التسجيل | التعليمـــات | التقويم | البحث | مشاركات اليوم | اجعل كافة الأقسام مقروءة |
|
النادي الأدبي لا للمنقول نعم لإبداعاتكم الأدبية الشخصية |
|
أدوات الموضوع | إبحث في الموضوع | انواع عرض الموضوع |
25-09-2012, 02:49 PM | رقم المشاركة : ( 1 ) | ||
مميز بالفصل الأول 2016-2017
|
اسرار!روايتي...
سلام عليكم...
هذي اول روايه لي انشرها... انشاء الله بحط اول بارت.. وقولولي اكمل او لا؟! مع العلم انها شوي طويله! |
||
25-09-2012, 03:09 PM | رقم المشاركة : ( 2 ) | ||
مميز بالفصل الأول 2016-2017
|
اسرار...
حكايه ترويها امنيات تحلق في فضاء السعاده! ــــــــــــــــــــــــــــــــــــــــــــــــــ ــــــــــــــــ الشخصيات: سارة:بنت جميله جدا عيونها بنيه ناعسه وبشرتها حنطاويه خفيفه مو طويله ولا قصيره لكن فيها ميل للطول ونحيفه جدا وهي الوسطى بين اخوانها واخواتها عمرها 18 سنه تدرس في الجامعه تمريض! رقيه:اخت سارة وتشبهها بس عيونها عسليه وبشرتها بيضاء وعمرها 22 سنه ومخطوبه حق ولد عمتها!اخر سنه ليها بالجامعه! جواد:اخو سارة عمره 35 سنه متزوج وعنده بنت اسمها رانيه عينه خضراء فيها حيويه وبشرته سمراء!يشتغل في مدرسه! ناجي:اصغر اخوان سارة عينه عسليه ناعسه وبشرته حنطاويه خفيفه عمره 14 سنه في 3 اعدادي! ايناس:ام سارة وعيونها بنيه وبشرتها بيضاء مشربه بحمرة ملامحها اجنبيه لكنها بحرينيه! جاسم:ابو سارة عيونه عسليه وبشرته سمراء وملامحه بحرينيه اصليه! ــــــــــــــــــــــــــــــــــــــــــــــــــ ـــــــــ اول كلماتي امنيه صغيره تخرج من قلب شارف على الخروج من بين اضلاع مهده سعيدا! اتمنى ان يسعد الله كل مهموم بالدنيا كما افرحني هذا اليوم! ــــــــــــــــــــــــــــــــــــــــــــــــــ ــــــ كانت سارة قاعده على سريرها بالمستشفى وهي حاسه بملل فظيع...دقائق ويرن تلفونها بصوته المزعج.... ــــــــــــــــــــــــ ياترى من المتصل؟ وليش سارة بالمستشفى؟ كل هذا نعرفه في البارت الجاي من روايه ((اسرار...)) |
||
26-09-2012, 10:20 PM | رقم المشاركة : ( 3 ) | ||
مميز بالفصل الأول 2016-2017
|
اسرار....
ـــــــــــــــــــــــــــــــــــ كانت سارة قاعده على سريرها بالمستشفى وهي حاسه بملل فظيع...دقائق ويرن تلفونها بصوته المزعج.... سارة:الو هلا .........:اهلين شخبارش سويرة سارة:تممام وانتينه قلبو؟! .........:اني الحمد لله والله واحشتني قلبي متى بيطلعونش من المستشفى؟! سارة:هداوي حبيبتي مايحتاج الصياح..اني الحين بخير وسلامه هي فترة وبتعدي لاتصيحين! هدى:والله ما اقدر انطر طلعتش اسمحي ليي اجي لش المستشفى؟! سارة:حياش حبي ترى ناطرتج ها! هدى:اوك قلبو يلا سي يو! سارة:اوك باي.. ـــــــــــــــــــــــــــــــــــــــــــ هدى:بنت خال سارة,طيبه وحبوبه وحيده امها وابوها,عمرها 20 سنه وبشرتها شاحبه على طول بسبب السكلر,عيونها زرقاء بلون البحر وراثه امها لبنانيه بس نشأت في البحرين من لما عمرها 8 سنوات! نورة:ام هدى,جميله ورقيقه,عمرها 44 سنه,صاحبه شخصيه واثقه رفيع:ابو هدى,برغم كبر سنه لكن مايزال جميل وشخصيته مرحه وعمره 46 سنه! ـــــــــــــــــــــــــــــــــــــــــ بعد ثلاثه ارباع الساعه من الملل والزهق عند سارة وصلت هدى وجلست عند سارة وبعد السلام قالت ليها تتغطى لأن ابن خالتها وياها بيدخل... سارة:هاااا ولد خالتش؟ليش؟لحظه حارسي بلبس العبايه والشيله! وبسرعه لبست سارة عبايتها والشيله وجلست على السرير وهدى راحت تقول لولد خالتها يدخل... دخل صبي طويل فارع الطول وسلم بالكلام على سارة وصوته كان هادئ وعميق وجلس بعيد على آخر كرسي وظل ساكت طول الوقت بينما سارة وهدى يتكلمون! هدى:هذا ولد خالتي نجمه واسمه...... ــــــــــــــــــــــــــــــــــــــــــــــــ ياترى شنو اسم ولد خالتها؟ شنو بيصير في لقاء هدى بسارة؟ في البارت الجاي نعرف المزيد! من روايه: اسرار....... |
||
27-09-2012, 03:51 PM | رقم المشاركة : ( 4 ) | ||
مميز بالفصل الأول 2016-2017
|
واصلي وحدة الالآم حلوة القصة عجبتني وايد حطي البارت الي عقب
|
||
27-09-2012, 07:47 PM | رقم المشاركة : ( 5 ) | ||
مميز بالفصل الأول 2016-2017
|
اسرار......
ــــــــــــــــــــــــــ هدى:هذا ولد خالتي نجمه واسمه محمد وعمره 20 سنه وشفتينه خب اي طول,واجد مرعب طوله! سارة:اشوى اني مو طويله ولا قصيرة طولي زين! هدى:يالفالحه هذي اخر سنه لش تطولين تالي انت مافي يطول اكثر! سارة:مو مهم اهم شي اخلاقي واسلوبي وي الناس وبعدها الشكل مايهم جمال الجوهر ولا جمال المنظر! هدى:طول عمرش بتظلين افهم واعقل مني! سارة:ايي هدواي جبتين الروايه مالتش؟ هدى:يوه اسفه نسيتها قلبو معذرة سامحيني! سارة:مو مشكله مرة ثانيه,ايي كملت روايتي اني بس المشكله ماليي خلق اداعس في التلفون لأن نصها بالنوت بوك ونص الثاني بالنوتات مال الفون! هدى:بسألش جم صار طولش؟ سارة:اووف ردينا على طير ياللي؟المهم طولي 170 سم لويش يعني؟ هدى:يالنحيسه اقصر مني! سارة:لاتقولين ليي لست سوى عمارة خرقاء!لأنش مو عمارة ولا انتين خرقاء! هدى:مافي شخص بالعالم يقدر يرفع معنوياتي غيرش! سارة:اني مااسوي شي بس احاول اغير من نفسيه الشخص اللي متأذي واقعد احاول اساعده! هدى:انتينه واجد حنونه خيه! سارة:وانتينه احن! محمد:هدى يلا ماشين؟ هدى:الساعه كم؟اووه واجد تأخرت!مسامحه سوير بغيت اقعد اكثر بس عندي ارتباطات ثانيه! سارة:لالا عادي يلا اشوفش يوم ثاني! هدى:مع السلامه! ـــــــــــــــــــــــــــــ بعد ما طلعت هدى سارة بدت تفكر: ياعلي مستمله حدي انتو مابتعرفوا شقد انا زهقانه بدي اطلع اروح واجي بس مابيصير هوووه زهق هههههه من كثر الملل قمت اتكلم سوري مدري لبناني هع!احسن حل اتصل حق جواد يجيب ليي رانيه اقعد وياها! ـــــــــــــــــــــــــــــــــــــــــ اتصلت سارة حق جواد: جواد:سلام شحوالش خيه؟ سارة:الحمد لله بأحسن حال! جواد:آمري! سارة:اممم عندي طلب! جواد:قولي! سارة ايصير تجيب رانيه علشان تقعد ويايي؟ جواد:اممم لحظة بسأل هناء اذا ترضى اخلي بتها وياش!هنااااء هنااء ايصير نودي رانيه حق سارة؟انا يعني اقولش لأن ادري اختي متوحشه بتاكلها اذا وديناها!ههههههههه! سارة:هييي جواد اني مو متوحشه! جواد:اوكي نص ساعه وانا عندش! سارة:لاتسرع اوكي؟ جواد:اوك! سارة:مع السلامه! جواد:الله يسلمش! ــــــــــــــــــــــــــــــــ سارة تفكر مرة ثانيه: هييييييييييييه كبرت اني وصرت عمه ويمكن بعد فترة اصير خاله وبعدي..... ـــــــــــــــــــــــــــــــــــ ياترى سارة بعدها شنو؟ وشنو بيصير على موضوع رانيه؟ وهدى ليش طلعت بسرعه؟ ومحمد وشخصيته الغامضه ياترى شنو قصته؟ كل هذا نعرفه في البارت الجاي من روايه: ((اسرار)) |
||
التعديل الأخير تم بواسطة وحدة الآلام ; 19-11-2012 الساعة 06:10 PM |
|||
27-09-2012, 10:57 PM | رقم المشاركة : ( 6 ) | ||
مميز بالفصل الأول 2016-2017
|
كملي الرواية حماس جدا ولكن طولي في الاجزاء شوي
|
||
28-09-2012, 09:31 PM | رقم المشاركة : ( 7 ) | ||
مميز بالفصل الأول 2016-2017
|
وحدة الالآم كملي وحطي الي عقبه انتظر الرواية
|
||
02-10-2012, 03:08 PM | رقم المشاركة : ( 8 ) | ||
مميز بالفصل الأول 2016-2017
|
شكرا اسيرة اغتيال على المتابعه!
|
||
02-10-2012, 04:31 PM | رقم المشاركة : ( 9 ) | ||
مميز بالفصل الأول 2016-2017
|
اسرار....
ــــــــــــــــــــــ هييييييييييييه كبرت اني وصرت عمه ويمكن بعد فترة اصير خاله وبعدي بخباله الجهال وصرقعتهم ههههه شفيهم الجهال شحلاتهم اصلا براءه وخيال واسع بلا حدود... ـــــــــــــــــــــــــ عند هدى ومحمد: هدى:محمد لمتى يعني بتظل عزابي؟مو كأنك طولت له؟ محمد:اوهو ماليي زاغر هالهرار انا! هدى:يلا عاد واجد مهلت! محمد:ياعلي وش اسوي انا في حياتي! هدى:عرس له! محمد:يلا فيش الخير دوري ليي وحده! هدى:وااا؟اني مو خطابه علشان ادور ليك وحده بس يلا ماعليه بحاول! محمد:صدقت هادي بعد اقول لاتدورين ولاشي بعدي ما وصلت السن المناسب! ـــــــــــــــــــــــــــــــــــــــ عند ام سارة وابوها: ام سارة:ها شرايك؟موافق؟ ابو سارة:اممم بس باريس فرنسيه واحنا مانعرف فرنسي زين اسبانيا احسن! ام سارة:اسبانيا بعد حلوة يلا وشو ورانا؟ ابو سارة:باقي اخر شي ننتظر سارة تطلع من المستشفى ونروح! ام سارة:اكيد ما اروح دون بنتي! ــــــــــــــــــــــــــ عند رقيه:واا؟اسبانيا؟ ام سارة:اي بنروح بعد طلعه سارة من المستشفه خبري جواد بعد. رقيه:اوك يوصل! ـــــــــــــــــــــــــــ ياترى شسالفه اسبانيا؟ وهدى هل فعلا هي جاده بكلامها؟ وسارة هل بتسافر اسبانيا معاهم اولا؟ |
||
09-10-2012, 02:42 PM | رقم المشاركة : ( 10 ) | ||
طالب مجتهد
|
أكمليَ .. أترقبَ ألنهآيةَ
|
||
09-10-2012, 04:08 PM | رقم المشاركة : ( 11 ) | ||
مميز بالفصل الأول 2016-2017
|
اسرار...
ـــــــــــــــــــــــــ عند سارة: سارة:رانيه عمه الحين كم عمرش صار؟ رانيه:5 سنوات الحين اصلا اني كبيرة! سارة:بال يعني بتغلبيني! رانيه:اييي بصير اكبر منش بعد وبصير كبيرة واجد! سارة:هههههه عاد حارسيني مو تسبقيني! رانيه:لاااا اني اصلا ما احارس! ــــــــــــــــــــــــــــــــــــ عند هدى: هدى:اميييييييي الحقيني! ام هدى:هااا ويش صاير ويش هست؟ هدى:هههههههههههه خوفتش؟ ام هدى:يووو عاد بسش من هالسالفه دبحتيني كل مرة اموت من الخوف وتطلعين تمزحين! هدى:ههههه لا جد هالمرة عندي موضوع ابي اقوله لش! ام هدى:قووولي وبسرعه اشوفش جاده هالمرة انتينه ما ينأمن منش! هدى:يوووه عاد خلاص نجفت! ام هدى:ههههه ادري فيش دقيقتين وبتجين ليي يلا قولي وريحي بالش! هدى:انزين اسمعيني للنهايه ولا تقاطعيني!هديك المرة يوم اروح لسارة بنت عمتي وي محمد في الرجعه شسمه قال ليي ادور ليه وحده عاد اني اعرف ثنتين يناسبووونه عدددددددل! ام هدى:والله؟من؟ هدى:شسمه اول وحده مها بنت الشيخ ابراهيم الجلاليف!حلييييوة وماشاء الله عليها زينه حدها خلق وخلقه وماحد يذمها وعمرها 17 سنه! ام هدى:اي بس مو جنها صغيرة له؟هي كلها على بعضها من وصفش تممام وتليق بس صغيرة يابنتي! هدى:ايي اني بعد اقول لكن قلت خل نجرب! ام هدى:انزين منهي الثانيه؟ هدى:الثانيه يا امي الله يسلمش مثل ما خبلت فيها بتخبلين فيها انتين بعد! ام هدى:يوه يوه كل هذا من زينها واخلاقها؟ هدى:واكثر!هي حليييييوة واخلاقها عسل ما فيها شي شين! ام هدى:يوووووه مالي صبر قولي منهي وفكيني! هدى:ههههه الثانيه الله يسلمش يا امي سارة بنت عمتي ايناس!!! ــــــــــــــــــــــــــــــ عند جواد: جواد:وييييييش؟؟؟ رقيه:مثل ماسمعت! جواد:يووووه احلفي! رقيه:هذا اللي وصلني!اسبانيا! جواد:لالالا كثييييير اسبانيا مرة وحده! رقيه:بعد! جواد:هههههه يلا الحين لازم اسكر ههههه لا رانيه بابا لا تدغدغيني!رقيه بصك الحين وبكلمش بعدين هههههه! رقيه:اوك........... بعد ماسكرت الخط:والله هالرانيه طايحه في ابوها وذابحتنه مسكين متعاطفه وياه هههه! ـــــــــــــــــــــــــــ عند ام هدى واختها ام محمد ((نجمه)): ام هدى:يوووه خيو مو جنه محمد الحين لازم يعرس له؟ ام محمد:اي وانتين الصادقه بس مالقيت البنت اللي تناسبه! ام هدى:يوووه لاتشيلين هم ترى اعرف وحده تناسبه عددددل! ام محمد:والله؟منهي؟ ام هدى:بنت اخت زوجي اسمها سارة وياحلاتها وزين اخلاقها! ام محمد:والله؟سوير بنت جاسم؟ ام هدى:اي هذي هي! ـــــــــــــــــــــــــــــــــــــــــــ هدى نفذت اللي في بالها و دورت لمحمد وحده بس ياترى شنو موقفه تجاه الموضوع؟ ام محمد هل بتتقبل سارة او لا؟ شنو بتكون رده فعل سارة لما تعرف؟ كل هذا نعرفه في البارت الجاي من روايه: اسرار... |
||
13-10-2012, 12:55 PM | رقم المشاركة : ( 12 ) | ||
طالب مجتهد
|
آلبآرتآتِ وآييدَ قصييرةِ ..!
أتمنىَ أنشّ تطولينهمَ ششويآتِ ! وآصلي .. بس آلروآيةِ مآفيهآ حمآس وآييدَ يعني سوي فيهآ آكششنآتِ وجيَ ! هدى نفذت اللي في بالها و دورت لمحمد وحده بس ياترى شنو موقفه تجاه الموضوع؟ آعتقدِ محمدّ بطبببعهِ بآردِ ! يعني عآدي آلموضوع وههدىَ مسستآنسةَ حدهآ آلآنه رفيقتهآ بتصير زوجةِ ولدِ خآلتهآ ام محمد هل بتتقبل سارة او لا؟ أتوقععَ يبَ .. دآم سآرةِ مآعليهآ كلآمً شنو بتكون رده فعل سارة لما تعرف؟ مآآتوقع توآفق بسرعهِ وبتكون ردةِ فعلهآ آنهآ بتقول آنهآ صصغيرةِ وتبي تكملَ درآستهآ .. إلخَ .. بآلتوِفييِقّ .. |
||
13-10-2012, 01:23 PM | رقم المشاركة : ( 13 ) | |
طالب مثالي
|
رواية جميلة
|
|
16-10-2012, 05:33 PM | رقم المشاركة : ( 14 ) | ||
مميز بالفصل الأول 2016-2017
|
اسرار..
ــــــــــــــــــــــ سارة بعد فترة قضتها في المستشفى رخصوها ورجعت البيت وبعد فترة قالوا ليها عن اسبانيا بس سارة لشده دهشتهم رفضت السفر بشكل قاطع وقررت انها تبات في بيت خالها مدة سفرهم! ـــــــــــــــــــــــــــــ يوم السفر: الأم:سارة انتين متاكده مابتجين؟ سارة:اي متأكده لو بجي جان قلت من اولها بس ماابي! الأب:يلا عجل في امان الله! الأم:هدى امانه سارة عندش خليها طول الوقت وياش ترى لو انتين مو موجوده جان ماخليتها امانه هذي في رقبتش هدى! هدى:ان شاء الله عمتي لاتحاتين سارة في عيوني! سارة:يلا امي اتروحون وتردون بالسلامه سلموا على جواد ورقيه عني! الأم:يوصل انتون بعد حاسبو لروحكم! وركبت الأم في السيارة وانطلقوا للمطار متوجهين الى اسبانيا! ــــــــــــــــــــــــ عند هدى وسارة: هدى:شناطش بارزة؟ سارة:يب كلشي بارز! هدى:يلا البسي عجل وسرعي لأن ولد خالتي كلش مايحارس! سارة:ويييش ولد خالتش؟ليييش؟ هدى:بلا اسأله وروحي البسي! راحت سارة تلبس ويوم رجعت قالت لهدى:صيري ويايي ورى مو تقعدين قدام وتخليني بروحي! هدى:اوكي بس يلا سرعي! وطلعوا واثناء مشيهم لعند باب الحوش هدى زلحت!!! سارة:هههه قومي يلا مو حزتش تزلحين! هدى:ياعلي وش هالكعب يزلح! سارة:قومي قومي يالعجوز! قومتها سارة وطلعوا وفي ركبتهم السيارة سارة حست بشي غريب بس تجاهلته! ـــــــــــــــــــــــــــــــــــــــ في بيت الخال: هدى:مرحبا بك في بيتش الفاني! سارة:اهلين فيش! هدى:تعالي الحجرة له! سارة:ها اي انزين! وراحوا حجرة هدى وقعدوا كل وحده في البيبي مالها! ـــــــــــــــــــــــــــ سارة في البيبي مالها: Sio0o:هدى اذا اني بنام على سريرش وين بتنامين! Hio0o:على الطوفه!اكيد على الأرض! Sio0o:لالا اذا بتنامين عالأرض بنام وذ يوو! Hio0o:انزين وش رايش نروح الحجرة الفانيه؟فيها سرير طابقين انتين فوق واني تحت! Sio0o:امم اوك بس ليش هالحجرة ولاقط فهمت ليش موجوده! Hio0o:ولا اني ادري،كلما اسأل عنها يتهربون من الجواب! Sio0o:انزين قومي نودي الأغراض هناك له لأن بننام هناك شهر لو نسيتين! ـــــــــــــــــــــــــــــ عقب ماشالوا الأغراض وودوهم انسدحت سارة على السرير..... ياترى شسالفه الحجرة الثانيه؟ وش سبب بقاء سارة في البحرين؟ وش بيصير في موضوع ام محمد وام هدى؟ كل هذا نعرفه في البارت الجاي من روايه: اسرار.. ــــــــــــــــــــــــــــــ سوري عالبارت القصير بس وقتي مايسمح كلش بحاول بكرة اعوض! |
||
17-10-2012, 04:48 PM | رقم المشاركة : ( 15 ) | ||
مميز بالفصل الأول 2016-2017
|
كملي الي عقب حطي جزئين ورى بعض لا توقفين حدها عجيبة الرواية
|
||
مواقع النشر (المفضلة) |
أدوات الموضوع | إبحث في الموضوع |
انواع عرض الموضوع | |
|
|