تَعبتْ مِنْ همومكْ..مَادريتْ إنكْ سَعادة..! >رِوَآيَتِيْ

[نَبْعْ~]]

سَلـآمم ععَلييكم ششععب . .
.
.
هذِي آول روآيآتي.."بآللّهجَةةِ آلبحرآنيةةِ "
وآنن شِـآء آلله تععَجبككم . .=)
. .
آلبـآرت "1"

تَعبتْ مِنْ همومكْ..مَادريتْ إنكْ سَعادة..!

لكلِ حزن نهاية..ولكل أسى زاوية ضيقة..مِنهَا يتسربُ بصيصُ الأمل ..

وينثر أشعته ليغرقُ كُل ألمٌ سبقهْ..

كالعادة في أول يوم دراسة, تفتح جفونها بصعوبة وتحاول ترفع ايدها واتسكر المنبه,تتأفف اشوي وتتحسب على روحها لأنها طولت بالسهرة ولحد الحين ماشبعت نوم , بس غصب عنها ثواني وقامتْ عَلشان تجهز, واتجهز الطابور الي وراها..!
اتطالعْ روحها بالمنظرة ووجها كله نوم, اتحك عيونها العسلية علشان اتصحصح, شالت خصلة من شعرها البني الي طايح على اعيونها, اتأفأفت على شعرها الي وصل الى نهاية ظهرها وقالت في نفسها: ياربي ويش الي ايمشطه الحين, شكلي بقصه والي فيها فيها,لوع جبدي!
دخلت الحمام "وانتو بكرامة" غسلت بسرعة ونزلت اتسوي الريوق واتجهز اخوانها..!
راحت المطبخ وخلت "الشاي" على الفرن, وراحت اتجهز السندويجات على السريع, ولما كملت راحت لغرفة فَطومْ..!
سارة وهي رايحة تفتح الستارة: فطوم حبيبتي يالله قومي لا تتأخرين على الروضة , وتعصب عليش ماما "ندى".
فطوم وهي كلها نوم من سمعت اسم "ماما ندى" عالسريع قامت من السرير, وراحت حضنت اختها وباستها, وقالت بصوتها الطفولي: "سَباح الخير سارونة".
حملتها سارة على كتفها: وسحبت خدودها وقالت: صباح النور يا احلى فطومة في العالم, يالله حبيبتي اغير ثيابش لا يجي الباص ويعصب علينا, ضحكت فاطمة وقالت يالله بسرعة بروح لماما ندى, ضحكت سارة , وراحت اتجهز فاطمة.
محمد: نزلْ بسرعة من الدرج واهو يصارخ, سارة سارة وين قميصي الأزرق؟
سارة: سمعت محمد ايصارخ ومافهمت منه شيء ,خلصت من فطوم وراحت له, خير محمد ويش فيك ويش صاير؟
محمد: لا بس خيو مو شايف قميصي الأزرق, وكنت حاب البسه, تعرفين أول يوم دوام وأبغي أكشخ, وهذا أجدد قميص عندي.
ضحكت فاطمة: اكو القميص جاهز وقدام عيونك ,انا جهزته من الليل وخليته معلق في الكبت , وجهزت اليك الجاكيت الأسود والجينز الأسود, والكرفته المشخطة.
ابتسم محمد وهو ماشي وقال: الله ايخليش لينا يا احلى سارونة, والله بدونش احنا انضيعْ .
ابتسمت سارة: الا وصوت باص الروضة ايهرن بره, اووه فطووم ما اتريقت, وراحت بسرعة عطتها سندويجتها وعصير برتقال وقالت ليها اكليهم الحين في الباص, وعطتها شنطة أكلها ولبستها شنطة الكتب وطلعتها للباص.
رجعت اتطالع في الساعة الي بالصالة, اووه الساعة 6 ونص وطبعاً التوأم المرح للحين نايمين, راحت بسرعة لغرفة " علي وعلاء" وتعرف ان هالاثنين ماينفع وياهم الطيب,وصرخت عليها بصوت هز البيت كله, عــــــــــــــــــــــلي, عــــــــــلاء يالله مداااارس, السااااعة الحين 7 إلى متى ناوين اتقعدون, طفروا الاثنين منزهقين ومو عارفين ويش السالفة.
فطست عليهم سارة من الضحك وقالت: والله شكلكم تحفة , يالله بسرعة قومووو علشان ما نأخر محمد على الدوام.
عصبوا اهم الاثنين لما طالعوا الساعة, وقاموا ايفلعونها بالمخدات وطردوها بره الحجرة,وهي تضحك عليهم وتدري انهم بيقومون الحين.
راحت اهي تلبس بسرعة , لفت شيلتها ولبست عبايتها , وحملت شنطتها وقامت تضحك,واتقول,ياليييت كل يوم الشنطة مافيها كتب مثل هاليوووم.
نزلت بسرعة, وشافت كل اخوانها يتريقوون, راحت اخدت سندويجتها وقالت ليهم, يالله نمشي لا تتأخر حموود, قاموا كلهم, واول ما وقف محمد طالعته سارة بنظرات كلها اعجااب وقالت:أوووووه ما أقدر على أخوي أنااا, ما أقدر على الجاكيتات الي بياااخذووون منك حتته على قولة اخوانا المصريين, ضحك محمد وقال كل هالمدح على جاكيت انتين جايبتنه هدية, ضحكت واهي تمشي قدام علشان تطلع وقالت , لا ياحبيبي كلك على بعضك حلو, أما علي وعلاء, قاعدين ويتحلطمون, مايبغون ايروحون من وقت علشان الطابور كلش ماليهم مزاج عوار راس!

آنتهَى آلبآرت "1"

وشش رآيككم . . ؟!

آككَممل لوو آووقففف ؟!

[رۆوح ورديـۃ‫ ‬❥]

بلاويز الرواية :p
واصلي
ويتنق

الكرفته يعني وا ؟

[بَآسِمِيّہ آِلہَۆى']

كشوووووووووووووخْ خيوووْ

وآإصليْ وآإصليْ

. . .

[Rossiette]

عجييب

ننتظر البارت 2

[toola fashion]

صراحة الكتاب مبين من عنوانه حدددها فن زين حصلت رواية اقرءها في العطلة
خبرينا اذا نزل البارت 2

[نَبْعْ~]]

تـِسسلمووننْ حَبآيبي =)
آنن ششـِآء آلله بننزل آلبآرت بآققرب وققت . .
رُووح : هههههههه يَعْني نككْ تآي "رَبطةةِ ععنق " خخخ

[كسلانة]

حلييييييوووة

واصلي خيووو ..

بأنتظار البارت 2

موفقة

[Mshα3я Eηsαη]

كشووووخي

بس انا خبري فيابش مو ثيابش جذي تلفظ

إبدعتي وواصلي

[عقد الزهور !]

عَجِيبَآآه . .
وَاصلِي خَيو

[حلم طفلـۃ]

عجبِتنني ..
خصوصاً آللهجِجة ويِلي :$
.. ننتِظر آلبآرت "2"
وآصِلي لـ آلنهآية !
موفقة خيِتي 3>

[B.H.16]

واجد عجبتني ....

كملي خيو ...

ننتظر البارت الجاي ...

[ّ..مجرد طالبـــــــــــة..ّ]

عجيــــــــــــــــــبة


بإنتظار البارت الجديد ... مو تتأخرين علينا

[Ninja Girl]

حلوة القصة ...
بانتظار الجزء الثاني :)

[نَبْعْ~]]

سسلـآمم ,’
عُدنآ وآلععَود آححمدُ . . تَششكرآتت لككل آلي رددّوآ . .
تَفآعلككم ششجّععني آوآصصِل ككِتآبةةِ . .
ولَعععْيووْنككُم ههآلبآرت ححآولت آن يككُون آططول من آلي ققبل =) . . وسوري عآلتآخير
.

.
.
ولو بيوم الأمل يغيب ماعشنا أبد تفاصيله..تهنا بحر همومه وغرقنا بشاطئ آلامه وتهاويله..
نعيش اليوم ونحاول نتناسى الزمن وماضيه..وبشمع أحمر نغلف سمومه ونقطعه من شرايينه..
سارة: اتقاطع التوأم ..بسسسسكم ماصار طابووور خلاص الحين بنبدي كل يوم مثل الحالة اتحلطم في اتحلطم,بس لعلمكم رضيتون ولا انرضيتون اتحضرون الطابور يعني اتحضرووون, ويش حلاوة الطااابووور, اذا مو عاجبتنكم الاذاعة سووولفوا ويا ربعكم ويادار مادخلك شرْ.
علاء: خيووو ماتدرين انتين بالسالفة, هذا استاذ أحمد مايخلينا في حالنا, ايجي يوقف صوبنا ومايتزحزح ابدا, جنه حاطين ليه لزاااق فيران صوبنا, ومن نتحجى قاااال "اششششش" ما ادري دبانة اتحوم عليه ولا ويش عاد فيه, ايلوع جبودنا من صباح الله خير.
علي: ايييي والله ما ادري ويش فيه علينا هالاستاااذ مااايطيييقناا, كأننا قاااتلين اليه واااحد,حتى من ايشوفنا في الفرصة, تعاالو شيلوو الوصخ, الحييين من بين هالأوااادم كامل ما يشوفنا الا احنا, أحد قال اليه احنا اهنوود مال البلدية, او جاااين نشتغل في المدرسة فراشييين, افففف ماتسوى علينا هالدراسة.
محمد: هههههههههه بسككككم دبحتونا ضحك , كأنكم عجوووز ضااايع مشمررهاا وتبى تطلع مو محصلتنه, هذا استاذكم طاوعوه واحترموووه, واي شيء ايقول اليكم اتسوونه وانتون ساكتين, في الاول والاخير يبغي مصلحتكم.
سارة وهي بتموت من الضحك: مثل ماقال محمد يبغي مصلحتكم , ويبغيكم تطلعون رجال يعتمد عليكم,أهم شيء تحترمونه واتطاوعونه, وحسسسكم عيينكم اسمع عنكم شكوى مني او مناك, لوو اسمع يوووم واحد بس طولتون السانكم على مدرس من مدرسينكم, بتشوفون شيء عمركم ماشفتونه.
علي وعلاء يطالعون بعض و بصوت واحد: حشى جايفتناااا ووووويش يعني...!
محمد: خلاص اكو وصلنا مدرستكم, نزلوا الحين وخلكم اخواني مثل ما اعرفكم, رجال يعتمد عليكم..وكفوو.
علي :ان شاء الله اخوويي لاتخاف علينا, يالله مع السلامة .
علاء: يالله باااي, وهو ايسكر باب السيارة, ولا تتأخرون علينا في الهدة اتنقعونا في الشمس...باااااي
ضحك محمد على اخوانه, وكمل مشواره الى مدرسة سارة , القريبة اشوي من مدرسة اخوانه.
محمد: ها سارونه ما تآمرين على شيء , مو محتاجة شيء..؟
سارة: لا ياخوي ما ابغي الا سلامتكم, بس لاتنسى في الرجعة تشتري غدى, لانه تعرف ما بيمديني اطبخ اليوم, خبرك الرجعة الساعة ثنتين.
ابتسم محمد:: ولا يهمش خيوو, اشتري اليكم غدى ومن احلى مطعم في الديرة, من عندنا اعز منكم.
ووصلوووا مدرسة سارة, واهي نازلة تاخد شنطتها: اتحمل بروووحك, وحاااسب على الجااكييت.
محمد : هههههه بس عااد ذبحتينااا ماااصاار جاكيت.
دخلت سارة المدرسة, وهي تضحك على اخوها, وماتشوف الا وحدة جاية من وراها وحاطة ايدها على عيووونها.
سارة: مممممممن..؟؟
....: تتوووووقعييين من يعنييي..؟
ساااارة: ماااا ادريي , شهالصوووت عدليييه اووول علشان نعرررفش.
......: ماااااالت علييييش, اتغاااريييين من صوووووتي, أصلا لو يسمعنييي الأكرف بيقووول خلااااص عليش الشيله يووووم عااااشر.
سارة: عداااااااااااااااال يالعندليييب, اقوووووول ريتااااجووووه شيلي ايددددش بطيتييين عياااوييينيي.
ريتاج وهي اتشيل ايدها: اني الغلطانة الا جاية اسوووي اليش مفااااجئة.
سارة وهي اتدووور بتحضن ريتاج: وااااااااااااااااااااااااااااااااو , شهالمفااااجئة أكييييييد مسووووية ريجييم قاااااسي, شهالرشااااقة والأناااقة , ماااااعرفتتتتتش خيوووو..
ريتاج واهي اتحرك ارموووشها بسرعة وادور حول نفسها: وااااااي لهدرجة ايبييين؟؟
سارة: ولووو الشمس ماايغطيها المشخااال, صراااحة صاااايرة اتجننييين , فن كل هذا في ثلاثة اشهر, لو اغيب عنش سنة ويييش اتسوووين, كل هذا من فراااقي, مأثر عليش وماخلاش تاكلين..؟؟
ريتاج: عدااااال على الثقة لا اتقولين لاحد, صصصدق صصدق صرت احليووة؟؟
سارة: أكييييد انتين ايكفي عياوينش الخضران وشعرش الاشقر, والحين رشاقة, خلاص اتكنسلين على ملكة جمال العالم.
تررررررررررررررررررررررررررررررن!
ريتااج: بال الواحد ماياخد راحته ابدا اكو طق الجرس, امشي انروح انكمل سوالفنا في الطابوور, لا اتجي الحين آنسة منشششن واتهبب فينا.
سارة وهي تضحك: اووكي امشي امشي لا اجين الينا الحين واتلم علينا أمة لا إله الا الله.
ومشوا ثنتيناتهم الى الطابور, وعدى الطابور على خير وبسلام.
في الصف اشتغلوووا ويا البناات الي مو شايفينهم طول هالعطلة, وبدى لتحضن ولتحبب, والمجاملات الي معظمها ماليها داعي..
وجت الحصة الأولى, وتدخل معلمة الاجتماعيات.
ريتاج: بااال شهالجدول لحليووو الا اول يوم في الاسبوع اول حصة "أجا", لا بالله رحنا وطي, جان في جانس انحضر في الفرصة الحين ابدا مااافي.
سارة: اي والله خيوو, شهالجدول مافيه شيء عدل كللللش, هادي الي حاطة الجدووول ناوية تدبحنا ومافي قلبها رحمة كللللش.
طق طق طق طق... وانفتح باب الصف..
.....: سلام عليكم
المعلمة: وعليكم السلام والرحمة, ها غدير من أول يوم تأخيير والوجه مقلوبه الوانه؟
غدير: ويش اسوي معلمة راحت عليي نومة, تعرفين مو متعودين على القعدة. اتعودنا في العطلة كله سهر.
المعلمة: ايي معرووفة عاد, غدييير والأعذار كلللش محد اينافسها فيهم, اقول لاتقعدين تقصين عليي قصة حياتش, ادخلي ادخلي وجيبي بطاقة الاذن بالدخول.
غدير: هاااش جودي لاتخافين رحت للمشرفة قبل لا اجي., وراحت قعدت على كرسيها الا ورى سارة مباشرة, وطبعا في المجموعة الاخيرة, وصوب الدريشة..!
سارة بهمس: ها غديرووه شحوالش.
غدير: سكتي عني فيني نومة مو نايمة شيء مانمت الا عقب صلاة الصبح.
المعلمة: والاخير غدييير يعني لمتى بتسكتييين؟
غدير: معلمة توش اتقولين اول يوووم, يعنييي توني اشوف البنات, ماتبيني اسايل عنهم وعن صحتهم, ليكون ناوية تشرحين من اليوم؟
المعلمة: لا والله, بعد شرايش اجين اتقعدين مكاني واتقررين متى اشرح ومتى ما اشرح.
غدير: لا معلمة ما اقصد شيء, بس صدق والله آسفة, بس نبغي نشوف البنات اشوي وانسولف, مابنطلع صوت, بس بالعدال, صدقيني معلمة قاعدة في العطلة بين اربع طوفان, ملل في ملل.
المعلمة كسرت خاطرها غدير: انزين خلاص مابشرح, وسولفوا بس بالعدال, عندي اشغال بسويها.
كل البنات بصوووت واااحد: ييسسس شكرا معلمة ولا تخافين بنسوي كل شيء بهدوء.

نهـِآيةةِ آلبآرت "2"
آنن ششآء آلله يككُون ععَجبككم , ’
آنتظر آلـآرآء +آلـآنتقآدآت =)
نَبْعْ~]

[صدى الشجون]

رَآئع حدّ الثمآلة
وآصلي