التسجيل | التعليمـــات | التقويم | مشاركات اليوم | البحث |
|
إستراحة مدرسية لكل المواضيع الدراسية العامة |
|
أدوات الموضوع | إبحث في الموضوع | انواع عرض الموضوع |
04-02-2015, 12:49 AM | رقم المشاركة : ( 1 ) | ||
بياننَ ،
|
- الاستعداد للفصل الدراسي الجديد -
السلام عليكم و رحمة الله و بركاته ،،
قبل مدة طويلة حظرت احدى الندوات ، عند مدرب " برمجة لغوية عصبية " ، و كان عنوان الندوة " الاستعداد للفصل الدراسي الجديد " فَ حبيت اني افيدكم بالاشياء الي دونتها حق استفيد منها في البداية , الركائز الاساسية للنجاح , هي 3 ركائز ( تنظيم الوقت / الذاكرة / المذاكرة ) | تنظيم الوقت | 1. استخدم الـ Diary - ارسم الاهداف و دونها جميعها يمكن البعض يستنكر ، بس طريقة مفيدة ، وماتضر اذا جربتونها ، كل يوم لما تقعدون من النوم اكتبو ويش تبون تسوون في هاليوم ، و اي شي حتى لو كان صغير كتبوه ، و كل ماتخلصون من شي شطبو عليه ، هالشي بساعد ع انك كل يوم تحقق اهدافك ، و تحس بالوقت زيادة ، و يعطيك المزيد من القدرة على التنظيم 2. وقت المذاكرة من 35 - 45 دقيقة أي يعني , لما الشخص يجي يراجع , مايراجع بطريقة متواصلة لمدة 3 ساعات فرضا ، لا , انما يراجع متواصل لمدة اقصاها 35 الى 45 بعدين يوقف شوي , بريك خمس دقايق و يرجع يكمل بعدها 3. حدد الاوليات أي يعني ابدا بالاهم قبل المهم * حاولو تنظمون وقتكم قد ماتقدرون , و استغلوه بطريقة صحيحة , تنظيمكم لوقتكم بسهل عليهم العملية الدراسية , وانكم تحققون اكثر قدر من الانجازات * | الذاكرة | 1 . ابتعد عن المكروهات المكروهات تضعف الذاكرة , و من اكثر المكروهات الي نسويها , او الشائعة , شرب الماي واحنا واقفين , او تمشيط الشعر من وقوف , و غيرها من المكروهات 2. شرب الماء شرب الماي يساعد على التذكر و زيادة التركيز , بسبب ان الماي يحتوي على كمية كبيرة من الاكسجين 3. اخذ نفس عميق التنفس بشكل عميق يساعد على زيادة التركيز بعد 4. التحفيزات الايجابية دائما حطو ف بالكم او اقرو عبارات ايجابية , اذ ان ليهم تاثير كبير * عشان يكون في اثر للدراسة , لازم تكون الدراسة بتركيز , و لازم تحاول تتذكر كل شي سويته , ف تحاول قد ماتقدر تسوي اشياء تزيد من التركيز * | المذاكرة | 1. التعامل بالطريقة المرنة استخدم الخرائط الذهنية , يعني جيب ورقة بيضة , و 3 الوان , عقب كل درس تراجعة سو حقه خريطة , ومو لازم تكتب كل شي بالتفصيل , انما خريطة شاملة للعناوين و رؤوس الاقلام , و لاحظ ان تستخدم 3 الوان بس , و استخدم الرموز او الرسوم ^ الخريطة الذهنية بتكون بسيطة و شاملة , بتساعد ان لما تطالعها عقب فترة تتذكر العناوين و رؤوس الاقلام و بهذا بتراودك التفاصيل , بس انما الهيكل الرئيسي سبب حق تتذكر , اما الثلاث الوان في نظريات تقول ان العقل مايستوعب اكثر و ان 3 الوان تساعد على التذكر بالضبط و نفس الشي الرموز 2. اختيار بقعة للمذاكرة لازم تحطون لروحكم مساحة , بس تكون حق تراجعون فيها , و تحطون ف بالكم ان هذي المنطقة بس للمراجعه , ماتحملون وياكم تلفون ولا اي شي يخليكم تلهون او تنحادون عن المذاكرة , و اذا كنتون تبون تستخدمون تلفونكم , اطلعو برا هذي المساحة وعقب استخدموه و لين خلصتون ارجعو , لما تسوون جدي العقل اللاواعي , وية مرور الوقت بترجم و بيتعود ان هذا المكان للمراجعة بس , ف كل ما تقعد في بس بكون تركيزك ان تخلص جزء المذاكرة الي عليك بفعالية , و بتركيز اكبر 3. رفع سقف الاهداف للمذاكرة قبل ماتبدون , حطو ف بالكم وش تبون تدرسون وويش الي لازم تخلصونه وويش بتسوون , و بتلاحظون وية مرور الايام , كل ما جا ليها اهدافكم بتخلص بسرعة و بتعرفون تتحكمون بالوقت 4. الكتابة ثم الخيالية هذا يعني ان عقب ماتخلصون المراجعة , مو بس تصك الكتاب و تقوم , امهل ربع ساعة و بعدين غمض عيونك , و تخيل ان انت فالامتحان و قاعد تحل , وتحط اسئلة ف بالك و شلون بتحلها ولو جاك سؤال صعب شلون بتحله " الخيال الابداعي ينتج النجاح الحقيقي " أي ان هذا الشي يساعد واجد على ان تحققون اهدافكم وقت ماكنا نناقش هذي النقطة , كان مثال طرحون علينا و هالمثال كان : نغمض عيونا , و نتخيل ان احنا قاعدين في الصالة , شوي نروح للمطبخ و نتخيل بالضبط شلون كنا قاعدين و شلون مشينا وويش الطريق , لما نوصل المطبخ , وعقب لين دشينا المطبخ , نطالع ندور الثلاجة , نفتح الثلاجة و ندور مكان الليمون , و نطلع ليمونة , و نروح و نقصها , ونعصرها ناكلها , جميع الي كانو مركزين جدا و متخيلين الموقف تماما تغيرت تعابير وجهم و كانه حقيقة او ان حسو بقشعريرة ف حلقهم كانه الحموضة صدقية 5. احذر بقعة الادراك العمياء , ضع لنفسك بقعة ادراك خضراء هذي النقطة وضحت لينا بمثال , المثال كان : لما الام تجي تقول " فلان روح هالمكان و جيب ليي العلبة الي لونها اصفر " , وانت ماشي بتروح تجيبها تقول لك الام ادري ان مابتجوفها بس يالله , و طبعا انت تسمع كلامها وفي اللاوعي يثبت مخك ( مابتجوفها ) ف تروح المكان و تطالع و فعلا عقلك يترجم انك ماتجوفها مع ان هي موجودة وانت ماتجوفها , ف ترجع و تقول " ماجفتها " هذا مايسمى ببقعة الادراك العمياء و حتى الي امهاتهم مايقولون " مابتجوفها " بس هو يمكن كموقف سابق ماجاف شي ف يرد عقله الباطني يترجم " مابتجوفها " دائما حط لنفسك بقعة ادراك خضراء , و ان اذا تبي شي بتوصل له وبتحصله 6. التغذية - الاكسجين - الحب - العاطفة - المعلومات - الماء حافظ على توافر هالاشياء 7. تعدد الذكاءات " الذكاء الشخصي , الروحي , الايماني , العددي , الابداعي , الجسمي .. الخ " احرص على تعدد الذكاءات بداخلك , اذ ان تعدد الذكاءات يساعد بشكل كبير جدا على النجاح و تحقيق الاهداف بشكل سليم 8. اللفظي العددي " العد العكسي " هذا الشي العد العكسي ينمي قدرة المخ على التركيز و الابداع بشكل كبير , و ليه جوانب ايجابية كثيرة , حاول مو شرط بروحك ولو وية مجموعة , عدو بالعكس , 10 . 9 . 8 , طبعا باللغغتين عشان التاثير يكون كبير , و لين اتقنتون مثلا من 10 الى 1 , زيدوها سووها من 20 الى 1 , و هكذا لما توصلون لاعداد كبيرة , بكون تحدي و اثارة و حماس , وفي نفس الوقت متعة و فايدة 9. ابتعد عن دائرة الارتياح , اقترب من دائرة الامتياز يعني , المساحة الي خليتها للمراجعة , لا تكون بعيد منها واجد وتروح للدائرة الثانية الارتياح دايما تلعب و تضيع وقت فالفراغ , حاول قد ماتقدر تحقق اهداف اكبر في دائرة الامتياز 10. المحاكاة _____________ * اتبع مثلث مرسيدس * ______________هذا مثلث مرسيدس .. او بالاخص " نظرية مرسيدس " والنظرية على ثلاث محاور : 1. التفكير الداخلي 2. الشعور الداخلي 3. السلوك الخارجي و هالمثلث , اي تغيير يطرأ على احد اركانه , بسبب تاثير للاركان الثانية - التفكير الداخلي : هو التفكير الي يطرأ على بالك , على سبيل المثال : تذكر موقف محزن - الشعور الداخلي : المشاعر و الاحاسيس الي تنتابك بعد تفكر بالشي الي طرا ع بالك , مثال : مشاعر اسى و حزن - السلوك الخارجي : الوضع الجسماني الي تتخذه و السلوك الي تسويه لحظة الشعور بالاحساسيس , مثال : التنهد لما تحس بالحزن و انحناء الظهر قليلا لو بنلاحظ كل هالاطراف مرتبطة ببعضها ! يعني , كنت قاعد عالبحر .. تذكر موت شخص عزيز .. بتحزن .. و بتتغير التعابير و السلوك لكن اذا قمت تتمشى , و فكرت في شي ثاني , شي جميل او حدث حلو مثلا حفل التخرج .. بتتغير مشاعر الحزن الى سعادة , بتبتدي تفكر و تتذكر الاحداث الي صارت بالضبط , تتذكر شلون كان شعورك و تحس بالفرحة الي حسيتها في ذيك الحزة , و بتتغير تعابير الوجه و يمكن تسرع من خطواتك لما نكون في وضع احباط , نحاول نغير من وضعيتنا , و نغير التفكير , اثر هذا الشي كبير جدا , و يساعد واجد , و في حديث للرسول عن ان تغيير الوضعية يؤثر , بس للاسف مادونته و في ناس واجد , جربوها و فعلا كانت تنفع وياهم و اخيرا , سلم التعلم سلم التعلم يحتوي على اربع مراحل 1. عدم المعرفة بلاوعي - العقل الواعي واللاواعي مايعلم عن المهارة شي 2. عدم المعرفة بوعي - العقل الواعي يعلم بس مايعلم عن المهارة 3. المعرفة بوعي - العقل الواعي يعلم و يعلم عن المهارة وية ضرورة التركيز 4. المعرفة بلاوعي - العقل اللاواعي يعلم و يعلم المهارة بدون تركيز * مثال * 1. عدم المعرفة بلا وعي : شخص مايعرف السيارة ولا يعرف يسوقها 2. عدم المعرفة بوعي : شخص يعرف السيارة بس مايعرف يسوقها 3. المعرفة بوعي : شخص يعرف السيارة و يعرف يسوقها بس مايقدر يسوي اي شي الا لما يركز , مثلا اذا بغير القير لازم يطالعه 4. المعرفة بلا وعي : شخص يعرف السيارة و يعرف يسوقها و يعرف وهو يسوق يادي اكثر من وظيفة مثل الاكل او اللعب بالتلفون هذي مراحل الاستفادة من سلم التعلم .. عشان نوصل حق العقل اللاواعي - لزما نستخدم البوابة الرئيسية ليه و هو " العقل الواعي " و خلال الندوة كان عندنا نشاط توزع على كل فرد بالونة و عود اسنان كان الطلب الاول ان ننفخ البالونة ونربطها , و الثاني ندخل عود الاسنان بدون ماتنبط البالونة الي دخلوها ومانبطت فئة قليلة جدا , المعظم مادخله او دخلة و انبط كانت الطريقة السليمة عشان ندخل العود , لمن ننفخ البالونة و نربطها نلاحظ ان وسطها مشدود جدا , لكن ف نهايتها مكان الربطة تكون المنطقة لينه ف هذا كان مثال يوضح ان تدخيل المعلومات لازم يكون بالطريقة المرنة , و اذا كان لا فانه ادى الى انفجار البالونة بس فالواقع بكون له تاثيرات طبعا مثل ماتاثر البالونةة و اختم موضوعي , و اعتذر عن اللغة #ماحب اكتب بالعربية الفصحى استخدم منها كلمات بس اي استفسار حاضرين <3 , و السلام عليكم - Beno
|
||
04-02-2015, 01:13 AM | رقم المشاركة : ( 2 ) | ||
-
|
عجيب الموضوع حبيته .. جداً مفيد يعطيج العافية تم تثبيته لـ الاستفادةة |
||
04-02-2015, 08:54 PM | رقم المشاركة : ( 3 ) | |
طالب مبتدئ
|
عجبني الموضوع واجد
و استفدت منه.. اشكرش ع حسن تعاونش |
|
06-02-2015, 07:29 PM | رقم المشاركة : ( 4 ) | ||
بياننَ ،
|
|
||
07-02-2015, 04:51 PM | رقم المشاركة : ( 5 ) | |
طالب مبتدئ
|
قرأت كل كلمة و فعلا الموضوع يستحق التثبيت
و شكرا لهاذا الطرح الرائع |
|
31-07-2015, 08:47 PM | رقم المشاركة : ( 6 ) | ||
طالب مبتدئ
|
عجبني الموضوع
واستفدت منه |
||
01-08-2015, 01:20 PM | رقم المشاركة : ( 7 ) | ||
سًـبّحانك يا اللهِہ
|
جميلة beno وموضوعاتك رائعة وفقتي وأعبر لكي عن شكري أعجبني جدا الموضوع سلمت أناملك
|
||
03-08-2015, 10:11 AM | رقم المشاركة : ( 8 ) | |
طالب مبتدئ
|
قمة في الورعة
|
|
04-08-2015, 12:57 AM | رقم المشاركة : ( 9 ) | |
طالب مبتدئ
|
موضوع اكثر من رائع شكر
|
|
11-08-2015, 10:46 PM | رقم المشاركة : ( 10 ) | |
طالب مشارك
|
عجبني واجد بصراحه ..
في قمة الروعة يعجز لساني مشككوووره وواااججدد |
|
24-08-2015, 09:42 PM | رقم المشاركة : ( 11 ) | ||
طالب نشيط
|
مشكوورة خيو
|
||
24-01-2016, 11:52 PM | رقم المشاركة : ( 12 ) | |
طالب مبتدئ
|
ما هي المواد للصف الثاني ثانوي تجاري الى الفصل الثاني
|
|
03-02-2016, 09:04 PM | رقم المشاركة : ( 13 ) | |
طالب مبتدئ
|
مشكورة خيو ... موضوع مفيد
|
|
05-02-2016, 01:44 AM | رقم المشاركة : ( 14 ) | ||
❥ Civil Engineering
|
|
||
01-06-2016, 07:51 PM | رقم المشاركة : ( 15 ) | ||
طالب مشارك
|
مشكورة خيو
|
||
مواقع النشر (المفضلة) |
|
|