ضايعة حدي .. تساعدوني ؟

[روح الأمل]

السلام عليكم ورحمة الله وبركاته

الحمدلله تخرجنا لكن انفتح لنا سالفة التخصصات وضعنا فيها

اني تخصصي علمي فيز وريض ونسبتي في التسعين بس محتارة في اختيار التخصص المناسب ليي

اني احب الرياضيات واااااااااايد واحب التعامل مع الأرقام وكنت ابي أدرس رياضيات في الجامعة بس المشكله في المستقبل الوظيفي له انه بس في التدريس واني ماابي أكون مدرسه

فكرت بعد في الاحصاء بس انه ماليه مستقبل وفيه اكتفاء شكله

بشنو تنصحوني .........

افيدوني رحم الله والديكم

ومشكورين مقدما

[شوآآخ]

آنزين عندج هندسه !


ترى ـآ آنه مآ عندي فكرهـ عن التخصصآإت والهندسة فيهآإ مجآإلآإت وآإيد مدنيه ومعمآإريه وغيرهـ

[رفاعي كوول]

دشي محااسبة فن كله حسابات وهلون وبعدين مطلوب في البحرين وبقوه .

> تخصصي ان شاء الله يقبلوني

[روح الأمل]

المشاركة الأصلية كتبت بواسطة شوآآخ

آنزين عندج هندسه !


ترى ـآ آنه مآ عندي فكرهـ عن التخصصآإت والهندسة فيهآإ مجآإلآإت وآإيد مدنيه ومعمآإريه وغيرهـ

مشكورة أخيتي على التفاعل السريع ..

الهندسه المعمارية ساعات أفكر فيها بس أخاف انها ماتناسبني لأنه فيها رسم واني ماحب الرسم وهي تتطلب الابداع وسرعة البديهه والملاحظة الدقيقة واحس اني في صوب وهالمتطلبات في صوب ثاني

أشكرش مرة اخرى والله يوفقش لما يحب ويرضا ..

[روح الأمل]

المشاركة الأصلية كتبت بواسطة رفاعي كوول

دشي محااسبة فن كله حسابات وهلون وبعدين مطلوب في البحرين وبقوه .

> تخصصي ان شاء الله يقبلوني

اممممم المحاسبه وايد تجي على بالي وأفكر فيها بس أخاف اني اضيع فيها لانه تخصصي علمي مو تجاري ولا أعرف اي شي في هالتخصص وأخاف انه اللي يكونون معاي متجاوبين في المحاضرات وعلى معرفة تامه به وأني اكون في عالم أخر وأضيع فيه

ومشكوووور وااااايد اخوي وربي يوفقك وان شاء الله يقبلونك في هالتخصص اذا كان لك فيه الصلاح

[بنت الكعبي]

انا بعد والله انصحج بالهندسه ... مب شرط معماري في بعد مدني


بالتوفيق فديتج .......

[سويت كيك]

الهندسه تخصص مطلوب بس ماعندي عنه معلومات
انه كنت علمي كيم وحيا والحين ادرس اكاونت وفايننس
في البدايه ماكنت افهم في الاكاونت شي وعقب الحمدلله صار عندي سهل وحليو
اذا تحبين الكمبيوتر دخلي آي تي او نظم معلومات تجاريه( خليط بين الاي تي والمواد التجاريه )

الله يوفقج

[مناميه حلوه]

المشاركة الأصلية كتبت بواسطة روح الأمل

اممممم المحاسبه وايد تجي على بالي وأفكر فيها بس أخاف اني اضيع فيها لانه تخصصي علمي مو تجاري ولا أعرف اي شي في هالتخصص وأخاف انه اللي يكونون معاي متجاوبين في المحاضرات وعلى معرفة تامه به وأني اكون في عالم أخر وأضيع فيه

ومشكوووور وااااايد اخوي وربي يوفقك وان شاء الله يقبلونك في هالتخصص اذا كان لك فيه الصلاح

نفسسس التفكير الي عندي
بس خيوه نصيح ـه مني
لاتخلين شي يعوقج عن الي تبيه !
احنا مااعليه بنوواجه صعوبه اوول الووقت بس لان احنا مادرسنا شي فيه و لاجرربناه من قبل بس لو حطينا ع روحنا من البداايه ترررـا نقدر نطلع احسن من الي درااسينه من قبل ( التجاري )


امم بالنسبه للرياضيات ؟! بصرااحه قاعده ادوور بهـل المج ـاال لاني بصصدق اعشق الريض واستااانس ليين اح ـل بس للاسف لحد احين ماجفت شي وج ـااري البحث و المتابعه ولما احصل بقوول لج

[متى نراك]

اذا تحبون الريض

ليش ما تاخذين البكالريوس وبعد الماجستير وتواصلين وتكونين محاضرة في الجامعه

أو

الهندسة

الهندسة بشكل عام يتطلب رياضيات و بعد الأيتي فيه رياضيات وتحليل وهالسوالف

[رفاعي كوول]

المشاركة الأصلية كتبت بواسطة روح الأمل

اممممم المحاسبه وايد تجي على بالي وأفكر فيها بس أخاف اني اضيع فيها لانه تخصصي علمي مو تجاري ولا أعرف اي شي في هالتخصص وأخاف انه اللي يكونون معاي متجاوبين في المحاضرات وعلى معرفة تامه به وأني اكون في عالم أخر وأضيع فيه

ومشكوووور وااااايد اخوي وربي يوفقك وان شاء الله يقبلونك في هالتخصص اذا كان لك فيه الصلاح

انا نفسسج بعد علمي

وبعدين العلمي بيمشون لان متعودين ع الكرف اللهم التجاري متعوودين وعندهم شوي خبره ، لا يعوقج انج علمي او تجاري .

[ورد]

المحاسبة مطلوب و لكن .. ؟!!
ما شاء الله واجد واجد دفعات تتخرج محاسبة
و واجد ناس يدرسون محاسبة
و بدخلون هالكورس محاسبة بعد !
يعني أحس حتى الهندسة اللي واجد يدخلونها
بعد أهون من المحاسبة .. !
الرياضيات حليو .. دخليه و مثل ما قالوا
تقدرين تصيرين دكتورة في الجامعة
و اذا عندش قدرة على الفهم و تقدرين تدرسين ليش لا
ترى لا ننسى بعد ان البحرين محتاجة كفاءات وطنية في التعليم
أني عن نفسي .. ماعندي مانع أكون مدرسة إذا ضاقت فيني السُبُل
و أني مثلش ، فيز و ريض - في التسعين بعد
أفكر في أدب انجلينزي ، و عقبه الهندسة و عقبه الآي تي و البزنز إن شاء الله