نوتات محمد آلوصآبي..إيكون 140..}

[موريانتس بطل]

^^

كلشي موجود في الرابط أختي ..!
جميع سلايدات روزلين والوصابي لـ الـ final موجودة في الملف ..!

جابتر 12 مو مطلوب رسميــا ..!

[ملاك92]

غريبه.. الملف الي نزل عندي فيه ملفين حق روزلين بس..

والباقي للوصابي وهشام..

[موريانتس بطل]

^^^

أختي .. اللي power point هذلين لـ روزلين ..
الـ pdf الوصابي ..
رفعته من جديد أختي :
موريانتس بطل

[ملاك92]

موريانتس.. كلمة شكر لا تكفي جهودك العظيمة..

ريحتني حقيقةً,, دعائي لك بالموفقية والسداد..

أعطاك الله على قدر نواياك الطيّبة..

[موريانتس بطل]

^^^

الله يخليكم أختي .. تسلمين ,, شكرا على دعائكم .. في الحقيقة أنا ألتمس منكم الدعاء وأنتون ما قصرتون ..!
موفقين جميعـا إن شاء الله ..!

[سحر الورد]

السلام عليكم...
لو سمحتون في احد يقدر يحط لينا شرح لجبتر 10 و11 لانه هم كل ما اراجعهم مو داشين مخي ما ادري ليش ما فهمتهم
ومشكورين مقدما

[موريانتس بطل]

^^^
بالنسبة لـ الشرح ,, أحس صعبة على أي واحد .. لان الـ Econ معقد شوي ,, يعني مو مثل الـماث والأكاونت سهل تشرحهم ..!

لنتمكن نى إللي فاهم ليهم عــدل يشرح لينـا وليه جزيل الشكر ..!

[سحر الورد]

اي على الاقل بس نبغي شرح الرسمات إلي في نوتات الوصابي
رحم الله والديكم

[دلـ ع دفشهـ]

^
ان شاء الله بحاول الليله أو باجر اشرح لش الرسمات مال جبتر 11 بس عشرة اعتذر لاني منيب فاهمتنها عدل ,,

[سحر الورد]

أوكي مشكوورة اختي ما تفصرين بدعي لش ليل نهار

[دلـ ع دفشهـ]

^
و هذا يلي نلتمسه منكم ,,
بالأول جيبي النوته و تابعي معاي,,

ص 2
الرسمتين و حده توضح منحنى الطلب للشركات التنافسية و الثاني الطلب و العرض لسوق,,
نرجع لورى في جبتر 3 ,,
عند تفاعل العرض و الطلب هم يلي يحددون p* , Q*
و الشركات تعتمد على الـ p* لانها ما عندها market power يعني ما تقدر تتحكم بالـ p ولو رفعوا السعر الناس ما بتشتري من عندهم خصوصا انه هذا النوع من الشركات يبيع نفس الصنف من البضائع لذلك نشوف انها بس تقدر تتحكم بالـ Q و لما يكون DC أفقي يكون perfect elastic و هني تكون مرونه الطلب انفنتي ( راجعي الوحده الرابعة) ,,


ص 4
يوضح الرسم مجموع الإيرادات TR يلي نقدر نطلعه من خلال ضرب Q*P ,,
راح يكون curve صاعد إلى الأعلى .. فتشوفين الجدول يلي على صوب فيه Q,P,TR,MR ..
الـ MR هو مقدار التغير من الإيرادات على الكمية (Q2-Q1 ÷ TR 2 – TR1) ,, و دائما القيمة الناتجة = قيمة P و من خلال هالقانون نقدر بعد نطلع مقدارsloping للـ TR ,,
و الحين تقدرين تستعملين القانونين تبع TR , MR وتتأكدين من الأرقام ^_^ ,,

ص 5

الرسم يوضح Profit \ loss و يتوضح من خلال منحنى الإيرادات و التكلفة ,,
Total profit = TR – TC , TC= TFC + TVC , TR= P * Q
TC > TR = Loss
TC<TR=Porfit
هدف الشركة انها تزيد من الإرباح ,, واحنا بنشوف النقطة يلي تزيد الإرباح في منطقة يلي بكون فيها profit يلي تكون ما بين النقطة a-b و اقصى مسافه بينهم بتكون النقطة max profit يلي تحدد لينا الكمية اللازم انتاجها لتحقيق اعلى ربح ,,
نشوف منطقة الـ loss تبدأ من 0-a و من b إلى مالا نهاية ,, طيب ليش هالمنطقة بالذات ؟؟
لانه نلاحظ انه قيمة TC curve اكبر من TR curve بعدين شوي شوي ينزل من قيمته ( طبعاً الإسباب مذكورة اعتقدر جبتر 10 ) لين ما يتقاطع مع TR و يستمر قيمته بالنزول فنحصل على ربح و رد مرة ثانية ترتفع قيمة التكاليف الأنتاجية مع زيادة الانتاج و هكذا إلى مالا نهاية ,,
** الرسمه يلي تحتها تماما مثل يلي فوق,,

ص 7

في هالرسم نوضح كل كمية انتاجية زيادة وش اثرت في profit
MC ( التكلفة الحدية = مقدار التغير في TC على مقدار التغير في Q ) هني في 3 حالات ,,

1. P > MC = increase profit
كمية الزيادة في الأنتاج زيدت معاها الإيرادات فزاد معاها الربح ,,
2. p < MC = decrease profit
كمية الزياده في الإنتاج زيدت معاها التكاليف فنقصت الإرباح ,,
3. p = Mc = Max profit or Min loss
لها تفصيل في ثلاث حالات بنطرق ليها عقب ^_^ ,,

نشوف الرسم بالأول منحنى MC كان تحت يعني انه اقل من P و عقب ارتفع و تقاطع يعني = مع p وبعدها صار اكبر من الـ p
ص 8

هني تفصيل لمن p = mc ,, عشان نعرف انه يعطينها اقصى ربح أو ادنى خسارة تكمل العمل أو لاء ,, نستخدم قانون ( شوفيه فوق في الصفحه و تابعي مراحله بدقه لين ما وصلنا للقانون ده ,,
Total profit = ( p – ATC) * Q

• P > ATC = + profit

الحين نطبق على القانون و الرسم مبين انه السعر = 5 و ATC = 3 , Q=20
نطلع الـ TR من خلال قانون ماله p*Q = 5 * 20 = 100 ( تتوضح لينه منطقة الأرباح في الرسم المربع العود OPBQ* )
اما الـ TC لو قلبنا الطرفين مال قانون ATC ( ارجعي للوحده 10 ) نقدر نحصل عليه من خلال ضرب ATC في Q* = 3 * 20 = 60 ) ) تتوضح منطقة التكاليف في المربع الأصغر 0ACQ*

P > ATC = + profit نقدر عشان نتأكد من هالشيء من خلال انه ننقص الإيرادات من التكاليف و اذا طلعت لينه الإجابه موجبة ( 100 – 60 = 40 ) او بالقانون ( 5-3 ) * 20 = 40 ,,
منطقة الربح تتمثل عندنا في المربع الصغير APBC هني الشركة تكمل العمل لأنه اجمالي الربح + ,,


ص 9
• P = ATC

بنفترض انه Q* = 20 , ATC=P=5 و من الرسم يبين انه ATC متقاطع = مع MC = P

يعني في هالحاله كلهم متساوين راح نحصل على Zero Profit او نقدر نقول انه نحصل بس على normal profit
Total profit = ( 5 -5)*20 = 0 *20 = 0
هني الشركه على راحتها بتسكر أو بتكمل و معظم الشركات تكمل ( الأسباب مذكورة ص 12 من فوق ) نحصل على shutdown point

ص 11

• P < ATC , P < ATC
تشوفين ATC اكبر من P ..
نفترض,,
D=ATC = 8 , PL=P=MC=5 , Q = 20 , PS = AVC = 4
** تذكير ATC = AFC + AVC
نطبق على القانون Total profit = ( 5 – 8) * 20 = -60 (( السالب هني هو لمجرد الدلاله على الخسارة))

هني في خسارة عشان نقول انه خلاص انه احنا راح نسكر لازم نقارن انه تكلفة TFC اكبر او اصغر من الخسارة نفسها ,, خصوصا وانه صاحب العمل ملزوم بدفع التكاليف الثابته في حالة الخسارة يعني مو نفس AVC
عشان نطلع AFC نستخدم القانون مال ATC بس نقلبه يعني نطرح ,,
AFC = 8 – 4 = 4 ,, نطلع الـ Total من خلال ظربها في الكمية المنتجه 4 * 20 = 80
نشوف انه التكاليف الثابته اكبر من خسارتنا فيفضل الأستمارية في العمل

ص 13

منيب متأكده عدل بس بحاول و انتي بعد حاولي تقرأين الشرح يلي على صوب يمكن تفهمين

MC نفسه هو منحنى العرض ,,
* منحنى العرض= MC راح يكون Perfect elastic يعني مستقيم في حال p = AVC لانهم ما يحصلون على ارباح او خسارة ,,
*منحنى العرض = MC راح يكون موجود تحت AVC اذا كان P < AVC
*منحنى العرض= MC راح يكون فوق AVC في حال P > AVC

ص 16
الرسمة الأولى توضح التأثير على السعر و الثانية على الكمية ,, كل ما زاد عدد الشركات يلي ادش نفس نوع من العمل و تنتج نفس الصنف يزيد العرض و يصير له Shift لـ rightward ولمن يزيد العرض يعني تزيد الكمية و تهبط الأسعار ,, ( s1 to s2) هبط السعر من ( p1 to p2 ) و نلاحظ في الرسمة الثانية كيف تغيرت الكمية من Q1 to Q2 وإنه حتى الـ ATC , MC قلو و بيستمر السعر في الهبوط لين ما تطلع شركات من السوق و تقل الكمية مع هالشيء و نحصل على Q*



سامحيني هذا يلي الله قدرني عليه اذا في شيء مو واضح او شيء عذريني الـ ECON صعب انه ينشرح و خصوصا الرسمات ^_^ ,,

[موريانتس بطل]

^^^^

يــــا ســـــلام ..!

تسلمين أختي ,, شرح مميز ..

الله يعطيش العافية .. ما قصرتين والله ..! في ميزان حسناتش إن شاء الله ..!

بالتوفيق يـــا رب ..!

[سحر الورد]

مشكووورة اختي .. الله يعطيج العافية ما قصرتين
شرحج وافي وواضح تسلمين الله يوفقج يا رب

[دلـ ع دفشهـ]

المشاركة الأصلية كتبت بواسطة موريانتس بطل

^^^^

يــــا ســـــلام ..!

تسلمين أختي ,, شرح مميز ..

الله يعطيش العافية .. ما قصرتين والله ..! في ميزان حسناتش إن شاء الله ..!

بالتوفيق يـــا رب ..!

الله يسلمك ,,
عاد ما نوصل لشرحكم المميز ,,
اجمعين ان شاء الله ,,

المشاركة الأصلية كتبت بواسطة سحر الورد

مشكووورة اختي .. الله يعطيج العافية ما قصرتين
شرحج وافي وواضح تسلمين الله يوفقج يا رب

و يعافيج كنت خايفه انش ما فهمتين او شيء,,
أجمعين ان شاء الله ,,

[موريانتس بطل]

^^^

بالعكس أختي .. شرح الـ Econ أصعب بمليون مرة من الـ Acc ...!

توي ألحين قاعد أراجع فيه ,, الصراحة perfect ..

شكرا أختي ..! :)