حلـآ المالتيزر ~

[M a r y a m]

اهلاً ..

اليوم جبت لكم حلاوه ذقتها عند رفيقتي وكانت واووووووو
قلت لازم اجربها واراويكم

المقادير :
كرتون كيك اليمامه او امريكانا او اي نوع على فانيلا
بسكويت اوريو
1 كوب حليب سائل
2 كوب حليب بودر
4 ملاعق زبده ذايبه
1 قشطه
حسب الرغبه شوكولاته مالتيزر
1\2 علبة حليب مركز
12 قطعة جبن كيري
قليل من القهوه الفوريه - Niscafe -
وقليل من الهرشي


الطريقه :
1) تاخذون كيك اليمامه وتفتحونه بشكل طويل على الصينيه
2) تجيبون بسكويت الاوريو وتغمسونه بالحليب وتصفونه على الكيك
3) تحمسون الحليب البودر على النار لين يغمق لونه شوي
4) في الخلاط " كاسين الحليب المحموس + القشطه + الزبده الذايبه "
5) تخلطونهم واذا حسيتون ان الخليط ثقيل واايد لدرجة ان مايمشي الخلاط زيدو حليب سائل شوي بعدين تحطون الخليط بالصينيه
6) تجيبون كاكو مالتيزر وتصفونه فوق الخليط بأي شكل يعجبكم
7) في الخلاط " حليب مركز + جبن كيري "
8) تخلطونهم لين مايصير الخليط اوكي وتحطونه في الصينيه على شكل خطوط متوازيه بشكل جيد "يعني مو خطوط خفيفه " ، وتاخذون الهرشي تحطينه على شكل خطوط عكسيه للخليط.
9) ترشون مقدار بسيط من النسكافيه للتزيين
10) تحطونه في الثلاجه لين يجمد للتقطيع، وبالهنا والعافيه


وهذي صورته النهائيه




انصحكم فيها..

[міѕѕ маđяіđіѕта]

الآآي

شكله حلو

يعطيش العآفية مريوم

[آمآل..]

روووووعة
تسلم الأيآآدي

تسلميـن خيتـو

[الجيتار]

اممممممممممممممم ,, اني كل شي فيه كاكو اموووت عليه

بس لو الصورة كانت اكبر كان افضل .. لان يعني ما يبين الشكل عدل

و شكراً

[M a r y a m]

الله يسلمكم
الجيتار هاي احلى صوره طلعت من جذي خليتها
بحاول اصور وحده ثانيه قبل لا ينقضي عليها

[الجيتار]

المشاركة الأصلية كتبت بواسطة M a r y a m

الله يسلمكم

الجيتار هاي احلى صوره طلعت من جذي خليتها

بحاول اصور وحده ثانيه قبل لا ينقضي عليها

بانتظار الصورة الكبيرة

[M a r y a m]

اكلوها والجهال خربوا شكلها
وهذي اختي مصورتها يوم كانت على قيد الحياه بس الصوره مو واضحه بعد





وحصلت لكم هذي من النت ..

[الجيتار]

افا ما يطلعون
بس شكراً

[العذراء]

يلا سلاام

تسلم الايادي
لازم نجربها

[مصري]

مب Niscafe تحطون كافي فلك أهي طريقة صح والاكن بدل نسكافية تحطون كافي فلك أتبشرونه عقب تحطونه