~ أيامنا ( » jO7 « ) الرمضانيہ ~

[jro0o7]

السْلام عليكم

رمضان كريم .. كل عام وانتوا ابخير [] !

اول شي حبيت اشكر الاخت نوَار على هالفعاليه .. يعطيج ألف عآفيه

همسْه : جوفي الحركه ع الواو صح ولا لا [] ؟

اهداء لكم قبل مانبتدي

inshaallah - Maher Zain

.


.



المهم ،، اليوم كـان فيه عجأه كتتير .. وه غصيت

نبتدي ع بركـه الله :)

اول شي عِند صلاه الصبح

[ 3:56 AM ] بالتحديد قمت للصلاه ،، طبعاً كانت حزتها الكهربه منطفيه ،، بعد ماشتغلت صورت الصوره




بعد ماخصلت الصلاه قلت بانتظر لي ماتشتغل الكهربه وباقرأ قرآن وجم دعاء ..

رحت انسدحت شوي فـِ هالحر [] .. وكلها 5 دقائق واشتغلت الكهربه !

[AM 4:25 ] فتحت القرآن وتميت اقرأ لي ماعيوني صكت خلاص



اَللّهُمَّ لا تَخْذُلني فيهِ لِتَعَرُّضِ مَعصِيَتِكَ ، وَ لاتَضرِبني بِسِياطِ نَقِمَتِكَ ، وَ زَحْزِحني فيهِ مِن موُجِبات سَخَطِكَ بِمَنِّكَ وَ اَياديكَ يا مُنتَهى رَغْبَةِ الرّاغِبينَ

انسدحت عن يازعم بارقد بسْ ماياني نوم .. رحت قعدت ويه امي شوي ونخطط اشبنسوي اليوم للفطور

ياكثرها من تخطيطات على 5 انفار في البيت

.
.

رحنه نرقد والنومه واصله ألف [] !

قعدت ع الساعه [PM 1:32] وصليت ورحت المطبخ اسْاعد امي

هالسْنه امي ع قولتها نازل علي الوحي

اول شي لفيت السبرنغ رول .. و سويت الحشوه ع جبن

هاي اللي سويته



بعدين امي قعدت اتلف وياي .. وسوت حشوتين [ 1. جبن مالح وزعتر – 2. سبانخ ]

وهاي اللي سوته اهيه



اي احلى [] ؟

بعدين واخيراً قدرت اهرب مِن المطبخ

رحت اطالع التلفزيون شوي ..

وجفت هاي وقمت اطالعه .. عجبني الصراحه ! فيه خيال وايد



بعدين خلص ابسرعه وفريته ع البحرين

كانوا حاطين ليلى 2 .. طالعت اشوي منه



رديت المطبخ وقمت اطالع امي اشلون اتقشر الربيان .. كان ودي اساعدها بس شسمه ماحب اقشر >< !

على ماتقشر الربيان طلعت الخضره حق السلطه



تميت فتره وآنا اسوي فيه نسيت روحي [] !!







الوقت مشى ابسرعه وقررت ع امي نستخدم اليد السحريه

المهم رحت اسوي العيش وطلع ليِّن للأسف





و سويت قيمات بعد وطلع مادري شلون مب منتفخ :( و غير اللي طفرت علي جنها صاروخ وحرقتني



امي سوت الشربت وقلت لها اتصوره .. كلش ماصارت واضحه الصوره
..



احين حزه الشوربات ،، امي سوت شوربه ع دياي





وهاي المقادير والطريقه للي يحب يسويها [] .!

المقادير :

1 مغلف كنور شوربه الشعيريه بالدجاج
4.5 كوب ماء ساخن
1 صدر دجاج بدون عظم مقطع شرائح رفيعه
1 كوب سبانخ مفرومه
1 حبه جزر متوسطه مقطعه اعواد رفيعه
0.5 كوب بازلاء خضراء مجمده
ربع كوب توفو مقطع مكعبات
4 م طعام صلصة طماطم
1 م طعام زيت نباتي
2 م طعام كزبره خضراء مفرومه
1 م طعام نشاء الذره مخلوط مع 3 م طعام ماء
1 م طعام صغيره زنجبيل طازج مفروم
0.5 م طعام صغيره فلفل اسود

الطريقه :
1- سخني الزيت في وعاء متوسط ثم اضيفي الدجاج والزنجبيل وحركي لمده 4 – 5 دقائق
2- ثم اضيفي كلا من الماء الساخن، السبانخ، الجزر، البازلا، صلصه الطماطم، والفلفل الأسودواطبخي لمده 5 دقائق
3- اضيفي مغلف الشوربه الى الوعاء مع خليط النشا حركي جيدا ثم اطبخي لمده 5 دقائق. اضيفي كلا من التوفو والكزبره الخضراء واطبخي لمده 4 – 5 دقائق اخرى حتى تنضج الشوربه ويسمك قوامها
4- صحه وعافيه

و الربيان استوى كمان



وهاي صوره جماعيه تذكاريه [ العيش آنا امسويته والربيان امي ]



آنا سويت شوربه كريمه القرنبيط





وهاي المقادير والطريقه للي يحب يسويها [] .!

المقادير :

1 مغلف كنور شوربه كريمه الدجاج
5.5 كوب ماء ساخن
2 كوب قرنبيط مقطع
2 م طعام زيت نباتي
1 حبه بصل ابيض متوسطه مفرومه
0.5 كوب جبنه تشيدر مبشوره
ربع م صغيره فلفل ابيض

الطريقه :

1- سخني الزيت في وعاء متوسط ثم اضيفي البصل وحركي لمده 2 – 3 دقائق او حتى يذبل البصل
2- اضيفي كلا من الماء، القرنبيط والفلفل الابيض واطبخي لمده 15 دقيقه او حتى ينضج القرنبيط
3- اخلطي الشوربه في خلاص كهربائي حتى تصبح ناعمه ثم اعيديها الى الوعاء
4- اضيفي مغلف الشوربه واطبخي لمده 10 دقائق
5- اضيفي الجبن المبشور ثم اسكبي الشوربه في طبق التقديم
6- صحه وعافيه


اي احلى [] ؟


الوقت صار [ PM 6:15] .. رحت اقلي السبرنغ رول





بعدين اذن

رحت اصلي وبعدين تفطرنه وشحنت بطني الحمدلله وبعدها رحت اقرا قرآن شوي



قعدت ع المسن شوي وتصفحت الملتقى و توجهنه لـ مجمع العالي

وبالتحديد حق بيت الأزياء عشان آخذ المراييل والأقمصه ,, عبالي مكتوب في الرصيد 18/8 طلع 18/9 !! :(



افترينه اهناك اشوي دشيت pink وشريت لي جوتي ثاني عادي



طلعنه من المجمع ورحنه بيت امي العوده []! توني بادش الا اهيه

بتطلع << مالحقت تتفطر

قعدنه شوي ولعبت ويه بنت عمي []! اخخ مجعتها تمجع

طلعنه متجهين للبيت وفـِ طريجي جفت الابطال متيمعين .. خفت اصورهم بعدين يعتقلوني []!



ردينه البيت .. شربت شاي وكليت مكسرات





طالعت باب الحاره شوي



ورحت بعدين اسوي فطاير حق السهره





وصلت الساعه 12 واعلنت عن بدأ يوم جديد ..






همسه حق ماما : ثنكسْ خليتيني ادش المطبخ واعفسْ ع كيفي .. ولا انتي ماترضين احد يدش هالمكان المقدس !! << [] ..

[صدى الذكرى]

جروح يوم ممتع والله

احس ذبحتين روحش على تنسيق الموضوع

هع .. ابطال النينجا

بس كشخة .. عجبني الموضوع

[jro0o7]

المشاركة الأصلية كتبت بواسطة صدى الذكرى

جروح يوم ممتع والله
احس ذبحتين روحش على تنسيق الموضوع
هع .. ابطال النينجا
بس كشخة .. عجبني الموضوع

اي تعبت .. ظهري انكسر

هاي امي اتسميهم جذي

تسسْلمين خيو .. من ذوقج

[Albalushi]

هههههه
يوم رائع عجبني
وطرحج للموضوع منظم
يعطيج الف عافية
وعقبال ما يصير عندج مطبخ خاص وتلعبين فيه على راحتج
بس حاسبي لا تحرقين روحج وية اللقيمات

[بنت العلمي]

التنسييق روعة ويوم جميل صراااحة
ان شاءلله أيامج كلها نشاط وطبخات
وقرب لله سبحااانه
سلمت أناملج عالصور والتنسيق الحلو..

[Albalushi]

ونسيت
شكرا على الاهداء

[نسمة الربيع]

يووم حااافـــل !!

عجبنـــتنــي الحــركــة على الصــور !!

وإن شاء الله نجرب طريقــة شوربة جرووح !!

[بسمـ الم ــة]

يوم ممتع

هههههه ابطال الننيجا يوميا اشوفهم واسلم عليهم
تدخليين المطبخ وتساعديين امش تطور >> امزح

يعطييش العافييه

[jro0o7]

المشاركة الأصلية كتبت بواسطة Albalushi

هههههه
يوم رائع عجبني
وطرحج للموضوع منظم
يعطيج الف عافية
وعقبال ما يصير عندج مطبخ خاص وتلعبين فيه على راحتج
بس حاسبي لا تحرقين روحج وية اللقيمات

الله يعافييْك ..
اي انشْاءالله .. وهديه الافتتاح اسوي لكم اللي تبونه

[ِAsrar]

Wow

Nice pics

.. .. ..


يومش عجيب ~| يوم قلتيلي عن الصاروخ هونيك هع هع ذبحتيني ~
واتاريج هني ذاكرة الحدث بعد | ~

..

تحطين وصفات عشان لا نقول نبي ~


..

هع ~ و احنا جاين من المرينا ، شفنا النينجا ~ كانوا على شارع السنابس
3 ~ مسااكين ~ | |
و في جدحفص 2
وفي شارع البدع صوب المقشع 3
وصوب الكونتري مول 3

متجهزين .. في شي شكلو ~


~

هع ذبحوني مساكين ~ | بس بشييل عليييييييه |


..


التنسق عجايب ~

..



تسلمي ~

[jro0o7]

المشاركة الأصلية كتبت بواسطة بنت العلمي

التنسييق روعة ويوم جميل صراااحة
ان شاءلله أيامج كلها نشاط وطبخات
وقرب لله سبحااانه
سلمت أناملج عالصور والتنسيق الحلو..

الأجمل مرورج خيو
تسسْلمين :)

ونسيت
شكرا على الاهداء

ولـو .. العفو

يووم حااافـــل !!

عجبنـــتنــي الحــركــة على الصــور !!

وإن شاء الله نجرب طريقــة شوربة جرووح !!

ههه ثنكسْ .. جربيها وعطيني رايج

يوم ممتع

هههههه ابطال الننيجا يوميا اشوفهم واسلم عليهم
تدخليين المطبخ وتساعديين امش تطور >> امزح

يعطييش العافييه

هههه صج يشبهونهم
اي افا عليج هههه .. احسن منج << امزح

[jro0o7]

المشاركة الأصلية كتبت بواسطة Asrar 2020

Wow
Nice pics
.. .. ..
يومش عجيب ~| يوم قلتيلي عن الصاروخ هونيك هع هع ذبحتيني ~
واتاريج هني ذاكرة الحدث بعد | ~
..
تحطين وصفات عشان لا نقول نبي ~
..
هع ~ و احنا جاين من المرينا ، شفنا النينجا ~ كانوا على شارع السنابس
3 ~ مسااكين ~ | |
و في جدحفص 2
وفي شارع البدع صوب المقشع 3
وصوب الكونتري مول 3
متجهزين .. في شي شكلو ~
~
هع ذبحوني مساكين ~ | بس بشييل عليييييييه |
..
التنسق عجايب ~
..
تسلمي ~

ههههه ..
هذول منتشرين فـِ كل مكان
تسسْلمين حبو

[iDesign]

الأخ في الإهداء يقول إن شاء الله
و أنا أقول ما شاء الله على التنسيق الجميل
يومج حلوو .. و فيه نفس رمضاني لطيف
إذا على القيمات صارت لنا أحداث شبيهة و احترقت يد أمي و تمت جم سنة ماتسوي قيمات .. و عقب ما طابت يدها مادري شسوت في الخلطة و قام مايتطشر >> صح المصطلح ؟
إذا على أبطال النينجا خربوا علينا طلعتنا .. شكلج من ساكني شارع البديع
شكرًا على التغطية و إن شاء الله نجيكم غدًا بتغطية جميلة

تحياتي ،،

[NeBras Alamal]

يوم جميل و ممتع

و آلتنسيق و لآ آروع

يعطييش آلعآآفية

[jro0o7]

الأخ في الإهداء يقول إن شاء الله
و أنا أقول ما شاء الله على التنسيق الجميل

وه احرجتيني

يومج حلوو .. و فيه نفس رمضاني لطيف

مرورج الاحلى

إذا على القيمات صارت لنا أحداث شبيهة و احترقت يد أمي و تمت جم سنة ماتسوي قيمات .. و عقب ما طابت يدها مادري شسوت في الخلطة و قام مايتطشر >> صح المصطلح ؟

ههههههه .. آنا الظاهر امسويه بطحين غير اللي يستعملونه

إذا على أبطال النينجا خربوا علينا طلعتنا .. شكلج من ساكني شارع البديع

اي شكله جذي

شكرًا على التغطية و إن شاء الله نجيكم غدًا بتغطية جميلة

تحياتي ،،

العفو خيو ..
تسسْلمين