التسجيل | التعليمـــات | التقويم | مشاركات اليوم | البحث |
02-08-2011, 04:34 AM | رقم المشاركة : ( 1 ) | ||
طالب موهوب
|
أيام 'شمس العطاء' الرمضانيه
السلام عليكم ،، شلونكم خواتي واخواني ؟؟
ان شاء الله بخيرر ؟ صيام مقبول ان شاء الله اليوم اهو دوري في اني اسرد لكم يومي يالكامل ،، يالله نبتدي هذا اليوم جدا مميز لي " اول يوم رمضان " لان واجد تصير اشياء حليووة .. ما بطول عليكم السالفة اليوم ما نمت الا الساعه 6 ونص ،، قعدت اقرا في روايتي ،، للمرة الثالثة اقراهاا ههه ،، المهم حطيت راسي على المخدة سيدة نمت " كنت مرهقة " الا اسمع صوت تلفوني الساعه 10 ونص ،، استغربت من بيتصل ليي الصبح ،، الا اشوف متصلة معلمة الانج ،، استغربت اكثر خفت قلت يمكن صاير شي ،، وتوكلت على الله ورديت ،،وطلع ان في ندوة باللغة الانجليزية عن الكتب الدراسية بما معنى ايجابياتها وسلبياتها ومطلوب ان يكون في 5 طالبات من كل مدرسة ثانوية في البحرين ،، والندوة بتكون يوم الخميس ،، واهي رشحتني ان احضر معاها ،، ما عطيتها رد نهائي لان قلت اول شي بقول حق " الوالد " .. المهم عقب ما صكيته منها ما جتني نومة ،، قمت اتقلب على السرير .. واخير شي نمت ومرة ثانية قعدت على صوت المنبه لصلاة الظهرر .. قمت وصليت على النبي (ص) .. ورديت نمت مرة ثانية >> لا تقولون واجد انام المهم ومرة ثانية الساعه 3 ونص قعدت على صوت اختي ،، جاية تقعدني اساعدهم في شغل البيت >> واني اكره ششغل البيت كلش وقمت بعد شسوي ،، عاد في ما قلت ليكم من كل هالهذرة ان في كل اول يوم رمضان ،، بيت جيرانا يجون يتفطرون معانا ،، هذا الشي المميز في هاليوم .. نزلت وكان واجد ازعاج في البيت اليوم ،، وبنت جيرانا وخواتي قاعدين يسوون فطاير .. وامي ومرت جيرانا قاعدين يسوون الهريس .. كان راسي داير عدل ،، ما نمت شي اليوم ،، وما اسمع الا امي جايبة ليي صينية فيها صحون شكثر تقول ليي روحي وزعيهم على الفريق .. يوم قالت جدي كأن احد كات عليي ماي بارد >> في هالشمس منو يطلع ويش اسوي قمت بروحي اوزعهم من بيت لبيت ،، الله يهديها امي ما خلت بيت ما قالت ليي ودي ليهم .. يوم كملت مهمتي ووصلت البيت حسيت اني خلاص بموت ،، والله اليوم حرر .. المهم قعدنا نطالع الساعه 5 حلقة " بنات سكر نبات " اصلا اني بس قاعدة واني في عالم آخر ،، ارهاق وتعب وحر واخير شي سمعنا صوت الأذان >> احلى شي في الدنيا صوت الأذان،، لا تخافون ما نسيناكم من الدعاء وقمنا نصلي على النبي (ص) ،، وجهزنا الفطور .. اني بصراحة من كثر الماي اللي شربته ما اكلت شي غير السلطة والسمبوسة ،، وعقب الفطور ،، تعبت ماقدرت اشيل معاهم الصحون >> واجد تعبت اليوم و اني قاعدة مع اخوي و " الوالد" في المجلس وخبرته عن الندوة ،، ماقال ليي شي بالعكس واجد شجعني .. >> الله يخليك لي يا الغالي الا اسمع ولد جيرانا الصغير يقول ان خالتي " يقصد امي " تقول قومي غسلي المواعين بلا خيابة .. يااا عليي ،، قمت واني اتذمر وبسرعه استغفرت ربي قلت مايسوى عليي سيئاات على غسال مواعين .. وقمت اترجى بنت جيرانا تغسل ويايي اشوي بدل ما قاعدة تطالع التلفزيون ،، وبالزور رضت .. واخيرا خلصنا >>نكسر ظهري واجد اليوم مواعين وقمنا نطالع التلفزيون تقريبا للساعه 10 ،، وجى " الوالد " من مجلس بيت جدي وقلت له بروح افصل ليي ثياب حق المدرسة >>ادري توني متفرغه اي وجيتي ما شفت الا امي بتطلع اهي وخواتي بيروحون الماتم اللي في الفريق ،، عاد اني قلت حشر مع الناس عيد ورحت معاهم .. كان هناك الجو روحاني ،، صدق صاير زحمة المكان بس عن جد استانست هناك وااجد .. وجيتنا الساعه 11 ونص ،، امي سوت السحور وتسحروا من وقت لان مثل ما تعرفون اخوي و " و الوالد " عندهم دوام .. واني قعدت مع اختي وتقريبا على الساعه 2 ونص ،، ركبت الحجرة .. والحين عقب ما خلصت صلاة الصبح ،، قعدت على الملتقى .. وهذا اهو يوووومي كله يمكن واجد هذرت على راسكم واجد ،، بس فايدة هالفكرة تكمن ان نتعرف على بعص اكثرر ونستفيد من الانشطة اللي البعض يسويها ... اتمنى اني ما تأخرت .. شكراا جزيلاا تحياتي شمس العطاء |
||
التعديل الأخير تم بواسطة شمس العطاء ; 02-08-2011 الساعة 04:43 AM |
|||
02-08-2011, 01:45 PM | رقم المشاركة : ( 2 ) | ||
طالب موهوب
|
ويييين الصووووور ؟؟
الشعب يريد صور .. حلو يومش ,, بس اهم شي ساعدتين امش موفقين |
||
02-08-2011, 03:09 PM | رقم المشاركة : ( 3 ) | ||
طالب مبدع
|
يوم جميل .. ولو إن اليوم هو الأول عندنا مو أمس
في انتظار الصور |
||
02-08-2011, 03:13 PM | رقم المشاركة : ( 4 ) | ||
طالب متألق
|
بانتظار الصور |
||
02-08-2011, 03:19 PM | رقم المشاركة : ( 5 ) | ||
طالب موهوب
|
يوم جميل...
في انتظار الصور... |
||
02-08-2011, 09:20 PM | رقم المشاركة : ( 6 ) | ||
طالب نشيط
|
استمتعت بقراءة يومش ..
ولا تكثرين النوم .. موفقين بإذنه ،، |
||
04-08-2011, 04:15 AM | رقم المشاركة : ( 7 ) | ||
طالب موهوب
|
|
||
04-08-2011, 04:31 AM | رقم المشاركة : ( 8 ) | |||
،،
|
يوم جميل وحليوة عادتكم إنكم أول يوم تتجمعون مع الجيران
بس لاحظت واجد نمتين وقعدتين اقتباس:
يعطيش العافية |
|||
04-08-2011, 04:32 AM | رقم المشاركة : ( 9 ) | ||
طالب مثالي
|
يوم ممتع وشاق وروحاني لكنه جميل :)
أكاد اجزم ان يومك أشبه بيومي.. لا أقترح عليك أنشطة أكثر فنحن وبلهجتنا نقول (يادوب نحك راسنا من شغل البيت). بس أقترح عليج انج تطبخين وجربين الشعور هذي إذا كنتي ما طبخين ابداً |
||
04-08-2011, 04:37 AM | رقم المشاركة : ( 10 ) | ||
طالب موهوب
|
طموحة
هههه ،، اي اني دايماا نومي متقطع ،، وتصدقين خواتي يقولون لي مافي احد ما يحب الزلابيا ،، الحين براويهم ردش ههه .. تسلمين حبيبتي على المرور الحلوو زينبية العشق احس تشبهيني في واجد اشياء مو بس في مقتطفات يومي ، ولي الفخر طبعاا اما على الطباخ فبيني وبينش ماعرف اسوي شي في مجال الطباخ كلشش ،، وامي واجد تعاتبني في هالخصوص بس ان شاء الله احاول اتعلم مع اني ما اعتقد واجد استانست بمرورش تسلميين |
||
مواقع النشر (المفضلة) |
|
|