التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
|
المنتدى التكنولوجي كل ما يتعلق بالكمبيوتر و مستلزماته ، الإنترنيت ، برامج و غيرها |
|
أدوات الموضوع | إبحث في الموضوع | انواع عرض الموضوع |
25-04-2009, 12:17 AM | رقم المشاركة : ( 1 ) | |
طالب مبدع
|
|/ وانــــدرـ eR ـــ (1) ـــيات \| وش تسوون بالكمبيوتر ؟!
بسم الله الرحمن الرحيم
في البدايه ابدأ الموضوع بتقديمه وتوضيحه .. واندرريات هو موضوع يناقش مشكله مستفحله ومستشريه في المجتمع والمدرسه وفي حياتنا اليوميه بشكل عام .. وش تسوون بالكمبيوتر ؟! وش تسوون بالكمبيوتر .. إلى من يوجه هذا السؤال ؟ .. السؤال هذا يوجه إلى من صار لهم اكثر من نصف عقد من عرفوا الكمبيوتر والانترنت .. بالخصوص اللي مايعرفون غير تصفح النت ! يعني احيانا تستغرب من البعض تطلب منهم اي شغله حتى لو على برنامج مشهووور او حتى على برنامج عام مثل برامج الاوفيس .. يتوهقون ؟ في مقررات الكمبيوتر اللي ندرسها .. ساعات تشوف ااوادم ماتعرف اتسوي شي ! حتى اشياء عاديه موجوده في كل البرامج مثل فتح الملف وحفظه ومادري وش .. وتعال علمهم ووقعه .. على الرغم من انه السالفه واضحه حتى بدون تعلم لكن المشكله كالعاده انهم مايعرفون شي بالانقليزي .. يعني حتى المواقع اذا مو عربيه مايفهمون فيها وهذا الشي اللي يخليني اسال هالسؤال .. ويش يسوون مايجربون شي جديد مايعرفون شي غير الانترنت مادري شلون انا تجيني حالات ملل مو طبيعيه من النت واجرب برامج جديده او اعدل في الكمبيوتر .. في النهايه احنا في اتنظار آرائكم حول هذه المشكله المستشريه واذا في احد من هالجماعه لايقعد يهاجم خله يجرب اشياء جديده ترى والله شي حلو المعاووس بالكمبيوتر |
|
25-04-2009, 12:34 AM | رقم المشاركة : ( 2 ) | |
مراقب إداري
|
تسلم يا واندرر ..
انا بصراحة يقهروني الاوادم الي مايعرفون حتى لهالشغلات .. كوبي و بيست يقولون لك شلوون .. و لين بتعلمهم شي لازم خطوة خطوة .. قبل يمكن تعذرهم لان مافي كمبيوتر في كل بيت .. الحين كل بيت فيه على الاقل كمبيوتر واحد .. و الغريبة لين تشوفهم 24 ساعة عليه .. و بعد مايفهمون في سوالف البرامج و جذي .. انا مادخلت معاهد و لا دورات كمبيوتر .. كل شيء تعلمته بروحي .. السوفتوير كان سهل .. الهارديور صارت انفجارات و حرايق و خربت قطع لكن نتعلم في بعض الاشياء حفظتها من زود ما سويتها .. ساعات يتصلون لي ناس عندهم مشاكل اقولهم حل المشكلة و انا مو قدام الكمبيوتر عادي .. المفروض يعني بدل مسنجر و تصفح انترنت يتعلمون شي مفيد |
|
25-04-2009, 12:43 AM | رقم المشاركة : ( 3 ) | |
طالب مبدع
|
هلا المقهوور ..
شكرا على المرور الطيب .. والله لو زين يروحون دورات ماعليه اهم شي نفتك بالنسبه للتعلم السوفتوير مثل ماقلت سهل .. الهاردوير للحين ماجربته وقت اللي يصير الكمبيوتر خاص بي بفجره انا وصل بي الحال للعبث بالتلفونات كانت تجربه ناجحه برفع صوت الـ k800 لكن وبعد تركيب درايفر كاميرا من درس عربي احترقت الكاميرا وكان الحل فرمتة التلفون لكن انا بندته وعقبها شلت البتري ويوم جيت بشغله ما اشتغل |
|
25-04-2009, 12:54 AM | رقم المشاركة : ( 4 ) | |
مراقب إداري
|
العبث بالتلفون انا كنت بسوي حركة تطويل الصوت بس لو سويتها يروح الضمان .. فلين خلص بسويها ان شاء الله ..
لان في واحد سواها و صار الصوت كانه ستيريو و اشتروه من عنده ناس كويتيين بـ 200 دينار مع ان الي مسوي الحركة ماخذ التلفون مستخدم بـ 70 دينار .. يعني فايدة 130 بس مرة صادتني مشكلة في التلفون و قمت سويت باك اب و غيرت السوفتير و انحلت و بعدين سويت ريكفري و رجع نفس ماكان ( بس بدون المشكلة ) |
|
25-04-2009, 12:57 AM | رقم المشاركة : ( 5 ) | |
طالب مبدع
|
استوى الصوت استيريو
اي تلفون هذا |
|
25-04-2009, 01:04 AM | رقم المشاركة : ( 6 ) | |
مراقب إداري
|
مو انا اقولك بس شفت التجربة يعني
على تلفون k750 |
|
25-04-2009, 05:22 AM | رقم المشاركة : ( 7 ) | ||
صلاتكَ ليست لهم .
|
علاقتي مع الكمبيوتر .. بدأت أيام ما كنت في الروضة ..
أذكر كانوا يعطونا سيدي .. حديقة الحروف فيها كل الصنوف .. تعلمنا القراءة بحروفها الوضاءة وبالروضة عرفت أساسيات الكمبيوتر .. يعني ماوس كيبورد هالأشياء .. مال جهالوا .. / أني يسموني في البيت الكمبيوترجية .. ! يعني كل الأشياء اللي ما تنحل بالكمبيوتر أحلها ليهم .. شي خراب .. معفس .. برنامج مو راضي يركب .. واير ما يشتغل .. فايروسات .. والصلاة اعلى النبي من ألمس الشي يشتغل ولو حاولوا فيه دهور ما يشتغل ليهم .. وذبحتي شي أسمه التعفيس في الإنترنت عن برامج .. ما ضل برنامج ما ركبته وتعلمت عليه .. أعرف أشتغل على الفلاش .. وأعرف أشتغل على الفوتو .. واشتغلت على الفرونت والنيمو .. والجولد وهذي سالفتي يا حاطة يا حاذفة .. وجربت برامج تسريع .. برامج علشان نسوي غلاف حق السيدي .. برامج تصميم .. برامج حماية .. برامج نسخ سيديات .. برامج حق تواقيت الصلاة .. برامج صور وتحويل صوتيات عندي خير برامج حق قفل الميموريات . .برامج إسترجاع الأشياء المحذوفة .. برامج نظام .. يا أركب في الفيستا .. ورد بعدين أقلعه .. ما أحبه .. يعني كل أنواع البرامج عندي .. من أصغرها لي أكبرها .. وهذي اللي فوق نبذة بسيطة .. ومستحيل يجي شهر مو منزلة ليي شي جديد .. أنزل ليي ثيم حق الكمبيوتر .. مسنجر جديد .. برامج تغيير الخلفية .. يعني أسويي ليي شغل .. / أما عن الوورد وهالأشياء .. طبعاً فيهم إحتراف أني .. لأني كنت يوم صغيرة أحب أعفس .. وواجباتي أسويهم كله بالكمبيوتر >> راقية .. الحين أحس كل الأشياء أسهل لو أسويها بالكمبيوتر وأطبعها من أسويها بأيدي .. وطبعاً للبحوث دور أساسي جحتونا طول 12 سنة .. لا وأسويي ليي مسابقات تتييب علشان أحسن روحي فيه .. في إعتقادي .. كل شي في الكمبيوتر بالتعلم .. وحب الفرد ليه .. يعني إذا الشخص ما يحب يتعلم الكمبيوتر فما بتجي ليه الرغبة إنه يستكشف الأشياء اللي فيه .. وما بيعرف يشتغل .. / نجي للأنترنت .. الأشياء اليومية اللي أسويها .. أفتح هوتميلي .. وطبعاً ما أحب المسنجر خير شر .. يعني المسنجر وسيلة لفتح الهوتمييل لا أكثر أروح للمنتديات والمواقع الأدبية .. وأقرا أقرا أقرا .. ليما أحس روحي متشبعة أدبياً .. أو أنزل ليي كتاب .. رواية .. قصة .. واقرا فيهم .. بعدين أروح لقروبي واطرش الرسايل اللي فيه .. طبعاً الحين مزدهر ما شاء الله فيه 4306 عضو .. وبعدين أدور في المنتديات إلا أني مشاركة فيهم .. عندي منتدى أني مشرفة فيه .. والثاني ملتقى الطلابي .. وبس .. هدرت واجد .. بس الموضوع فن .. يسلموا |
||
25-04-2009, 09:48 PM | رقم المشاركة : ( 8 ) | |
طالب مبدع
|
^
ماشاء الله بس عندي سؤال اذا كان الوندوس تبعش xp من وين الثيمات الحلوه .. انا كل ما ادور يطلعون دفشييين |
|
26-04-2009, 04:20 AM | رقم المشاركة : ( 9 ) | ||
صلاتكَ ليست لهم .
|
أي هم دفشين ..
بس بالتعفيس تحصل ثيمات حليوة .. http://www.howtogeek.com/howto/windows/sweet-black-theme-for-windows-xp/ هذا ثيمي .. |
||
26-04-2009, 05:57 PM | رقم المشاركة : ( 10 ) | |
طالب مبدع
|
اوه عجيييب هذا
|
|
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|