اسايمنت ( يعني بدال الواجب تدخلون موقع على النت ويكون في أسئلة تحلونهم ) والمواد الثانية يا امتحان قصير أو ثنين أو تسوون بوربوينت وتقومون تشرحون أو ورقة اسئلة تحلونها بشكل جماعي يمكن بعد على الحضور والغياب ...... الخ هذا بيعتمد على المادة والدكتور في الجامعة أقل شي نسجل 3 مواد لمرة وحدة فقط طول حياتنا الجامعية و تلتزم ب 4 مواد في حال الحصول على إنذار بسبب تدني المعدل ولو كان المعدل زين عادي يكون 5 أو 6 مواد ولو كان المعدل جدا مرتفع وتمام 3 أو أكثر أو إنه كورس تخرج عادي نسجل سبع مواد الحين شوف السالفة الفصل تقريبا 4 شهور ونص خل نفترض بيكون عندك 5 مواد علىشان نكون ماشين على الخطة وقليل اللي يمشون عليها لكل مادة امتحانين إضافة ل إمتحان نهائي يعني 15 امتحان في الفصل (تقريبا خلال 4شهور ونص ) وفي بعض الحلات يصير إنه امتحانين في نفس اليوم وهذا غير إذا كان فيه متطلبات ثانية للمادة ذكرتها فوق في الجامعة عادي يكون عندك امتحان يوم السبت وفي الكلية عادي يكون عندك امتحان الساعة 6 الليل أو 5 أو 4 وفي أشياء ثانية بتكتشفونها وبتتعرفون عليها إذا دخلتون الجامعة والسموحة إذا طلعت برى الموضوع |
||
التعديل الأخير تم بواسطة ستايش ; 12-07-2017 الساعة 10:10 PM |
|||
20-07-2017, 09:57 AM | رقم المشاركة : ( 4 ) | ||
طالب مبتدئ
|
اقتباس:
الصراحة استفدت من هالردود وصار عندي خلفية عن الجامعة |
||
29-08-2017, 06:08 PM | رقم المشاركة : ( 5 ) | ||
أمنيتي جنه
|
فيه عدنه مواد لفل 1 و2و 3و4
مواد لفل1 و2 عادي تسجلونهم بس مواد لفل 3 و4 ما تقدرون نسجلونهم مباشرة لازم تملون إستمارة إختيار الماينور أو الميجور اول تروحون لمكتب رئيس التخصص او القسم و بيعطونكم ورقة تملونها و تخلون نسخة عندهم و نسخة تودونها التسجيل ميجور يعني التخصص الأساسي و ماينور تخصص فرعي و كل واحد فيهم 5 مواد ، لازم تختارون واحد منهم ميجور أو ماينور ، إذا اخترتون ميجور بتاخذون 4 مواد من تخصصكم و المادة الخامسة مشروع التخرج ، إذا اخترتون ماينور 5 مواد من التخصص الفرعي الموجودين في الخطة و من دون مشروع تخرج |
||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|