استفسار بخصوص البنوك

[Afnan :D]

السلام عليكم و رحمه الله و بركاته

شلونكم عساكم بخير

اليوم رحت بفتح حساب ف البنك الاهلي المتحد

بس قالو مايصير لازم 21 و طالع

و قال اذا منحة و اقل من 21 لازم رسالة من الـ وزارة و قصة طويلة عريضة

انا ابي اعرف فيه بنوك تفتح حساب للي اقل من 18 بدون تدخل الوزارة ؟ لان انا بعدي 17

و اذا احد يفهمني بسوالف البنوك و البريد اكون له شاكرة !

يعني هالبنك فيه منه فرع ف مصر عشان جذي بتوصل الفلوس ..بسس اذا بنك مافيه فرع ف مصر شلون توصل لي الفلوس ؟

و البريد يحتاج جم يوم على مايوصل ؟ و شنو نقدر نودي و نستلم ثياب اكل اي شي ؟

و مشكورين ..

[الدراسة تعاسه]

وآجد بنوك جذي
خلي الوآلد يروح معاج
طبعاً بكون بإسمش بس كل ما تسحبين او تسويين أي عملية يطرشون له مسج

[سويت كيك]

nbb - bbk هذيلا مجربين ويقبلون عادي
واذا الاهل بطرشون لج فلوس .. يطرشونهم حواله(مثل الخدم ) في ويسترن نيون
يروحون يعطونهم ورقه يكتبون اسمهم واسم المستلم والعنوان والفلوس طبعاً وفي فروع لهم في مصر فتروحين وتستلمين الفلوس .

واذا بطرشون اغراض في البريد ماعندي فكره بس تقدرين تروحين وتستفسرين منهم

[حبڪَ يدآويني~]

اللهم صل على محمد وآل محمد

بنك hsbc عالمي
وبكل مكان تحصلين له فروع

بنك البحرين الوطني يفتح للي اقل من 21
بنك البحرين والكويت ما يفتح

ويدزوون لش الحوالة في ويسترن نيون
او يحطون لش بالحساب

اني افضل الثانية
ولو انها تتاخر تاخذ يوم الى يومين
بس اضمن لش بالبطاقة
افضل من تروحين حوالة وكان اهلش دازين لش مبلغ عود تضطرين تمشين فيه بالشارع وهو بالبوك يصير خطر

[Afnan :D]

الدراسة تعاسة .. سويت كيك .. حبك يداويني

مشكووورييين جزاكم الله الف خير

استفدت من ردودكم وايد

[..Hayra..]

اني رحت hsbc قالوا مايفتحون لاقل من ١٨
ورحت بنك البحرين الوطني يفتحون حساب لاقل من ١٨ ويسوون بطاقة شبابية
يعني تقدرين تسحبين من اي بنك حتى في مصر بدون مايخدون ولافلس

[Broken dreamer]

انا ع بنك البحرين الوطنيه باسمي ع اسم ابوي
والبطاقه فيزا تقدرين تسحبين فيها في كل مكان

[اميرة فاطمية]

اني بعد مثل قصتش :| بقول لش شنو سويت اني ..

npp , bbk >> يفتحون للي اقل من 21 لكن بتوكيل الابو .. و لين صرتين 21 يصير رسميا باسمش ..
بتوكيل الابو يعني عندهم شروط .. ماعرفها بس الي اعرفه ان مايصير تسحبين اكثر من 100 دينار ف اليوم ..

^^ هذا الحساب وديه حق الوزارة ينزلون لش عليه المنحه ..

وفتحي حساب ثاني باسم الوالد علىhsbc لان في فرع في مصر .. وخليهم يحولون الفلوس من bbk مال المنحه مثلا الى hsbc حتى يصير سهل عليش تسحبين اهناك ..

[نصيف]

سوف اطرح تجربتي هنا ,, ف ركزو شوي

أولشي رحت HSBC > ذلوونا واحنا ننطرهم يشربون كوفي و تالي قعد ويانا قال لا هادي تحت ال18 و مايصير نفتح بأسم الام لآن تالي مشكلة تحويل الحساب و البطاقه و بلابلابلا !!


تالي رحنا BBK و بثقه حاملين ال آي دي و الجواز و شهاده الميلاد الاصليه قالو لازم الابو اللي يجي و الحساب و البطاقه تكون باسمه لآني اقل من 21 :)

تالي رحنا الطيب ابو الطيبين NBB المدعو باسم بنك البحرين الوطني و نطرنا شويه و قعدنا ويا البانكر و طبع شهادة ميلادي و بطاقتي الغبيه و سوا الحساب ف ربع ساعه كملنا و خلاني اوقع علشان عقب اسبوع تماما اجي استلم بطاقة ال ATM والتي تخولني اسحب فلوس لو بعد ف جهنم !

و سبب ثاني .. البحرين الوطني هو البنك اللي تتعامل وياه الوزارة ف بعض الحالات و ف التوظيف المعاش ماينزلون ع بنك غير يقولون روحو فتحو ليكم الحساب

وللعلم ,, ان لازم تحطون 20 دب حق ينفتح ليكم حساب هونيك



و شووووووووووووكرا !

نصيحه لا تروحون لبنك غير وجهتكم الوطني > دعايه

موجود ف palm square ف جنوسان - شارع البديع
و في فروع اخرى !

[Afnan :D]

و اخيرا اليوم كملت سالفة البنك رحت البنك العربي فيه له فرع ف 6 اكتوبر بعد
شكرا ع المساعدة و يعطيكم العافية :)