ارجو المساعده من طلبة الاحياء و علوم الكمبيوتر

[وطن الاحرار]

سلام عليكم ..



اني حاليااا ادرس اورينتيشن ... وقبلوني ف الجامعة رغبتي الاولى " علوم حيآة"
كنت محتارة بين تخصصين الاحياء .. وعلوم الكمبيوتر .. بس اضطريت اني اخلي واحد منهم رغبة اولى ..
فاخترت الاحياء ..
رفيقتي دخلت هلتخصص .. اني وياها مستوى الانج تقريبا نفس الشي ... وثنتينه نحب الحيا ..
بس اهي تخصصت على طول لان معدلها ف التسعين ...

وتقول ان الحيا واجد صعب من حيث المصطلحات الحفظ وكلشي فيه .. لدرججة ان رسبت ف المنتصف ..
وراح تنقل لتخصص ثاني ..

فاني الحين كلش خايفه ومحتاره . اخاف ادخل هالتخصص الكل يقول ليي عنه ان واجد صعب .. من اصعب التخصصات ف الجامعة ..
وارسب فيه وتالي بنقل وبتزيد عليي السنوات .. وخصوصا يقولون ان النجاح فيه ل C بس D يعتبر راسب !

واخاف انقل لعلوم كمبيوتر ..واكون تسرعت ... ويكون هو بعد صعب .. وماقدر امشي فيه

يعني ناس واجد تقول ف البدايه يمكن تلاقون صعوبة وبعدين يصير كلشي اوكي بس اني واجد خاايفه
فشنو تنصحوني ادخل الحيا لو انقل !!
واي تخصص اسهل !


وشكرا

[شاعرة الهوى]

بسم الله الرحمن الرحيم

اممم بكلمج بحكم تجربة شخصية واتمنى انج تستفيدين منهآ

انآ تخصصي الحآلي علوم حآسوب و انآ مثلج احب الحيآ واموت فيه

دخلت علوم الحآسوب بقنآعة ان ابي اشتغل شغلة عدلة

و تكون المآدة موب صعبة علي ولا ثقيلة و ما تحتاج متطلبآت درآسية وآيدة

وللأسف خطأت اكبر خطأ في حيآتي

لمآ غيرت من ورقة التخصصات تخصص الاحيآء الى علوم حآسوب

دخلت اول كورس مبآشرة تخصص مشيت بالبدآية و استسغت المادة ,

بس مع مرور الوقت صرت ضآيعة و كأني وحدة مآ تعرف شي ولآ تفهم شي في مادة التخصص

حسيت اني خلاص برسب و مآ احب ادرس ولآ اسمع طآري المآدة لان مو ميولي ولآ شي استهويه بس الحمد لله في النهآية طفت فيها

اضطريت انسحب الكورس اللي بعده و هالكورس ادرس موآد مشتركة و رآح اقدم تحويل الى علوم الحيآة

لفيت لفة طويلة وضيعت على نفسي وقت و آخر شي رجعت للشي اللي ابيه

في النهآية ..

الميول هي اللي تحدد مصير الانسآن والشي اللي يحبه يبدع فيه

والشي اللي مآ يحبه لو كآن مثل شرب المآي من سهولته مآ رآح ينجو منه

مآ اقول لج علووم الحآسوب صعب بس اذآ مآ كنتين تحبين البرمجة و لغات الحاسوب وهالسوآلف رآح تسلكين المسلك الخآطئ

اما علوم الحياة موب شرط صديقتج ما تمشي فيه انتي بيكون عندج صعب لان كل انسان وقدرآته

[وطن الاحرار]

مشكورة اختي ع الرد ..
والله يوفقش ..

[جنون الرياضة]

الكلام اللي قالته الأخت (شاعرة الهوى)

كافي جداً

احب أأكد على نقطه (الميول)

اذا واحد حاب التخصص اللي يدرسه .. يشوف الشي الصعب سهل ..
لان قاعد يدرس برغبه
وتنولد في نفسه رغبه كبيره
حتى في الدراسه مثلاً .. يراجع بمزاج وكلما يراجع بعد يحس نفسه يبي يراجع
ويدور تمارين زياده من النت و ...... الخ .

واكيد انتي مريتي في نفس هالشعور .. ع الاقل ايام المدرسه ..

بالنسبه لي كان مقررات الريض
اخلص من حصه المدرسه اليوميه ، و أي وقت فاضي فيه اروح قسم الرياضيات
و بعد كنت اروح ادرس في المعهد
كل هذا لاني احب الماده
وهكذا كل انسان يعني :)

انا تخصصي علوم حاسوب ولكن تمهيدي حتى الآن
ماقدر افيدكم بخصوص المواد وجدي

موفقه ..
واذا مانقلتي .. من هالتخصص بنكون وياكم الكورس الياي ان شاء الله

بالتوفيق لكم جميعاً