الامتحانات .. لقياس قدرة الطالب أو تعجيزه ؟

[نوار]

موضوع دراسي كشخة ..
صبروا بشمر عن سواعدي وبشارككم في النقاش ..

للأسف الأساتذة قاعدين يتكلمون من موقع الأستاذ ..
وأحنا نحتاج وجهات نظرهم .. علشان لأنهم الطرف الآخر اللي أحنا قاعدين نتكلم عنه .. بس لازم يكونون منصفين شوي ..

يعني أحنا في الجامعة يجيبون لينا أسئلة محوّرة من المنهج ..!
أغلب الإمتحان من المنهج .. والباقي أسئلة من خارج المنهج ..
يعني في إمتحاننا الماث .. عاطينا أسئلة مالت ريض ثانوي ..
يا أخوي تعال تذكر شلون حليت هالماسألة في الريض مال الثانوي علشان تحل ..!
يعني أني أتذكرتها وحليت .. هل غيري بيتذكرها وبيحل !
وش ذنبهم إذا نقصوا درجات هذا السؤال !

شي ثاني ..
مرة عاطينا إمتحان سفر ..
أذكري أماكن سياحية في الرفاع
الله رحمنا بمعلمة غششتنا الإجابة ..
شايفيني أمشي بموتر سيكلي وأداور في الرفاع !

ساعات يعطونا أشياء مي منطقية من قلب ..
ونخسر عليها درجات ..
لا تقولون أسئلة محوّرة .. لأنه المراجع بيحل ..
لكن كل أشياء خارجية وأمثلة وما أدري ويش ..


شي ثالث .. بتطرق إلى جامعتنا العزيزة ..

هي أوقات إمتحان ..
على صعوبة إمتحانات ..
على سخافة دكاترة وظلمهم ( دكتور قال لوحدة برسبش في مقرر ال islamic ورسبها عادي )
والترسيب قايم على المزاجية ..
ما في رقيب ما في حسيب ..

\
/


المختصر في حال ما قريتون اللي فوق

درجاتنا تروح هباء ..
حالاتنا النفسية زفت ..
ولا من متعظ ..

إن قعدت في الموضوع زود بسوي فيه بلاوي .. أطلع أحسن

[بحرينية 2]

انا دائما يخطر ببالي اذا جاء سؤال فكرته جديدة بالامتحان النهائي ليش هالعبقري الي حط الامتحان ما حط افكاره وكل ابداعاته بالكتاب عشان
ندرسه ويكون كفى و ووفى واحنا نكون قدمنا الي علينا يا ليت بس مواد
الفهم افكار جديدة او اسئلةغير مباشرة انا للحين اذكر امتحان ثلاث اعدادي اجا الفصل الثاني مستعدين للأمتحان كل شي حافظينه واخرتها الاسئلة مو مبااااشرة وش يعني اجا وش تبونا يعني نفكر وش نكتب ؟ ناهيك ان غالبا وبصراحة الي يحطون الاسئلة في مواد مثل الريض والانج ما يراعون
الفروقات الفردية بين الطلااب وزيادة على هذا اذا في سؤال مو مفهوم
وفي مواد انجليزي مثل الادر العام ما يجيبون معلمة توضح

[صدى الونات]

المشاركة الأصلية كتبت بواسطة الدكتورة

هذا هووه ..
مثل امتحان اليوم الإنج ..
دخلت في اي سؤال ..
قلت لها وضحي هالسؤال قالت لي مو مخوله اوضحه ..
تالله عليج ليييش متعبة روحش ..؟؟

هكو مثال حيي مو ميت

من مدرستنا مدرسة ستره الثانويه وفي امتحان الانج وقدي بعد انتين ...
ايي والله مي مخوله منشفه عجل ليش جايه أفادي أرعص وجوهم ديك الحزه

[عــلــي]

No
الامتحانات مو تعجيزية
لكن

الي بحط السؤال يحب يتفلسف فيغير من اسلوب السؤال ويحط فيه بهارات من الكلمات المميزة واحنا الي نبتلش

يعن شنو بصير لو وضعوا لنا أسئلة مباشرة
يخافون من التفوق؟

[حُلْم]

مو احنا انخلقنا عشان نحفظ .. وندرس طول الوقت وبس ..
واذا نقول للمعلمات ارحموناا شووي ..
يقولون انتوا شنو همومكم درسوا وبس !!!!
يعني بالله احنا مو بشر نبي نتنفس نبي نطلع نبي نعيش حياة طبيعية..
وفالنهاية مثل ما قلت امتحان يقيس الحفظ ثم الحفظ ثم الحفظ ..
واذا نسيت كلمة ضاعت عليك ست درجات..
<تحت صدمة خلية ووراثه ..


مادري هل انا طلعت عن صلب الموضوع أو لا؟

[ملكـ الأحساس ـة]

يبتوها عالجـــــــــــــــرح

صرآآحة

الي يحطون الأمتحان احسهم يقولون " جان فيكم خير حلو السؤال " زين ليييش !!

يعني كأن يتحدووونه ان نحل اسئلتهم و يتفلفسوون علينه لكن يصبروون كل ذي بيطلع على عيالهم

احنه مانطلب اسئلة ابتدائي .. بس بعد رحموونه شووي

معدلاااااااااااتنه حرام عليكم انييب فوول ماركـ في الأعمال و المنتصف ايي النهائي نخووره

يعني العيب مو فينه اذا يايبين full marks في الدوام العادي

و درجات زفتة في النهائي !!

كله من اسئلتهم البديعة .. و كل ذي ليش >> في سبيل التطوور و العلم و محد ماكلها الا احنه

الله كريم و الله عالظالـم طبعاً مو الكل >> داشين حرب ههههههههههه

[بياض الياسمين]

هههههههههههههههه

الوزارة مادري شلون بعد تسوي اشياء تفشل بكل معنى الكلمة كل مالم ينجح في امريكا وبرطانيا جت طبقته علينا ولو عدل ماعليه ماكنان نجي المدرسة نتعلم نجي ننقهر
معلمات مو معليمين مأسااة ولا درجات تحينهووم مايبون احد يجيب زين مادري الي ماتحط درجات عدلة تكون معلمة كفأ ولا امتحان الكيممم ههههه على قولة المعلمة الي راقبتنا ينحط في الموسوعة أكبر عدد تصحيح أخطا
ولا غير اسءلة ليها جوابين في اختياري
ولله بلاوي

[اسوار حزن]

يوووووووو لا حرام جان انتو يوو واقرو عليكم الاسئله بنات احنا المشرفه اتيي اذا في خطأ قالت الخطأ ونعدله وبس المعلمه ولا نشم ريحها بعد ما نجوف غبرتها في المدرسه ..بس عشان لا نسألها ...مثل اليوم ريض 201 مسأله ما ادري من وين يايبينها مو موجوده في الكتاب جان موجوده اتحدى احد اجيبها وقول ليي عن الصفحه عشان انقول الخطأ امنا ..

هو احنا ما راح انقول بين الطالب والاستاذ عداوه بس على الاقل مراعاه في ناس مستويات وقدرات يعني الطالب اللي مقدرته في ماده مثلا الحيا 212 غير عن واحد ميوله وقدرته في ماده الفيز المووجات 212 فيعني اجيب الطالب في ذاك فوق وهي في الفيز طايح .. في ناس مقدرات ما نقدر بس نمشي على المستوى العاليي ولا النازل (( خير الامور اوسطها ))

ومو معقوله لما اكون ويانه التخصصات الثانيه من ادبي تجاري اكون الامتحان سهل تطلعين اتصيحين على انش تعبتين روحش من الدراسه على اسئله بايخه و للاسف اذا كنه بروحنا ننظلم .. نطلب المراعاه صراحا

فبعض الامتحانات اتقول يا انا يا انته الاسئله تنافس الطالب وقدرته جدي اصير كأنه الامتحان تعجيزي في حين لا هو بس من اجل قياس قدره الطالب ولمعرفته لميوله ..
كما إن للمعلم والمعلمه دور مهم .. في توضيح المعلومات .. فيعني مو معقوله لما اشوف طالب وطالبه شطار اميل لهم دون ما اميل للادنى امنهم فهاي ظلم ظلم

اتمنى انه ما اتقولون اني هذرت واايد بس تخصص العلمي مظلوم من جميع نواحيه ..
من الوزاره من المدرسه من المناهج ومن المعلمات ... نطلب مراعاه لنا

[صدى]

بصراحه الموضوع عجيييب
لي عوده ان شاء الله

[Lady w]

موضووع عجييييب



لي عوودة بعديين


<<للحين راسي يألمني من الفييز

[زنوب القمر]

بصراحة صدق يجيبون اشياء تعجيزية يعني ويه اليوم في ريض 201 اخر مسألة يعني ويه وحنا ما شرحوا الينا مسألة جي يعني حتى اني انصدمت ما قدرت احلها يعني قعدت نص ساعه بس ابي احلها دار راسي ما يصير جي هذا حتى الناسات اله راحوا المعهد يقولون ما عطوهم شي جي شلون تنحل ما ادري بصراحة وحتى املعلمة اله يا زعم جاية اتوضح الينا يوم انقول اليها وضحي الينا انزين قالت ما يصير اوضح واني ما اعرف الاجابة مو معقوله معلمة ما ترعف الاجابة واكيد عاطينهم الاجوبة النموذجية ليس يسوون الينا جي ليش ما يبونه انجيب درجات زينه بس عشان يطنزون علنا وعلى اجوبتنه المتواضعه ...هع

[Kawthar al3sfoor]

بسم الله

اولا : شكرا اخوي المقهور
ثانيا : ابي اعرف العبقري اللي يحط الاختبارات يسوي تعجيز وتعفيس مخي كل يوم يشتكي لله ، حتى في امتحانات الكيمياء >> السابقة
كله اسئلة تعجيزية ، هي مي امتحانات قياس قدرة هي امتحانات تعجيز

وهالمرة غيروا الكتب لاول وغيروا الافكار عشان ما يخسرون علينا منح يبون بس يرسبونه

ويش تسوي اللي ماتحفظ واللي ما تفهم

المفروض يراعونا لاني اني نفسيتي تعبت من المدرسة الصراحة قهر وتعجيـــــز

[سلامات]

نفس امتحان الكيم 102 جابوا لينا امتاحن فيه مسالة محد يعرفها ,,,ولا حلينها في الصف ولا ولا ,,,,

[رﭔﺣـاﻧﮪﮧ]

[] استآنست لمآ شفت الموضوع
لآن كنت من ثواني بحط مثله لآن بالذات السنه كانت مأساوية بختباراتها
لامن المنتصف ولا من النهائي []

بالنسبة لي المدرسات احس معظمهم يتساعدون ويحطون اختبارات سهله
الا القليل وماعليه نمشي فيه

بالنسبة للي يحط الامتحان في المنتصف والنهائي بالنسبة لي مادري ..!
هل هو يتحدى الطلاب يحلون الاختبار ؟؟

الاساتذة اللي هني ..[] مآتشوفون كل الامتحانات انتون
كل واحد يشوف امتحان مادته ووالي هو متمرس فيها
وعنده سنة كاملة على الاقل يحفظ المقرر ويعرفه

اما احنا بالنسبة لينا عندنا السنه كاملة نتعرف على ::
[ 7 او 8 ] مواد مختلفه وكل كتاب يقول الزود عندي
اسبوع واحد للدراسة قبل الامتحانات النهائية
وبعدين عاد لحق ماتلحق [ تنام ماتنام اكل ماتاكل وزين يمديك تسبح ]
<< [ نآزلة مادري جم كيلو على حسابهم ]
زهذي اول سنه اتعذب في الدراسة واحط على روحي هالكثر
ومع ذلك الدرجات في الارض .., ليش ؟
لآن حضرة جناب اللي حاط الامتحان الجميل عبآله عندنا وقت مثله
نحفظ المقرر صم ونفهمه ونقدر نربط افكارنا عشان لما تجي الاسئلة ب نمط مغاير عن الكتاب !


[].., الصرآحة لو بقعد اتحلطم من اليوم لي باجر
لاكن علي ريض والنفسية زفت من الكيم
لازم علما استعد نفسيا واتعمق في الدراسة

.., والله ولي التوفيق
الحمدالله على كل حال ,..

[S.B.K]

امتحانت تعجيزية إلا اف
ولا عاد امتحان الحيا و الفيز
اشوا الكيم جابوا أقل من التعجيزي بشوي انجان تقوم ثورة ضدهم