اتصال البيانات و الشبكات .. ؟!!!!!!!

[ورد]

السلام عليكم
كيف الحال

حابة هالتخصص بس أحس نفسي ماعندي فكرة عنه !
عن شنو يتكلم ؟
ويش تدرسون فيه ؟
في وين اتوظف بعدين ؟
و شلون عن الدوام و المعاش ؟

البعثات عقب يومين تسجيلها ..
خايفة أحطه من رغباتي الأولى ، و يقبلوني فعلاً
و يطلع مو أوكي !

فيدوني رحم الله والديكم ..

[No~way]

عليكم السلام اختي
الحمد لله

انا بنقل لج معلومات عن بكالروريوس تكنولوجيا المعلومات والاتصال من الكتيب مال التخصص يمكن يفيدونش:

اولا حصيلة التخرج:
المهارات الاساسية لتكنلوجيا المعلومات والاتصال
التعرف على احدث انظمة الحاسب الالي والشبكات وقواعد البينات الخ
تطبيق المعرفة المذكورة سابقا وتعلم كيفية تشغيلها
تحليل وتنظيم تصاميم الانظمة ومعرفة مواصفاتها

ثانيا الفرص الوظيفية
الي فهمته انه المطلوب عن الشبكات فبكتب لش الي عن الشبكات بس:
اداري شبكات
مطور تطبيقات الشبكات
محلل امن الشبكات

وطبعا هالامور اغلبها تكون في الشركات الكبيرة الي تحتاج الى ربط اقسامها مع بعض....

بالنسبة حق الدوام والمعاش على حسب الشركة ولكن معاشاتها جيدة

طبعا هالمجال مثل اغلب المجالات يلقى فيه البحرينيون منافسة شديدة من الهنود

ملاحظة انا في بوليتكنك خليت هالتخصص رغبتي الاولى..

[ورد]

أني بعد حاطتنه رغبة أولى و مضيعة فيه يا دافع البلا

ماليي الا اصير هندية

[بعدهم كلهم]

سلام عليكم

شحوالكم؟

لو سمحتون بغيت استفسر اني طلعت لي بعثة في بولتكنك البحرين في اتصالات البيانات والشبكات

بس اني ما ردو علي الجامعة هل هم قبلوني ولا لا من يوم ما قدمت امتحان القبول

فما ادري يعني الحين هم قبلوني لو اول بيدشوني تمهيدي؟

واذا الله لا يقوله ما قبلوني شيصير في بعثتي؟

وبعد بغيت معلومات عن هذا التخصص يعني

وش ندرس في وش مستقبله وظائفة ؟

[الجوهرة نانسي]

نفس البعثة

[الجوهرة نانسي]

ههه
الهنووود اني حصلت بعثة فيييه

[No~way]

المشاركة الأصلية كتبت بواسطة نانسي

ههه
الهنووود اني حصلت بعثة فيييه

احسكم فهمتون غلط مسألة الهنود،ترى يقبلون بحرينين و واجد بعد لكن في بعض الشركات تكون مفاضلة بين المواطن والهندي...

بالتوفيق للجميع

[ورد]

معروف عن هاذي المجالات إن الهنود يتفرعنون علينا فيها و ينهبونها مننا
الحمدلله .. ما طلعت ليي البعثة ، الله مو كاتب
بس طلعت لصديقتي و توهقت فيها