التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
|
جامعة البحرين الطبية RCSI-MUB كل ما يتعلق بكلية الجراحين الإيرلندية في البحرين |
|
أدوات الموضوع | إبحث في الموضوع | انواع عرض الموضوع |
23-04-2015, 09:46 PM | رقم المشاركة : ( 1 ) | ||
طالب مجتهد
|
ايجابيات و سلبيات الجامعه من وجهة نظري كطالب طب
السلام عليكم ،،،،،
بما ان السنه الدراسية اشرفت ع الانتهاء ،،،،، حبيت انقل لكم خبرتي من الجامعه ك طالب طب صار له سنتين فيها اولا الايجابيات : ـ الجامعه توفر لابتوب Mac Air لكل طالب طب و تمريض عشان ندرس منه لانه اللكاجر كلها بتكون اونلاين بس بعد في مطبعه اذا حابين تطبعون اللكجرات و كلش كلش رخيصة - الجدول مرن جدا يعني مو نفس المدرسة كامل الفصل جدول واحد ،،، في الجامعه كل اسبوع جدول يعني مثلا ايام عندك 3 ساعات و ايام 5 ساعات متوزعة على اللكاجر اللي الدفعه كامل نفس الوقت يعطونكم و عندكم بعد تيتوريال يعطونها في قروبات صغيره حوالي 20 طالب و تكون مراجعه للكجر الاساسي و عندكم لاب يوم واحد في الاسبوع ـ المكتيه (LRC) فاتحه تقريبا جميع ايام الاسبوع من 7 ونص الصبح الى 10 بالليل و في الويك اند من 10 الصبح الى 10 الليل، المكتبه مكان جدا ممتاز حق الدراسة و هادئة جدا و في انواع مختلفه من الطاولات و الكراسي و تقدرون تستعيرون كتب و تدرسون منها و في بعد لابتوبات و غرف صغيره حق تدرسون فيها في قروبات بس لازم تحجزون من قبل عن طريق موقع الجامعه - في شي اسمه Student success centre SSC الا اهو نوع المكبته بس اصغر من المكتبه الاصلية و هاي تتميز انه تقدرون تتكلمون فيها و مسموح فيها الاكل و الشرب مو نفس المكبته العودة و فيها بعد مس عسل و مستر باتريك ذلين يساعدون الطلبة. يعني مثلا اذا عندك شي مافهمته من الدرس تطرش لهم ايميل و تحجز حق ميتنق و اهمه بيشرحون لك و مستر باتريك بعد يقدر يساعدك شلون تنظم وقتك و يعلمك شلون تدرس بطريقه اسهل و في بعد مكتب مس ويندي اهي رئيسة هالقسم و اذا عندكم اي مشكله تواجهكم في اي نوع مثلا عندكم مشكله عائلية او مرض او اي شي ايي على بالك روحو لها بتقدر تساعدكم ـ الجامعه تسوي انشطة اسبوعيه باستمرار مثل مباريات و يوغا و تايكوندو ..... الخ ـ في جيم حق البنات و في حق الصبيان و في ملعب مكيف و في ملعب حشيش خارجي ـ في مطعم رئيسي في الطابق الثالث فيه اكلات متنوعه و بسعر رخيص و في بعد صوب الجيم قلوريا جينز حق الكوفي و اكلات خفيفه و اذا تبون تدرسون هناك بعد عادي و بعد في جدام الجامعه مطاعم مختلفه زينه ـ اذا عندك سؤال حق الدكتور او انك ما فهمت شي اهو شرحاه تقدر تطرش له ايميل عشان يشرح لك ـ في حفلات حلوه تنظمها الجامعه بين فتره و فتره في نوادي مختلفه مثل نادي الفنون و الرقص و الخيل و الرسم و الموسيقى و البحوث .....الخ (وااااييد فيه) و حته لو تبون تسوون نادي خاص فيكم تقدرون ـ حمامات الجامعه نظيفة و مرتبه (الا في بعض الاحيان) ـ البيئة جدا اجتماعيه مو نفس المدرسة يعني تقدرون تسوون صداقات بسهولة مع مختلف الجنسيات ـ اذا كنت ناجح كل المواد و مادة وحده رسبت فيها حصلت بين 45-49 راح ينجحونك فيها ـ اذا صار عندك ربيت مواد ف بكون تقريبا عندك شهرين في الصيف عشان تدرس و تقدم امتحان الاعادة ثانيا السلبيات: - ضغط مو طبيعي في الدراسة يعني مثلا عادي يعطونكم ثلاث او اربع دروس باليوم و كل درس 30 - 40 سلايد (كلش عادي) و في ايام اكثر ـ الكل عارف انه دراسة الطب بشكل عام صعبه، بس في هالجامعه بالذات تحتاج مجهود وايد اكثر عشان تنجح ـ النجاح من 50 بعضكم يمكن بيقول انه 50 شوي ف بنقدر ننجح بسهولة هههه بس لا مو شوي، نعاني عشان نحصل 50 ـ اذا كان مثلا عندك مادتين اعادة و في الاعادة حصلت في وحده 40 و الثانيه نجحت، بعد بتعيد السنه ،،، لازم تنجح في كل المواد الا اذا حصلت 45 راح ينجحونك هاي اللي اتذكره الحين ،،،، و اي استفسار انا حاضر |
||
التعديل الأخير تم بواسطة Dr.rcsi ; 24-04-2015 الساعة 08:06 AM |
|||
24-04-2015, 12:40 AM | رقم المشاركة : ( 2 ) | |
الحمد لله
|
موضوع جميل جداً وثري بالمعلومات المفيدة
أحسنت أخي |
|
24-04-2015, 02:09 AM | رقم المشاركة : ( 3 ) | ||
طالب مشارك
|
موضوع عجيب ..
تسلم عليه |
||
24-04-2015, 01:16 PM | رقم المشاركة : ( 4 ) | |
طالب مبتدئ
|
احين النجاح 50 من 100
يعني لو الشخص نجح ب50 فلمستقبل اذا صار دكتور بيكون دكتور ناجح وبيمشي عادي في شغله؟ |
|
24-04-2015, 03:12 PM | رقم المشاركة : ( 5 ) | ||
طالب مجتهد
|
هههههه اي عادي تحصلون ٥٠ لانه الجامعه صعبه و هاي مو معيار اذا الدكتور شاطر او لا
الشطارة انك تكمل دراستك و تثبت روحك في العملي |
||
24-04-2015, 03:21 PM | رقم المشاركة : ( 6 ) | ||
طالب مجتهد
|
و تذكروا هاي جامعه مو مثل المدرسةو اصلا محد يحصل ٧٠ و فوق الا العباقرة و مثلا انا كان معدلي في المدرسة ٩٤ و يصير عندي اعادة وايد (تقريبا ٧٠٪ من الطلبه يكون عندهم اعادة في مادة او اكثر و حتى الاجانب تره يرسبون و مال المدارس الخاصه ) و درجاتي تكون في الاعادة ٥٠ -٦٠ و اوصل ٧٠
|
||
التعديل الأخير تم بواسطة Dr.rcsi ; 24-04-2015 الساعة 03:55 PM |
|||
25-04-2015, 09:00 PM | رقم المشاركة : ( 7 ) | |
طالب مبتدئ
|
يعطيك العافيه اخوي
بس كذا شخص كلمته حسسني ان عندكم النجاح مستحيل و محتاج نابغه يحبطون الله يهداهم و انا سمعت ان سؤال واحد مقالي و هو الي عليه النجاح ؟ صح الي وصلني شكرًا |
|
26-04-2015, 02:08 AM | رقم المشاركة : ( 8 ) | ||
طالب مجتهد
|
هههه لو مستحيل جان محد نجح و مثل ماقلت انا شخص مهمل تره و كله ايمع علي و معدلي في المدرسة ٩٤ و فوق هاي يعني في مواد انجحها و في مواد تصير علي اعادة و في ناس مجموعهم ٩٨ في المدرسة و فوق هاي يرسبون السنه كامل بس انه مو صعبه لدرجة انه مستحيل تنجح ،،،، اذا درستو كل يوم و ما خليتو شي يتيمع عليكم بتنجحون يعني مثلا انا ادرس ايام الدوام العادي تقريبا ٤-٣ ساعات و يكون علي اعادة بس في طلاب ماشالله يدرسون لك في ايام الدوام العادي تقريبا ٦ ساعات و ينجحون و ماعليهم اعادة
بس سؤالك الثاني مافهمته اذا ممكن توضحه |
||
26-04-2015, 04:37 PM | رقم المشاركة : ( 9 ) | |
طالب مبتدئ
|
نظام الاختبارات عندكم .. نوع الاسئله تكتب فيها و تشرح ( مقالي ) و لا اختيار متعدد ؟
|
|
26-04-2015, 04:47 PM | رقم المشاركة : ( 10 ) | ||
طالب مجتهد
|
الفاونديشن كانت الدرجة النهائية من ١٠٠ متقسمه على ١٠ درجات على اختبارات قصيرة و ٩٠ على الاختبار النهائي ( ٦٠ درجة على الدوائر و ٤٠ درجة على سؤال و جواب)
و السنه اللي انا فيها الحين اللي بعد الفاونديشن JC1-JC2 بعد ١٠٠ درجة كامل متقسمة على ٥ درجات اختبارات قصيرة و ٥ درجات برزنتيشن و ١٥ درجة اختبار ال histology و ١٠ درجات اختبار اناتمومي و ١٥ درجة على سؤال و جواب و ٥٠ درجة على الدوائر >>> شوي خربطة هههه |
||
26-04-2015, 06:47 PM | رقم المشاركة : ( 11 ) | ||
Medicine
|
من ناحية الدراسة ، جامعتكم أفضل أو الخليج ؟
|
||
26-04-2015, 07:04 PM | رقم المشاركة : ( 12 ) | ||
طالب مجتهد
|
محد يقدر يقرر هالشي كل جامعه لها ايجابياتها و سلبياتها و في موضوع في القسم يقول الفرق بين الجامعتين
و لحد يقعد يتناطط الحين يقول لا هالجامعه احسن و ذيج احسن |
||
29-04-2015, 05:58 PM | رقم المشاركة : ( 13 ) | |
طالب مبتدئ
|
السلام عليكم
اخوي الحين متى اقدر اقدم على الجامعه ؟ و متى آخر موعد لتسليم الايلتز ؟ |
|
29-04-2015, 06:08 PM | رقم المشاركة : ( 14 ) | ||
مميز بالفصل الأول 2016-2017
|
اقرا الموضوع اللي ف الملتقى عن الجامعتين ... بعد ماقريته وقريت مقالات واجد قبله .. واراء اكثر من طالب .. وزرت جامعة الخليج .. بالنسبة لي الايرلندية افضل .. من عدة نواحي .. بس بالنسبة ليك ممكن الخليج تكون افضل ف اقرأ واسأل واجد قبل لا تقرر |
||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|